Jeremaia 23:29 - Nobonob Baibel

²⁹ Dahil nai am aab aɗu bia. Yo, dahil nai am hama, danab ag aguppa men oeg aoɗa, huppu huppu nette, dahil nai am amubia daatte.” Yawe Nug anam awa atte.

Jeremaia 23:29 ပူးပေါင်းရင်းမြစ်များ

Jeremaia 20:9

Ag anam dahilppa hetteb. Amge Yawenu nai amu, da mehuqaknu ii uupa. Haen laala da attem. “Da Yawe, da baula danab ah Nug ii ippunadpa. Da nuhig nai baula ii mehuqpa,” awe attem. Amge da anam attem haenppa amu, nuhig nai da oolppa, o iitta da ebehil ooppa am aab aɗu bia bette. Da nuhig nai ii madipanu wagai mettem, amge elele iitta, da madikkulib.

Jeremaia 5:14

Ag anamnab aakku atteb amunu, Yawe Kayak Nukka Ɠagattag Oh Ele Nug inam atte. “Danab ah ag anam aakku atteb amunu, Jeremaia, da heppi, dahil nai na oɗenppa daatte amu, nai amuam aab aɗu bia daakku. Da heppi, danab ah ag dahilnu anam atteb ele, ag am ad aab bau bia daappeg, aab aɗu aab bau amu ewebeb, iitta mekku,” awa atte.

Hosea 6:5

Diig amunu da hei, dahilad propet ag ahilag naippa hatteg nauhppig; danab nug layag beɗu qep-ppa he nauhtte bia. Yo, da dahil naippa ag eheɗ hatten, mauhkkulagnu ippunadmi. Tuqan nug amun genab dim lamidtte, amubia dahil bu mattak ag genab aqadkku.

Luk 24:32

amu aya aya inam apiɗ. “I ibppa uɗiuɗuɗ, Nug Kayak nai meu tutukku mehuqe doomuɗ amu, i oonihppa Kayaknu nai meu elenab iite doomuɗ?” aoya apiɗ.

Jon 6:63

Ag doyeg! Kayak Ouɗi nukka, Nug danab bauklel medatte; danabnu ɠagattag am elele iitta. Am nai da ag mattami imuam Ouɗi, am bauklel ele.

Aposel 2:3

Anam be amu, ag aab dittiak bia anitteg, aab amu oppateb, aab dittia tak kuɗum daanna, anen anen ag gona, danab ah daappig ele anen anenppa daappig.

Aposel 2:37

Ag nai mattie doona, nai amu ag oolagnab yom amunu, ag ahan, Pita, amu totol danab 11 ele ag amelagppa inam appig. “O ig lainkad, geha ig attemtai hekkunig?” aon appig.

2 Korint 2:16

Danab laala ag Kayaknu oolagppa genab ii dootteb, padal mekkulagnu oitteb ele amu, ag am muttuɗig ena otte amubia ii dootteb; ag eheɗ, mauhak beɗak uɗig otte anam bia dootteb, amge danab ag oolagppa genab doona, padal ii memananu oitteb amu, ag am muttuɗig ena otte amubia dootteb; ag am bau dayak muttuɗig dootteb. Ig anam bia daattem amge aun nug uɗat anam hekkunu elele? Ig oh am elele iitta.

Hibru 4:12

Kayak nai am bauklel, uɗat haaha daatte. Nug am qep laa aeg laih laih ele, uɗat nuhig enanag hette amu, Kayak nai nug uɗat nuhigppa qep amubia eɗidtte. Nug keeke qataiettaknab daattep am okkula aokkunu elele. Danab nug dabmakppa aɗi dabmette, nug ooppa aɗi dootte amu, Kayak nai keeke amu oh epeɗiadtte.

Revelesen 11:5

Laala ag aa eheɗ haatkkulagnu heppeg amu, aab aɗu oɗelahppanu doa, ahilah kekeɗ amu ewatteb mauhkkulag. Ao, genab, danab nug eheɗ hatakkunu heeb amu, nug ib anamppa mauhkkuoitte.