Jeremaia 23:39 - Nobonob Baibel

³⁹ amunu, da ahilagnu genab daul atieb, da danab men buɗie gotte, amubia da heppi, ag da ele laippu ii daamta; amu da aab Jerusalem, da aab okkai amu ag mamelkad aɗi mattami amu, da heppi, ag amuppa ele ii daamna.

Jeremaia 23:39 ပူးပေါင်းရင်းမြစ်များ

Genesis 4:16

Anam daye, Kain nug Yawe toppanu aha ukka, wan laa onig Nod, amuppa ukka oiyom. Nod nug Idennu kaɗag uɗitteppanu dayom.

Genesis 6:17

Da keeke bau wan qaɗeppa oitteb ele amu mauhkkulagnu heppi, le hiɗ naɗi bekku. Beeb amu, keeke amu oh mauhkkulag.

2 King 23:27

Yawe Nug inam aum. “Da kobol anukka Israel wanppa hemi ele amu, da kobol amuib Juda wanppa hekkul. Da geha lamadppi, ag appalag uun, wan laappa uma gona, da noolppa ii daamna. Da ele Jerusalem aab okkai, amu dahil mettid lag ele, lag amunu da, ‘Da onil am aguppa daakku,’ ami amu, da aab, lag amu ele dimatakkul,” awa aum.

Sam 51:11

O Yawe, na oot da meɗan, na heppe, da na uuitten ii gopanu oɗ medattem. Ao, na oot da meɗan, nahip Ouɗi oppiaawak ele, na Nug dahilppanu aɗilna ii aomnanu unuqidttem.

Prowerb 13:13

Aun nug Kayaknu ippunittak nai dimedakku amu, nug eheɗ hak amunu uug maokku; amge aun nug Kayaknu ɗonu ena doya, nai dim lamidkku amu, nug amunu nob ena aokku.

Aisaia 48:15

Da, ge da, da nug amegppa ami. Ao, da nug tituanmi. Da heppi uɗieb, da nug aɗi hekkunu tituanmi amu, nug elele hekku.

Aisaia 51:12

Amu Yawe Nug atte. “Da, ge da, da oo mak madattem. Danab am keeke gai-iitta, oh mauhtteb amunu, aɗinu ag danabnu baɗadtteb? Ao, aɗinu ag danab bekkalkad, ag gikkiɗah bia paha nauhtteb ele amu, aɗinu ag ag baɗadtteb?

Jeremaia 12:7

Gadon, da dahilad danab ah, ag da eppel ooppa daatteb amu, da ag dimatten uuadkkul. Da ahilagnu ool mauhtte, amge da uuadppi, ag kekeɗ eppelagppa daaglag.

Jeremaia 23:33

Amu Yawe Nug da Jeremaia, Nug da amelppa aum. “Danab ah imu, o propet laa, o mana mettak danab laa nug na inam oɗ medakku. ‘Aɗi nai meunab ele Yawe oɗeppanu daatte?’ awa oɗ medakku. Aria, haen laa nug anam oɗ medakku amu, na nob mena, inam akkut. ‘Aɗi nai meunab ele daatte? Am inam. Yawe Nug atte, “Da ag uuadkkul,” awa atte.’ ” Yawe Nug da ag amelagppa anam akkulnu da amelppa aum.

Jeremaia 23:38

amge ag ⌊laa ag hambuppuna,⌋ “Nai imuam nai meunab ele, Yawe oɗeppanu aomi,” atteb, ahilagnu Yawe Nug inam atte. “Da ag, ‘Nai imuam meunab ele, Yawe oɗeppanu aomi ⌊hambuppun⌋ akkulagnu aib ami,’ amge ag doonna, ‘Nai imuam nai meunab ele, Yawe oɗeppanu aomi,’ atteb

Jeremaia 35:17

Ag amu hetteb amunu, da, Yawe, da am Kayak Dakka Ɠagattag Oh Ele, da Israel dilag Kayak, da attem. “Doyeg! Da heppi, uug naunab oh, amu da Jerusalem danab ah oh dilagppa, amu Juda danab ah laa oh ele dilagppa bekkunu ami amu, uug amu oh am bekkulag. Da ag amelagppa nai mattimi, amge ag daulag ii human dooppig. Da ag onilagppa emi, amge ag nai nob laa ii meɗappig.” Da Kayak, da anam awe attem.

Jeremaia 36:31

Da nug, nug bekkod amu nuhikkud ehanittak danab laa, ag nau heppig amunu, nau hak amunu da ag bu madakkul. Da Jehoiakim aɗi dilagppa, danab ah Jerusalem daatteb, amu Juda danab ah ele, da uug naunab digdig ahilagppa hekkulnu ami amu, uug amu oh, da heppi, ag aakku bekkulag. Ag dahil nai dooglagnu uun ii dooppig amunu, da anam aakku hekkul.’ ” Yawe Nug anam aum.

Jeremaia 52:3

Nug amu he, Juda danab ah, laa Jerusalemnu, laa Juda wanppa laih laihnu amu, ag ele anam heegeg, Yawe Nug ahilagnu oo nauhom amunu, Yawe Nug danab ah amu Nug noobppanu lamatte, ag ahilag wan uun, wan laappa uma gona, appa ag diia ukka laih me dayak danab ah daappig. Aria, Sedekaia nug Juda dilag king dayaya, nug Babilon dilag king waappa daakkunu uua, nug nuhig nai tappe neum.

Jeremaia 7:14

Ag heppig amunu, da Silo appa hemi, da amubia iguppa dahil mettid lag, da amuppa hekkul. Lag amuppa amu, da onil aakku daatte; lag amu ag oolagppa daatte amunu, ag atteb. ‘Yawe heeb, ig padal ii memata,’ aon atteb. Amge da Silo appa hemi, da amubia aben imuppa, aben da ag mamelkad aɗi dilag daakkunu mattami amu, da imuppa ele hekkul.

Jeremaia 7:15

Ag Juda danab ah, da heppi, ag da noolppa ii daamna. Da Israel danab ah, onig laa Epraim, da ahilagnu hemi, amubia da ag Juda, da ahilagppa anamib aakku hekkul.

Gayak Nai 5:20

O Yawe, na ihinignu daut atie uɗie, gemu ele anamib amunu, na haen elab anam ihinignu daun atiom daattemnu diig appe dookkulnu ool daatte. Ge, na uuigna piɗe oiyeye uɗie, gemu ele anamib amunu, na haen elab uuigna oittemnu diig appe dookkulnu ool daatte.

Esekiel 34:11

Anam amu, Naɗi Yawe Nug inam atte. “Gumak danab nau ag amu baula ii hemana. Aɗinu? Da dakka da wain, sipsip dahilad ag matatun gona, piɗe piɗe daatteb amu, da ag mattialatte anatten, da diie atognoadkkul.

Esekiel 34:20

Anam amunu, Naɗi Yawe Nug laa eheɗ hetteb ele amelagppa inam atte. “Antteg! Da dakka, da sipsip atten nug titiɗak, sipsip atten am ebehitak ele daatteb epeɗiadkkul.

Esekiel 5:8

Anam amunu, Naɗi Yawe, Nug inam ele atte. “Ag anam heegeg, da, da ahilag hak amunu eheɗ doyeye ool ii madattem amunu, da wan laihnu danab ag, ag neekkadna daappeg, da bu madakkul.

Esekiel 6:3

Na nai mattinna, na inam a! ‘O Israelnu qauko, ag Naɗi Yawe, ag nuhig nai doyeg!’ Naɗi Yawe Nug qauko okkai, qauko nakok, oolnu noak nakok, oolnu noak okkai ele, Nug ahilagnu inam atte. ‘Da ahilagppa ban hein, da heppi, kayak hambuppuak dilag mettid lag nakok ahilagppa daatteb amu, lag amu oh nauhna autna aoglag.

Esekiel 8:18

Ag amu hetteb amunu, da oo nauhak doyeye, da nob madakkul. Da ag anatte, oo doyak ii doopa! Ge, da ag anatte, bu madakkulnu ii uupa! Israel ag da daulppanab da ehanadkkulnu ekkulagtai, amge da ii doopa; ii ehanadpa,” awa aum.

Esekiel 9:6

Ag danab kaino, danab bau, ah bau, ah okkai, nid naunau ele aqappeg mauhkkulag, amge ag aun aɗi laa ag uɗalagppa at ele amu, ag amu aibnab aib makkuɗadppig. Ag mettid lag dahilppa inam digmeig!” awa aum. Nug anam aum amunu, ag Israel dilag ikki danab, Yawenu lag odppa daappig amu, ag digmena amu tatam aqappig.

Hosea 4:6

Dahilad danab ah ag da ii dooiɗtteb amunu, laa ag heeg nauhtteb. Mana mettak danab ag, ag da dooiɗaknu uuppig amunu, gemu da ag, ag dahilad mana mettak danab daaglagnu geɗadttem. Ge, ag da, Kayak, ahilag Kayak, ag dahil ɗo nai ii dabmeppig amunu, da geha nid naunau ahilkad ii dabmadapa.

Hosea 5:14

Aɗinu? Da laion laa bia Israel danab oolagppa daakkul. Ao, da laion bau bia Juda danab oolagppa daakkul. Da laion nug doɗ awa kattiɗe, huppu naunau nette, amubia geha da Israel, Juda ele kattiɗatppi, naunau nepeɗ, da anam uuatppi daaglah. Ao, da laion ɠagattagnab nug doɗ laa qewowa, lakkunu mawa gotte, da amubia heppi, laa ehanatkkunu laa ii daama.

Lewitikas 26:28

da ool nauheb, ahilag kekeɗ daakkul. Da geha ahilag hipuninnu bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul.

Matyu 25:41

Aria, laa nanehppa daatteb ele, da ag amelagppa akkul. ‘Ag laa ag eheɗ laa awaknu anak waappa daatteb amu, ag uuiɗna ukkeg! Ag aab aɗu ii qauha, hanhan eotte ele, Naɗi Nug Satan, amu nuhikkud engel ele dilag heum amu, ag amuppa ukkeg!

Duteronomi 32:39

Antteg! Da dakka, da Kayak laippu daattem; kayak laa ⌊ag ehanadkkunu⌋ da heqolppa ii daatte. Da dakka Kayak daattem. Da danab bau dayak madattem, amu da bau dayak amu eɗue aɗattem. Da danab eheɗ hedattem, amu da danab ehanatti, ena daatteb. Auntai laa, dahil hak nuhigppa hekkulnu hettem, nug amu qe-eɗitta, oola gokkunu elelete? Iitta!

2 Tesalonaika 1:9

Naɗi Nug danab amu nob nau, padal mak hanhannu matteb, ag Nug toppa, nuhig ɠagattag okkainabppa ele ii daamna.