Jeremaia 25:20 - Nobonob Baibel

²⁰ Da Isip danab ah lakkulagnu anam matte, danab ah atu laihnu uɗin, Isip wanppa daatteb ele, da ag ele lakkulagnu mattami. Amu dimppa da Us dilag king, Pilistia dilag king anen anen ele mattami. Pilistia dilag king amuam Askelonnu, Gasanu, Ekronnu, amu danab ah Asdot appanu ii mauhppig daatteb, amu dilag ele.

Jeremaia 25:20 ပူးပေါင်းရင်းမြစ်များ

Genesis 10:23

Aram bekkod am Us, Hul, Geter, Mesek ele.

Genesis 22:21

Ag onilag am Us, nug nid naanaeg, Bus, Kemuel, Kemuel amu, nug Aram mameg,

1 Stori 1:17

Sem bekkod am Elam, Asur, Arpaksat, Lud, Aram ele. Aram bekkod Us, Hul, Geter, Mesek ele.

Job 1:1

Anukkanab danab laa onig Job nug Us wanppa dayom. Danab amu nug Kayaknu neekkakppa ooppa kaliak laa iitta ele. Nug genab tutukku hak danab. Nug Kayaknu ebehi oh bodoetta le me, nug eheɗ laa hekkunu uua autanab awom.

Eksodas 12:38

Am danab ah laa kuɗum, ag am Israel danab iitta amu, ag ele goppig. Am Israel ag makau, sipsip, meeme ele, ag doɗ amu kuɗumnab ele akkan goppig.

Aisaia 20:1

Maɗ laa, maɗ amuppa Asiria dilag king Sargon nug he, ban daup ikki anuqak, nug ban danab huu laa diie, Pilistia wanppa gona, aab okkai Asdot ele ban hena aqappig.

Jeremaia 25:24

Da ag matte malen, da Arebia dilag king mattai laeg, danab ah atu taɗakppa daatteb, ahilkad king ele mattami.

Jeremaia 27:3

Aria gemu amu, danab laala ag Edomnu, Moapnu, Amonnu, Tairnu, amu Saidonnu ele ag ahilkad king ag Juda dilag king Sedekaia ele nai mattiglagnu maatteg Jerusalem uɗippig daan, amu hetteb ele amu, na amu gumadna gona, dahil nai ag eɗun aon gona, ahilkad king amelagppa nai amu akkulagnu ag eppelagppa mekkut.

Jeremaia 50:37

Ag kekeɗ ag qep elabppa Babilon dilag hos aqanna, ag bannu karis ele heppeg nauheg! Ag wan laihnu danab, ag uɗin, Babilon danab ehanadtteb ele amu, am ele aqeg! Ag aqappeppeg, danab amu ag ah bia daaglag. Ag kekeɗ ag qep elabppa wagai mena, Babilonnu en oh aweg! Ag amu heppeg, Babilon ag keeke iitta ele daaglag.

Gayak Nai 4:21

Ag Edom danab ah, ag gemu gamag ahak doyeg! Ao, ag Us wanppa daatteb, ag gemu gamag ahak doyeg! Amge uug naunab, ig Juda ihinigppa beum amu, uug amu ahilagppa ele bekku. Ge, danab nug le ɠagattag la, kaaka qe, lamen iitta beɗu miag ele oitte, amubia ahilagppa ele bekku.

Esekiel 30:5

Kekeɗ ag amu hena, Isip danab ah aqanna, ag Kus, Put, Lidia, Arebia, Libia, amu Juda danab ah, da danab ah amu ele nug tituanta nai qakkamut amu, kekeɗ ag danab amu oh ele qep elabppa aqappeg mauhkkulag,” awa atte.

Ikki Danab 1:18

Amu tuɗittak, Juda ag aab Gasa, Askelon, Ekron, amu wan aab amu taliliattak ele aoppig.

1 Samuel 6:17

Aria, mamattin dottog golppa hak, dottog amu ag anen anen Pilistia dilag aab anen anen dilag Yawenu eheɗ haknu ofa daakkunu amu, aab amuam inam daappig. Laa am aab onig Asdotnu, laa am Gasanu, laa am Askelonnu, laa am Gatnu, amu laa am Ekronnu.