Jeremaia 27:19 - Nobonob Baibel

^19-20 Ag anam unuqidkkulagnu diig am inam. Anukka Nebukatnesar nug uɗia, Yawe laugppan keeke laala diia ugakka, nug keeke laala uue daappig; amuam biidod okkai brasppa hak, tappiɗ naɗi okkai brasppa hak onig Yu, tappiɗ keeke me dayaknu balal laala brasppa hak, amu keeke laala ele. Haen amuppa nug keeke amu oh uue, Jerusalem ippa ina daatte. Haen amuppa Nebukatnesar nug Jehoiakim bekka Jehoiakin, Juda dilag king, nug Jerusalemnu awa ukka he, nug Babilon appa diia ukka laih me dayak danab dayom; gemu ele aakku daatte. Nebukatnesar nug Jehoiakinnu anam ha, nug Juda dilag anuqak danab, laa Jerusalemnu, laa Juda wanppa laih laihnu, nug amu dilagppa ele anamib aakku heum. Amu Yawe Nukka Ɠagattag Oh Ele Nug keeke Nebukatnesar awa, Babilon wanppa ii ukkom amu, Nug keeke amunu inam atte.

Jeremaia 27:19 ပူးပေါင်းရင်းမြစ်များ

1 King 7:23

Huram nug le daakkunu tappiɗ naɗi okkai brasppa hak onig Yu heum. Keeke amuam tappiɗ naɗi. Laihnu laih ukkak am 4 mita, 40 sentimita ele. Attan tak nuhig am 2 mita, 20 sentimita ele. Tappiɗ akka talilia ukkak am 13 mita, 50 sentimita ele.

1 King 7:27

Huram nug brasppa balal 10, ag le tappiɗ aguppa maadppeg daaglagnu ele hattom. Balal heqo waɗele, amu oh am melemel laippu; amuam 1 mita, 80 sentimita ele. Attan ahilag melemel am 1 mita, 30 sentimita ele.

2 King 25:13

Amu Babilon dilag daup ag Yawenu mettid lagnu biidod okkai ⌊aɗit⌋ brasppa hak, tappiɗ naɗi okkai brasppa hak onig Yu, tappiɗ keeke me dayaknu balal laala brasppa hak ele oeg aoɗatteg, ag akkan Babilon goppig.

2 King 25:17

Biidod okkai aɗit brasppa hak amu, elab anen anen ahilah am 8 mita. Biidod anen anen ikkilahppa ikki tonaknu keeke laa dayom. Ikki tonaknu keeke aɗit amu oh amu, ahilag elab am 1 mita, 30 sentimita ele. Ikki tonaknu keeke aɗit amu qaɗelahppa bala brasppa hak dayom ele amu, laa am sen lo akkak bia, laa am ag ad pomigranet meu dottog daappig.

2 Stori 36:18

Nebukatnesar nug keeke laala oh Kayaknu mettid lag, nug amuppanu, keeke laala am okkai, keeke laala am keeke nakok, nug keeke amu oh, aria en ele Yawenu mettid lagppanu akka, Babilon ukkom. Nug Juda dilag king, nuhikkud ehanittak anuqak danab dilag en ele akka ukkom.

Gayak Nai 1:10

Kekeɗ ag uɗin, Juda dilag en aon goppig; wanppan wan laala, amuppan danab ag Kayak ii dim lamidtteb ele, ag Yawenu mettid lag ooppa ukkaegeg, Juda danab ah ag amelagppa anadppig. O Kayak, na danab amunu ag na lautppa wana nokkulagnu aib ame; amge ag wana noppig.

Daniel 1:2

Nebukatnesar, nuhikkud daup ele ag anam heeg, Naɗi Nug he, ag Juda dilag king Jehoiakim aoeg, nug Nebukatnesar eppegppa daye, Nebukatnesar nug Kayaknu mettid lagppan keeke laala ele diiom. Keeke amu nug awa ukka, nuhig kayaknu mettid lag Babilon wanppa daatte, amuppa, en maknu oo, nug appa meum. ⌊Nug keeke awa Babilon ukka, Nug Jehoiakim, Juda laala ele diia, ag Babilon wanppa diia ukka laih me dayak danab ah daaglagnu ukkom.⌋