Jeremaia 27:7 - Nobonob Baibel

⁷ Wanppan wan oh ag nug waappa maɗi nid daan, nuhig uɗat hekkulag; nug bekka, nuhignu ele anamib daanna; nug alag, nuhignu ele anamib daaglag. Aria, anam dayebeb ukkeb, Nebukatnesar alagnu haenppa Babilon bu awak haen beeb, wanppan wan anen anen kuɗum, ahilkad king ɠagattag ele ag ahan heppeg, Babilon ag waalagppa daaglag.

Jeremaia 27:7 ပူးပေါင်းရင်းမြစ်များ

Sam 37:13

Ag anam hetteb, amge Naɗi Nug ag imadtte. Aɗinu? Nug ahilag gog tak anidtte.

Aisaia 13:1

Nai meunab ele Babilon wanppanu Yawe he, Amos bekka Aisaia doyom ele am iikku.

Aisaia 21:9

⌊Nug anam awowa, nug neekke ukke, keeke laa antta eum.⌋ “Antteg! Da danab doɗ attan daan uɗitteb anadttem. Ag hos attan aɗit aɗit daan uɗitteb,” awa aum. ⌊Amu laa nug oɗmak he, laa⌋ nug nob ma, inam aum. “Babilon na qa nauhom. Babilon aakku na qa nauhom. Ahilkad kayak hambuppuak dottolkad amu oh wanppa nena qena, oh aoɗadppig!” awa aum.

Jeremaia 27:22

“Babilon dilag daup ag keeke amu oh aon, Babilon gokkulag. Ag aon gona, maadppeg daappeg, haen laa dimppa, laa ag eɗun aon wan imuppa uɗiglagnu dabmekkul amu, haen amuppaib ag Babilon wanppa eɗun ii daamna. Haen amuppa da heppi, laa ag aon uɗin, keeke amu ag abennalagppa mekkulag,” awa atte.’ ”

Jeremaia 34:1

Amu Babilon dilag king Nebukatnesar nug, nuhikkud daup, wan atu laala ag Nebukatnesar waappa daan, nug ehanidppig ele dilag daup oh ele ag Jerusalem ele ban henana, ag aab naunau Jerusalem talilittak daappig, amu dilagppa ele ban heppig, haen amuppa Yawe Nug Jeremaia nai laa imu mette doyom.

Jeremaia 44:30

At am inam. Da heppi, Isip dilag Paro, Hopra, nug kekeɗ ag nug qeppeg mauhkkunu oolag hette, nug ag eppelagppa daakku. Babilon dilag king Nebukatnesar, nug Juda dilag king Sedekaia qeeb mauhkkunu oo he, da hei, Sedekaia nug Nebukatnesar eppegppa dayom, amubia Paro, nug kekeɗ nug qeppeg mauhkkunu oolag hette, nug ag eppelagppa daakku.” Yawe Nug anam awa atte.

Jeremaia 46:13

Aria, nai imuam Yawe Nug Babilon dilag king Nebukatnesar nug Isip ele ban hekkulagnu uɗikkunu propet Jeremaia amegppa ana, Nug aum.

Jeremaia 52:31

Aria, Nebukatnesar nug Juda dilag king Jehoiakin awa, Babilon wanppa ukka laih me dayak danab daakkunu ukkom, maɗ amuppan digma ukke, maɗ 36 uue, maɗ 37 ooppa danab onig Ewil Merodak nug Babilon dilag king abenab awom. Nug awa, nug he, ag Juda dilag king Jehoiakin maniguittakppanu aon meeg, dimittim uɗiom. King Ewil Merodak nug maɗ amuppa kalam 12ppa, deɗ 25ppa anam heum.

Esekiel 30:24

Da heppi, Babilon dilag king nug ɠagattag dayeb, da dahil qep elab nug eppegppa mekkul, amge da Paro eppeg laih laih oh qiiatppi, Paro nug danab guittak awa mauhkkun haaha aiqakkak hette, amubia Paro nug aiqagakku.

Daniel 2:37

O king, na am wanppan king laa oh eɗattak daattem. Kayak, hab attan daatte, Nug na king daakkutnu tituanitta, Nug ɠagattag, ebehi okkai, binag amahlak oppiaawak ele na metta,

Daniel 4:22

O king, na amu anidme amu, ad okkai ena amu, am naib ippunigtte. Na king bena, onin okkai ba male, na ɠagattag ele daattem. Na onin okkainab meeme ukke, gemu ad ba hab aɗe, danab ah oh anidkkulagnu elele daappig bia, wan atu ohppanu danab ah ag nahipnu dootteb. Nahip gumak am ukke ukke, wan umanab daattebppa batatte.

Habakuk 2:7

Da Yawe, da Babilon dilag okkai amegppa attem. Laa na ahilkad keeke yab aome ele amu, ag qinob iite ahamna? Ag ahan heppeg, na iite ottaimana? Ag ahan heppeg, na ag eppelagppa daakkut.

Habakuk 2:8

Ag amu hekkulagnu diig am, na ban hena, wanppan wan kuɗumnu danab ah dilag keeke aome amunu, wan amuppanu danab ah laa ii mauhppig amu, ag ban hena, nahip keeke eɗun aoglag. Na danab ah kuɗumnab aqe mauhatteg, na hee, ahilag wan, aab keeke ele nauhak daappig amunu, ⌊ag nahip-ppa anam hekkulag⌋.

Revelesen 14:8

Anam a amu engel ebqak 2 nug dim lamitta ba aum. “Aab okkai Babilon onig, ɠagattag ele aakku na qeum! Aakku na qeum! Nug he, danab ah wan atu ohppanu ag danab wain laeg kaaka aqe, kobol kobol hetteb, amubia ag nug ele kobol nau digdig ele, ewau pakkua gappai hak kobol bia heppig,” awa aum.

Revelesen 16:19

Mim ne amu, aab okkai amu nug obate, maha ewam bate, aria atu atu dilag aab okkai ag nena qeppig. Haen amuppa ele amu aab okkai Babilon onig, ɠagattag ele nug Kayak daugppa do, Nug nuhig oppoɗi bak okkainab kap-ppa wain bia mette, Babilon laum.