Jeremaia 26:15 - Nobonob Baibel

¹⁵ Amge ag imu tutukku doon oiyeg! Da keeke laa ag hak amunu iuppeg mauhkkulnu laa ii hemi amunu, ag da iuppeg ii mauhkkuloitte. Ag da iuppeg mauhkkul amu, ag aakku eheɗ heppeg, ag beɗulagppa aab daakku amunu, Yawe Nug ag, aab okkai imu, amu danab ah aab imuppa daatteb ele bu madakku. Amuam genabnab daattenu diig am, Yawe, laa iitta, Nugib keeke imu oh appi dooglagnu meiɗe uɗimi.” Jeremaia nug nai amu ag amelagppa mattiom.

Jeremaia 26:15 ပူးပေါင်းရင်းမြစ်များ

Genesis 4:10

Nug anam awa a amu, Yawe Nug aum. “Na kobol aɗi heme? Doye! Na amap Abel nug tiig wanppa ne, amu baag da daulppa danab baag bia doottem

Genesis 42:22

Ag akka akka anam anana amu, Ruben nug aum. “Da haen amuppa, ‘Ig amanigppa hipunin laa aib hemut,’ ami, amge ag dahil nai iinab dooppig. Aria, ig hemutnu nob amu, gemu ig aottem,” awa aum.

2 King 24:4

Amunu laa am, Nug Manase nug Jerusalem ohppa danab ah kuɗumnab, ag eheɗ laa ii heppig ele aqe mauhppig. Manase kobol heum amu, Yawe Nug antta, ⌊Juda danab ah kuɗum ele ag nug dim lamidppig antta, ag oolag ii eɗuom ele antta,⌋ Nug Juda dilag hipunin uhuqa madakkunu elele ii doyom.

2 Stori 24:22

King Joas nug Sekaraia mameg Jehoiada nug nuhignu ena heum ii dabmeum. Iitta. Nug danab nuhignu ena heumnu bekka aakku qe mauhom. Nug anam he, Sekaraia nug mauhaha, nug aum. “Yawe Nug nahip hak imu antta, Nug heeb, nahip hak nau imunu bu mettak nahip-ppa bekkunu ool daatte,” awa aum.

Prowerb 6:16

Am keeke eblaih laippu ele, Yawe Nug amunu nau ninig ele dootte. Ge, Yawe Nug keeke eblaih aɗit elenu ooppa uuaknab dootte.

Prowerb 6:17

Keeke eblaih aɗit ele amuam inam: dada ha laa eɗittaknu dabmak awak kobol, nai hambuppuak mattiak kobol, danab ah eheɗ laa ii heeg, laa hamu aqe mauhak kobol,

Jeremaia 2:30

Da ag Israel ag oolag eɗukkunu bu mattami, amge ag oolag eɗukkunu uuppig. Ag laion doɗ laa aqe mauhtteb, amubia ag qep elabppa dahil propet aqaeg mauhppig.

Jeremaia 2:34

Laa amu, ag Israel ag danab ahilag keeke ii aoppig, ag eheɗ laa ii heppig ele, ag amu aqaeg mauhppig. Ag amu heppig, amge ag, ‘Ig hipunin hemut,’ ii appig. Iitta. Ag, ‘Ig beɗunigppa aab iitta. Yawe Nug ihinignu oo nauhak laa ii dootte,’ atteb. Ag anam atteb, amge iitta! Ag hipunin henana daanna, ‘Ig hipunin ii hemut,’ atteb amunu, da naippa yaalatten, bu madakkul.

Jeremaia 22:17

Amu Yawe Nug imu ele atte. “Anam, amge ⌊Jehoiakim,⌋ na nakka, na en okkainab aokkutnu oot heehe, na amu dabmena autna aottem. Ib enappa, o ib nauppa aokkut, nahip dabmakppa amuam keeke hamu; aokkutnuib dabmettem. Aokkutnu amu, na danab eheɗ laa ii heppig ele aqe mauhtteb. Aokkutnu amu, na danab ah ag nahip uɗat hamu, nob iitta hekkulagnu duttunadttem. Aokkutnu amu, na laa eheɗ hattana, na keeke lokkumakppa awaknu duttuna hak kobol dim lamidttem.” Yawe Nug anam atte.

Jeremaia 22:3

Yawe Nug inam atte. Ag nai doya mala hettoɗia epeɗia elele mettak kobol, kobol genab tutukku ele dim lamitteg! Ag nai doya mala hettoɗia epeɗia elele mettak kobol henana, aun aɗi ag gai-iitta daan, danab ɠagattag eppelagppa daaeg, eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag wan laihnu danab ah, nid ag mamelkad mauhppig ele, ah qab ele dilagppa kobol eheɗ aib heppig; guittak ele aib madappig. Laa eheɗ laa ii heppig ele ippa aib aqappeg mauhppig.

Jeremaia 26:12

Ag anam mattieg amu, Jeremaia nug kingnu ehanittak anuqak danab, danab ah oh ele amelagppa aum. “Yawe Nug da uug ahilagppa beeb anidkkulagnu propet nai da mattiyi dooppig ele amu, da madikkulnu meiɗe uɗimi. Nug da ag amelagppa, aɗi keeke Nug laug imunu, amu aab okkai imu ele dilahppa bekkunu daatte appi dooglagnu meiɗe uɗimi.

Jeremaia 30:1

Deɗ laa Yawe Nug Jeremaia nai laa metta, Nug aum.

Jeremaia 7:6

amu ag laa, ag wan laihnu danab, aria nid ag mamelkad mauhppig, amu ah ag gamulkad mauheg, qab daatteb, ag amu eheɗ hattanana, ahilkad keeke yab bia aotteb amu, ag kobol amu genab uun, ii hekkulag dayeb, ag wan imuppa danab hamu aqappeg ii mauhkkulag dayeb, ag gemu kayak hambuppuak dim lamadna, amuppa eheɗ aotteb amu, ag kobol amu ele uuglag dayeb,

Namba 35:33

Doyaya laa hamu qe mauhak am wan dubuttid mettak amunu, ag wan ag daatteb, ag amuppa aib heppeg, dubuttid ele dayom! Wan dubuttid mettak dayeb, eɗua heeb ena daakkunu amu, qe mauhak danab amu, ag qeppeg mauhkku. Amu bekkunu, am ib laa iitta.

Matyu 26:25

Jesus anam a amu Judas nug Jesus kekeɗ eppelagppa mekkunu heum ele, nug aum. “Ippunittak danab, na ame am date?” awa aum. A amu Jesus aum. “Na ame,” awa aum.

Matyu 26:4

Qagmena ag ib attemuppa Jesus lokkumakppa aɗan, qeppeg mauhkkunu hettoɗina nai madippig.

Aposel 7:60

Nug unuqitta anam awowa, nug gateg qaun o, nug huana ewa aum. “Naɗi na ahilag hipunin imunu nob ii mattamna oɗ medattem.” Stiven nug anam ewowa, nug mauhom.

Duteronomi 19:10

Yawe, ahilag Kayak, Nug ag wan, ag aulag daakkunu madatte, amuppa danab ah ag beɗulagppa aab iitta ele, ag mauhmananu, danab qe mauhaknu aab ag beɗulagppa ii daamanu, ag aab ewam laa ele epeɗiadkkulag.

Revelesen 16:6

Danab imu ag nahipad danab ah oppiaawak ele, amu propet nahipad ele tiilag aɗappig amunu, na tiig lakkulagnu mattame. Ag nob amu aoglagnu daappig, amu na heme, amuppa na elelenab heme,” awa aum.