Jeremaia 27:4 - Nobonob Baibel

⁴ Na ag ahilkad okkai amelagppa nai imu gona appeg dooglagnu amelagppa appe doyeg! ‘Yawe Nukka Ɠagattag Oh Ele, Israel dilag Kayak, Nug atte. “Ag ahilkad okkai amelagppa inam appeg doyeg!

Jeremaia 27:4 ပူးပေါင်းရင်းမြစ်များ

Eksodas 5:1

Aria, amu dimppa amu Moses, Aron ele aa Paro gumidya goya apiɗ. “Yawe, Nug ig Israel, ihinig Kayak, Nug atte. ‘Na dahil danab ah uuadppe, ag da dabmeɗanna qagmak gamag ahak ele hekkulagnu atu taɗakppa ukkeg!’ Yawe Nug anam atte.” Aa Paro amegppa anam aoya apiɗ.

Jeremaia 10:10

Danab ag kayak hambuppuak anam bappaidtteb, amge Yawe, Nug Kayak genab. Nug hanhan bau daatte. Nug king hanhan daatte. Nug oo nauhe, wan uɗaltte. Wanppan wan anen anen oh ag nuhig oppoɗi bak waappa daatteb ele amu, ag ena ii daamna. Iitta. Ag nauhkkulag.

Jeremaia 10:16

Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Israel ele hattom. Israel ag am nuhikkudnab danab ah. Nug onig am Yawe Nukka Ɠagattag Oh Ele.

Jeremaia 25:27

Da kap amu Yawe eppegppanu aomi amu, haen amuppa Nug da kap awen madette, da inam ag amelagppa akkulnu aum. “Yawe Nukka Ɠagattag Oh Ele, Israel dilag Kayak, Nug atte. ‘Ag danab wain lawowa, spak ma, bahaha, na qa nauha auta awa, eɗua ii aha, nauhak daatte, ag amubia daaglag. Aɗinu ag anam daaglag. Da heppi, ban ahilagppa bekku.’ ” Yawe Nug da ag amelagppa anam akkulnu aum.

Jeremaia 27:3

Aria gemu amu, danab laala ag Edomnu, Moapnu, Amonnu, Tairnu, amu Saidonnu ele ag ahilkad king ag Juda dilag king Sedekaia ele nai mattiglagnu maatteg Jerusalem uɗippig daan, amu hetteb ele amu, na amu gumadna gona, dahil nai ag eɗun aon gona, ahilkad king amelagppa nai amu akkulagnu ag eppelagppa mekkut.

Jeremaia 27:5

Da Yawe, da ɠagattag okkai ele, amu da ɠagattag amuppa da wan imu, danab ah wanppa daatteb, doɗ wanppa daatteb ele oh hattami. Da amu oh hattami amunu, da aun nug keeke amunu okkai daakkunu ool hette amu, da keeke amu oh nug eppegppa mettem.

Jeremaia 28:14

Amu bekkunu diig am, Yawe Nukka Ɠagattag Oh Ele, Israel dilag Kayak, Nug inam atte. “Da wanppan wan ohppan danab ah ag Babilon dilag king Nebukatnesar waappa maɗi nid daan, nuhig uɗat hekkulagnu ag duulkadppa doɗnu duugppan tuqai laa aenppa hak meppi, ag nug waappa maɗi nid daan, nuhig uɗat hekkulag. Da amuib ii hepa. Iitta. Da ele heppi, doɗ dakkuɗ ele ag nug oɗe dim lamidkkulag,” awa atte.

Jeremaia 51:19

Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Jakop buɗub ele hattom. Jakop buɗub ag am nuhikkudnab danab ah. Nug onig am Yawe Nukka Ɠagattag Oh Ele.