Jeremaia 28:8 - Nobonob Baibel

⁸ Anukkanunab haen uɗiak, aria na anin, amu da anil ele ii menuitpiɗ, haen amu ohppa ele propet ag dimppa aɗi bekkunu nai madippig. Ag geha ban daakku, haen naunab daakku, amu oɗe nau danab kuɗum aqe mauhtteb, ag keeke ewam amu oh wan atu kuɗumppa bekkulagnu, amu ɗo maɗoɗ ɠagattag, amuppa ele bekkulagnu madippig.

Jeremaia 28:8 ပူးပေါင်းရင်းမြစ်များ

1 King 17:1

Elaiya nug am propet laa. Nug appag diig am aab onig Tisbe. Aab amuam Gileat wanppa dayom. Haen laappa Elaiya nug King Ahap gumitta ukka, amegppa inam aum. “Yawe, ig Israel, ihinig Kayak, da nuhig maɗi nid daattem, amu Nug genab bau daatte, genab amubia amu, geha gu, baito ele maɗ laala wanppa baula ii nema. Anam dayebeb ukkeb, geha da appi, amu nekku,” awa aum.

1 King 22:17

Ahap nug anam a, aria Mikaia nug amegppa aum. “Da matu Israel dilag ban danab ag aben qaukoppa sipsip gumak danab iitta bia hamu matatun gona daaegeg anadmi. Am Yawe Nug inam a doomi. ‘Danab imu ag gumak laa iitta amunu, ag oh anen anen ag laulkadppa, maɗoɗ ele eɗun ukkeg!’ ” awa aum.

1 King 22:8

Jehosapat nug Ahap anam oɗ mette, Israel dilag king Ahap nug aum. “Laippu laa ig hepput, nug Yawe oɗ metteb, aɗi ab doya, nug ab doognignu elele. Nug am Imla bekka Mikaia, amge da danab amunu nau ninig ele doottem. Aɗinu? Haen oh nug dimppa aɗi bekkunu nai dahilnu da amelppa maditte amu, keeke ena laa bekkunu ii maditte. Iitta. Nug nauib bekkunu atte,” awa aum. Ahap nug anam a, Jehosapat nug aum. “O king, na anam madikkutnu am ena iitta,” awa aum.

Aisaia 13:1

Nai meunab ele Babilon wanppanu Yawe he, Amos bekka Aisaia doyom ele am iikku.

Aisaia 13:18

Midia huu ag geha Babilon nid bau latppa aqaglag. Midia ag nid yuɗ dilagnu oo gai-iitta doya, oo metta ehanittak laa ii doomna. Ao, ag nid naunau dilagnu oolag bodoetta, le ii mema. Ag aqakib aqappeg mauhkkulag.

Amos 1:1

Nai imuam Amosnu nai. Amos nug sipsip gumak danab aab Tekoanu, nug ag oolagppanu sipsip gumak danab laa. Nug nai imu tuleglegppa anttom. Nug anttom, haen amuppa Usia nug Juda dilag king daye, Jehoas bekka Jeroboam nug Israel dilag king dayom. Nug tulegleg imu antte, maɗ aɗit uue, mim naɗi aakku neum. Nai imuam Israel dilagppa dimppa aɗi bekkunu nai.

Amos 1:2

Amos nug inam aum. “Yawe Nug Sion dayaya, laion huana gaatte, amubia Nug baag okkai eleppa nai maditte. Ao, Nug nai baag okkai ele, hakkaɗ oqotti otte, amubia Jerusalem appanu nai maditte. Nug nai mattieye, gikkiɗah dadppa, sipsip gumak danab ag appa sipsip ahilkad gumadtteb ele, dad amuppan gikkiɗah qaɗaiedatte. Yo, gikkiɗah qauko Karmel igippa daatte ele qaɗaietta mauɗtte,” awa aum.

Jona 3:1

Aria, keeke anam beum, amu dimppa Yawe Nug baula Jona amegppa aum.