Jeremaia 26:14 - Nobonob Baibel

¹⁴ Amge dahilnu amu, antteg! Da ag eppelagppa iikku daattem. Ag dahilppa aɗi hekkulagnu ena anidtteb, ag dahilppa aɗi hekkulagnu tutukku dootteb amu, ag heig!

Jeremaia 26:14 ပူးပေါင်းရင်းမြစ်များ

2 Samuel 15:26

amge Nug dahilnu ena ii dootte dayeb, da Nug eppegppa daattem. Nug dahilppa attem hekkunu ena dootte amu, Nug anamib haɗ!” awa aum.

2 Stori 24:22

King Joas nug Sekaraia mameg Jehoiada nug nuhignu ena heum ii dabmeum. Iitta. Nug danab nuhignu ena heumnu bekka aakku qe mauhom. Nug anam he, Sekaraia nug mauhaha, nug aum. “Yawe Nug nahip hak imu antta, Nug heeb, nahip hak nau imunu bu mettak nahip-ppa bekkunu ool daatte,” awa aum.

Esta 3:11

King nug anam ha, nug Haman amegppa aum. “Na silwa nahip amu aɗappe dayaɗ, amge na danab ah amu dilagppa aɗi hekkutnu ena doottem amu, na anam aakku hekkutib hekkut,” awa aum.

Jeremaia 26:15

Amge ag imu tutukku doon oiyeg! Da keeke laa ag hak amunu iuppeg mauhkkulnu laa ii hemi amunu, ag da iuppeg ii mauhkkuloitte. Ag da iuppeg mauhkkul amu, ag aakku eheɗ heppeg, ag beɗulagppa aab daakku amunu, Yawe Nug ag, aab okkai imu, amu danab ah aab imuppa daatteb ele bu madakku. Amuam genabnab daattenu diig am, Yawe, laa iitta, Nugib keeke imu oh appi dooglagnu meiɗe uɗimi.” Jeremaia nug nai amu ag amelagppa mattiom.

Jeremaia 38:5

Ag anam aeg, King Sedekaia nug aum. “Nug ag eppelagppa daatte. Da ahilag ib oo nekkulnu elele iitta amunu, ag keeke hekkulagnu oolag hette amu, ag hekkulag,” awa aum.

Daniel 3:16

King Nebukatnesar nug Satrak, Mesak, Abetnego ele amelagppa anam a, ag nob mena appig. “O Nebukatnesar, keeke beum imunu amu, ig na eɗun, ena anigkkutnu nai qinonob, nai ittag ele ii mattimta.

Josua 9:25

Gemu ig na eppenppa aakku daattem, na ihinignu aɗi kobol am ena, aɗi kobol am tutukku, na kobol amu hekkutnu maidttem, na amu hekkutib,” aon appig.