Jeremaia 28:1 - Nobonob Baibel

¹ Aakku, maɗ amuppaib, maɗ amuam Sedekaia nug haen elab king ba ii dayom, nug Juda dilag king ba dayaya, nuhig king dayaknu maɗ waɗelenu kalam tanig eleppa Asur bekka propet Hanania, Gibeon ted, aria da, mana mettak danab, amu danab ah ele ig Yawe laugppa daamut. Ig anam appa daatta, Hanania nug mana mettak danab, amu danab ah ele noolagppa da amelppa aum.

Jeremaia 28:1 ပူးပေါင်းရင်းမြစ်များ

1 King 3:4

Gibeon, aab amuppa amu, aabppanu mettid lag nakok anuqak aguppa dayom amunu, deɗ laa Solomon nug mana mettak hekkunu Gibeon ukkom. Ukka, nug doɗ 1,000 aqa, qaɗabppa manaknu ofa haaha manatta, Yawe mettom.

2 King 24:18

Sedekaia nug maɗ 21 dayaya, nug king ba dayom. Nug king ba, nug maɗ 11 Jerusalem appa king dayom. Nug anig am Jeremaia aɗeg Hamutal. Nug Lipna aabppanu ah.

2 Stori 36:11

Sedekaia nug maɗ 21 dayaya, nug king ba dayom. Nug king ba, nug maɗ 11 Jerusalem appa king dayom

Aisaia 9:15

Ikki amuam ahilkad ikki danab, ahilkad danab onilkad ele. Boob amuam propet danab ahilkad, ag nai hambuppuak danab ah amelagppa mehuqtteb ele.

Jeremaia 23:28

Propet aun laa nug tul niia, nug tul niiak amuam dahilppanu uɗiom ii dookku dayeb amu, nug, ‘Tul niiak imuam dahil tul niiak,’ aakkuib akkuoitte, amge propet aun laa nug dahil nai doyom dayeb amu, nug tutukku, genabnab mehuqaɗ! Wit gumu am keeke hamu, wit aeg am keeke enanag, amubia.

Jeremaia 27:1

Aria, Josaia bekka Sedekaia, Juda dilag king, nug king abenabppa ta dayeye, haen nakokib ukke, Yawe Nug Jeremaia nai laa mette doyom; am nai amuam inam.

Jeremaia 27:12

Yawe Nug da, Jeremaia, nug da amelppa anam a, da nai amu laihppan uɗiak danab amu amelagppa awoya, da Juda dilag king Sedekaia amegppa ele nai amuib ai doyom. Da nug amegppa inam ami. “Na Babilon dilag king, nuhikkud danab ele waalagppa maɗi nid daan, ahilag uɗat hekkut dayeb, makau laa doɗnu duugppan tuqai duugppa dayebeb, uɗat haknu uua ii hette bia hekkut, am na bau daakkut.

Jeremaia 27:3

Aria gemu amu, danab laala ag Edomnu, Moapnu, Amonnu, Tairnu, amu Saidonnu ele ag ahilkad king ag Juda dilag king Sedekaia ele nai mattiglagnu maatteg Jerusalem uɗippig daan, amu hetteb ele amu, na amu gumadna gona, dahil nai ag eɗun aon gona, ahilkad king amelagppa nai amu akkulagnu ag eppelagppa mekkut.

Jeremaia 28:11

Nug anam ha, nug danab ah daappig oh amelagppa aum. “Yawe Nug inam atte. ‘Danab nug doɗnu duugppan tuqai amu he qiiom, amubia da heppi, maɗ aɗit ii neebeb, wan oh Babilon dilag king Nebukatnesar waappa daan nug oɗe dim lamidtteb ele, ag anam ii daamna. Da danab nug doɗnu duugppan tuqai makau duugppanu loppaɗe, makau hamu oitte, amubia da heppi, ag Nebukatnesar waappa ii daamna,’ awa atte.” Hanania nug anam aum. Nug anam a, propet Jeremaia nug aha ukkom.

Jeremaia 28:17

Jeremaia nug Hanania amegppa anam a, maɗ amuppa kalam eblaih aɗitppa, propet hambuppuak Hanania nug mauhom.

Jeremaia 28:5

Aria, propet hambuppuak Hanania nug anam a amu, propet Jeremaia nug mana mettak danab oh, amu danab ah oh ele Yawe laug ooppa daappig, nug ag noolagppa, Hananianu nai nob ma aum.

Jeremaia 29:15

Ag Babilon appa diia ukka laih me dayak danab ah daatteb, ag, “Yawe Nug he, propet ig oonigppa daan, ihinignu kobol ena bekkunu atteb amunu anam bekku,” akkulag.

Jeremaia 36:12

Baruk nug ebqa male, Mikaia nug aha, kingnu lag enanagnab, appan nai yaak danabnu oo laa, nug oo amuppa ukkom. Kingnu ehanittak anuqak danab oh ag aguppa daappig. Ag daappig ele am nai yaak danab Elisama, aria Semaia bekka Delaia, Akbor bekka Elnatan, Sapan bekka Gemaria, Hanania bekka Sedekaia, amu kingnu ehanittak anuqak danab laa oh ele.

Jeremaia 37:13

Nug anam heum, amge haen nug aabnu aɗ od laa onig Benyamin od, nug appa ta, aab dimittim gokkunu ukke, daup od amu gumappig ele dilag okkai Iriya, nug Jeremaia aɗom. Iriya mameg am Selemia, nug alag am Hanania. Iriya nug Jeremaia aɗa, nug aum. “Na ahan, Babilon daup gumadna goppe, ag ele daaglagnu hettem,” awa aum.

Jeremaia 37:19

Propet laa ag dimppa aɗi bekkunu nai genab iitta mattina, ag na amenppa, ‘Babilon ag uɗin, na nittaglagnu, wan imuppan danab ah ele aqaglagnu ban ii hemana,’ appig amu, ag gemu adeppa daatteb?

Jeremaia 49:34

Sedekaia nug Juda dilag king abenab awe, haen elab ii ukke, Yawe Nug propet Jeremaia nai laa Elam dilag mette doyom. Nai amuam inam.

Jeremaia 51:59

Amu Juda dilag king Sedekaia nug king abenab awa, nuhig king dayaknu maɗ waɗeleppa nug he, nug Seraia ele Babilon gopiɗ. Seraia nug Sedekaianu ehanittak danab okkai laa, amu aa gokkulahnu daaeheh, Jeremaia nug Neria bekka Seraia, Masea alag amu, nug nai imu nug mettom.

Esekiel 13:6

Israel danab ah, ahilag propet hambuppuak ag tulegleg anidna, “Yawe mekkom,” atteb, amge amuam genab iitta; am tulegleg hambuppuak. Ao, ag eman hak ahilagppanu, “Imuam Yawenu nai,” atteb, amge amuam genab iitta; am emannu hambuppuak nai. Ag, “Yawe Nug inam atte,” atteb, amge da ag amu akkulagnu ii ami. Ag amu hetteb, amge ag hambuppun, “Ihinig nai am meu okku,” atteb.

Hosea 7:3

Am danab ah ag ahilag kobol nau heegeg, king nug amunu enanagnab dootte; anuqak danab ag ele danab ah dilag hambuppuaknu enanagnab dootteb.

Josua 10:12

Amu Yawe Nug Israel ag ehanatte, Amo eɗadppig, deɗ amuppa Josua nug Israel danab oh noolagppa Yawe unuqittom. Nug aum. “Da na unuqidttem. Na heppe, aam nug Gibeon amahalittak dayebeb, kalam nug oolnu noak onig Aiyalon, nug amu amahalittebeb daakkunu oɗ medattem,” awa unuqittom.

Josua 9:3

Amge haen Gibeon danab ah ag Josua nug Jeriko, Ai ele dilahppa aɗi heum, ag amu doona,