Jeremaia 26:9 - Nobonob Baibel

⁹ Anam anana, ag nai tuɗidna appig. “Aɗinu na, ‘Yawe Nug dimppa aɗi bekkunu nai imu meɗe madittem,’ anana, nai imu mattime? Na ame. ‘Yawenu lag Jerusalem daatte imu geha aab onig Silo, Nug he nauhom, lag imuam amubia daakku; aab okkai imuam hele-ettak daakku; amu danab ah ippa ii daamna,’ aon ame,” aon appig. Ag anam anana, danab ah oh ag Yawe laug ooppa Jeremaia talilidna daappig.

Jeremaia 26:9 ပူးပေါင်းရင်းမြစ်များ

2 Stori 25:16

Propet nug anam mattieye, nai nuhignu mattiom am gog ii teum, amge King Amasaia nug aha, nuhignu nai am okkula, nug amegppa aum. “Da am king, amu ig na da ulum meɗak danab daakkutnu tituanidmutte? Uue! Na ii uukkut dayeb amu, da appi, na mauhkkut,” awa aum. Amasaia nug anam a, propet nug mattiak uuom, amge nug tatam nai tutu laa mattia, inam aum. “Na tatam eheɗ heme, gemu na dahil ulum mettak nai dookkutnu uume amunu, da doottem, Kayak Nug nuhig dabmak na nitteb mauhkkutnu ɠagattag eppom daatte,” awa aum.

Aisaia 29:21

Danab nau amu, ag am laa ag hettoɗiakppa danab eheɗ laa ii he, nug eheɗ heum atteb. Ao, ag am laa ag hettoɗiakppa danab eheɗ ii heum laikkud, ag nug ehanittegeg, laa amu ag amu dilagnu pelem meeg, ag eheɗ aotteb. Ge, ag am laa ag hettoɗiakppa danab eheɗ ii he, ag hambuppun, “Nug eheɗ amu heum,” ag nai amu ag nug hamu yaatteb amunu, danab nug eheɗ ii heum, nug hamu guittak aotte.

Jeremaia 32:3

Juda dilag king Sedekaia nug Jeremaia maniguittak daakkunu anan, Jeremaia amegppa inam aum. “Na dimppa aɗi bekkunu nai madittem amu, aɗinu na anam madittem? Na dimppa aɗi bekkunu nai mattinna, na danab ah amelagppa inam attem. ‘Yawe Nug inam atte. “Da aab okkai imu Babilon dilag king eppegppa meppi, nug eɗitta aokku.

Jeremaia 33:10

Amu Yawe Nug inam atte. “Na attem. ‘Aben imuam hele-ettak, wan meu waknu nakokib elele, am anam daakku, amu danab, doɗ ele imuppa ii daamna,’ aon attem. Na attem am genab, Judanu aab, aab Jerusalem imu ele nauhakib daaglag, amu danab, doɗ ele ag appa ii daamna, amge da heppi, aben amu ohppa danab ah ag qinob eɗun daanna,

Jeremaia 36:29

Na nai amu oh buk itoɗiak ele laappa yona, na Juda dilag king Jehoiakim amegppa inam appe doyaɗ! ‘Yawe Nug inam atte. “Na buk itoɗiak ele laa amu manae ewe, na ame. ‘Jeremaia, aɗinu na Babilon dilag king nug genab uɗia, wan imuppa ban ha heeb, wan nauhakib dayebeb, ippa danab, doɗ ele ii daamna buk amuppa yaame?’ aon ame.” ’ ” Jeremaia nug nai amu doyom.

Jeremaia 9:11

Amu Yawe Nug inam awa atte. “Da heppi, Jerusalem am kinipan ameg okkai hume tak daakku. Doɗ jakal ag aguppa daaglag. Ge, da heppi, Judanu aab laala ag nauhakib daaglag. Danab laa appa daakkunu elele iitta daaglag,” awa atte.

Gayak Nai 4:13

Ag amu bekkunu oolagppa genab ii dooppig, amge amu aakku beum. Kobol amu beumnu diig am inam. Juda dilag propet ag hipunin heeg; mana mettak danab ag ele hipunin heppig: ag aab okkai amuppa genab tutukku hak danab aqaeg mauhppig.

Amos 5:10

Ag Israel danab ag epeɗittak danab kobol tutukku hettebnu nau ninig ele dootteb. Ao, ag danab ag ⌊hettoɗiakppa⌋ nai genabib maditteb, ag ahilagnu ena iinab dootteb.

Maika 2:6

Laa da, Maika, ag dahilnu atteb. “Na propet nai aib mattime! Na dimppa aɗi bekkunu nai aib mattime! Uug amu bekku am, uɗa nak nau guittak ele megakku, amge uug amuam ii bema,” aon atteb.

Matyu 21:23

Amu dimppa Jesus Nug Kayaknu mettid lakka noa, danab ah amelagppa nai mattieye, mana mettak danab okkai, amu Juda dilag ikki danab ele ag Jesus gumidna gona, oɗ mettan appig. “Na ɠagattag aɗippa uɗat imu hettem? Aun nug ɠagattag amu mettom?” aon appig.

Matyu 27:20

Aria, Pailat nug nai amu doyeye, mana mettak danab okkai, amu Juda dilag ikki danab ele ag Pailat nug Barabas uhuqa madatta, Jesus qeeb mauhkkunu danab ah oolag yaan heppig.

Mak 15:11

Pailat nug anam oɗ mattom, amge mana mettak danab okkai ag ahan, wagai mena, danab ah kuɗum daappig ele gaɗa gaɗa mattaeg, ag Jesus ii uhuqma, nug Barabas uhuqkkunu appig.

Jon 8:20

Nug nai amuam Kayaknu mettid lag nuhig tomppan keeke oh ele ooppa, men doɗonu kunup guguittak dayaya ippuanattom, amge Nug mauhkkunu haen ii malom amunu, laa Jesus aɗakkun ii heum.

Jon 8:59

Nug anam aum amunu, Juda ag Nug makkuɗkkulagnu men agappig, amge Jesus Nug danab kuɗum oolagppa beɗu lokkumittatta, Kayaknu mettid lakkanu aha ukkom.

Aposel 13:50

Appanu ag Naɗinu nai dooppig, amge Juda ag ahan, aab okkai amuppan ikki danab amu ah laala onilag ele, ag Kayaknu ebehilkad oh bodoetta le meum amu, ag oolag yaaeg, ag ahan, Pol, Barnabas ele eheɗ haatna, aa wan atu amuppanu lamatppig.

Aposel 21:30

Ag anam heeg, Jerusalem oh ottaina, ahan uɗin qagmeeg, ag ahan Pol aɗan eeɗna aon Kayaknu mettid lag dimittim gonana, ag aɗnu od oh manadppig.

Aposel 22:22

Pol nug nai amu mattie, Juda danab ag Pol nai mattiom amu doyeg ukke ukke, nug iitta aɗi gumatta gokkunu aum, haen amuppa ag ahan, huana qattiɗna, baalag okkaippa eppig. “Qeppeg mauhaɗ! Danab anam amu nug wanppa bau daakkunu elele iitta,” aon eppig.

Aposel 3:11

Amu unuqak danab amu nug, Pita, Jon ele aɗualatete, danab ah oh ag ottaina dabmak kuɗum aona, ag ahan qaiqaɗ dona, Kayaknu mettid lagnu aɗ ooppa aben laa, Solomonnu Aben atteb, amuppa qagmeppig.

Aposel 5:12

Aria, haen amuppa danab ah oh ag Jesusnu oolagppa genab dooppig ele ag hanhan Kayaknu mettid lagnu aɗ ooppa, aben laa Solomonnu Aben atteb, amuppa qagmedappig. Qagmenan oinna, totol danab 12 ag aabppan danab oolagppa Kayak dabmettaknu kobol danab haknu elele iitta kuɗum digdig, amu uɗat ɠagattagnab ele heppig.

Aposel 5:28

“Amu ig ag amelagppa ag Jesus onigppa nai baula danab ah iinab ippunadmananu amut. Aɗinu ag anam heegeg, danab ah oh Jerusalem daatteb ele aakku dooppig. Amu ag danab ag ihinignu, ‘Jesus Nug danab ena, ag qeeg mauhom,’ aon akkulagnu dabmak aoeg ɠagattag eppom daatte,” awa aum.

Aposel 6:14

Amu nug mattiaya, inam aawo ig doomut. ‘Jesus, Nasaret ted, geha nug Kayaknu mettid lag imu heeb nauheb, anukka Moses nug kobol ig mekkom amu ele Nug eɗukku,’ awa aum,” aon appig.

Josua 18:1

Amu dimppa, Israel danab oh ag Silo appa qagmena, ag appa mettid haknu peh lag danab ah appa qagmetteb ele, ag lag amu qabappig. Israel ag Kanan danab eɗadna, gemu ag wan amu guman daappig, ⌊amunu Kanan danab, ag Israel ele ban baula haknu dab-ii-meppig⌋,