Jeremaia 23:27 - Nobonob Baibel

²⁷ Ag mamelkad aɗi ag kayak hambuppuak Bal dim lamidkkulag hena, da dim lamiɗak uuppig, amubia propet hambuppuak ag tul niiak anidtteb ele, ag amunu mattiegeg, laa dootteb amu, ag ib amuppa dahilad danab ah ag dahilnu daulag atikkunu oolag yaaglagnu hetteb.

Jeremaia 23:27 ပူးပေါင်းရင်းမြစ်များ

2 King 21:3

Nug mameg Hesekaia aabaabppanu mettid lag nakok loppaɗom amu, Manase nug lag amu eɗua buualattom. Nug kayak hambuppuak Bal binag maknu qaɗab ele hatta, nug kayak hambuppuak Aserah dabmekkulagnu biidod ele heum. Amuppa, Manase nug Israel dilag king Ahap heum, amubia nug ele amu heum. Manase nug anam ha, nug ele aam, kalam, hoɗopai ele noolagppa dup noa binalag meum.

Jeremaia 2:32

Ah laa nug nuhig ewau matulak awaknu bala daug ii atitte. Ao, ah nug ewau matulak awak haenppa aɗi bala meum am dabmette, daug ii atitte. Nug anam hette, amge ag Israel ag dahilnu haen elabnab daulag atie, dahilnu nakok laa ii dabmeppig.

Jeremaia 29:8

Ao, Yawe Nukka Ɠagattag Oh Ele, Israel dilag Kayak, Nug inam atte. “Ag oolagppan laa ag, ‘Da am Kayaknu propet,’ hambuppuna atteb, o laa ag eman danab daatteb amu, ag ag hambuppualadmananu dabmeig! Ag ahilag nainu oolagppa genab aib dooppig. Amu ag akka, ag tul niitteb amu, ag ahilag tul niiaknu ele aib dabmeppig.

Jeremaia 9:14

Ag anam da ii dim lamiɗppig. Iitta. Ag da oɗel dim lamidmananu dabmak ahilag ɠagattag eppe, ahilag dabmak dim lamidkkulagnu dabmenan heppig. Ag mamelkad aɗi ag kayak hambuppuak Bal iɗu iɗu dim lamadkkulagnu ippunadppig, ag amubia dim lamadppig. ⌊Amu diig amunu uug amu oh aakku beum.” Yawe Nug haen amuppa oɗmak amunu nob ma, anam awa akku.⌋

Aposel 13:8

Aa goya, Kayaknu nai mehuqeh amu onig awak danab Barjesus, Grik naippa nug onig am Elimas, nug ahilah ib oonekkunu ha, aa nai madipiɗ ele, amu tappeb nokkunu heum. Nug gawananu dabmak heeb eɗueb, ooppa genab ii doomanu heum.

Duteronomi 8:11

Haen ag keeke ena amu oh ele daan amu, ag Yawe, ahilag Kayak, ag Nug daulag atieb, ag aakku nuhig haknunab anak, nuhig ɗo ele dimettan, ii dim lamidmananu dabmeig! Da gemu ag ɗo amu oh madattem.

Duteronomi 8:14

geha, haen ag keeke amu oh ele, ag oolagppa dada danab bena, Yawe, ahilag Kayak, ag Nug daulag atimanu dabmeig! Nug ag Isipnu diia, omalatte uɗippig. Ao, ag wan laappa begbeg maɗi nid daaegeg, Nug amuppanu diiom.

Duteronomi 8:18

Amge ag Yawe, ahilag Kayak, ag Nug dabmetteg! Aɗinu? Nugib ag ɠagattag matte, ag enulag ele daatteb. Nug ag mamelkad aɗi amelagppa nuhig nai ɠagattag qetta ana, Nug ag ele nug tituanna nai qagappig amu, nai amu elele medakkunu hette.

Ikki Danab 10:6

Amu dimppa, Israel danab ah ag Yawenu neekkakppa baula eheɗ heppig. Ag kayak hambuppuak Bal, Astoret ele iɗu iɗu waalagppa daan, oɗelag dim lamidnana, ag Aram dilag kayak, Saidon dilag kayak, Moap dilag kayak, Amon amu Pilistia ele dilag kayak ele, ag kayak hambuppuak amu oh ele waalagppa daan, ag oɗelag dim lamidppig. Amuib iitta, ag Yawe uuidna, Nug waappa daya, oɗe dim lamittak uun autnanab aoppig.

Ikki Danab 3:7

Aakku Israel ag Yawenu neekkakppa eheɗ heppig. Ag Yawe, ahilag Kayak, ag Nug daulag atie, ag kayak hambuppuak Bal iɗu iɗu, Aserah iɗu iɗu ele waalagppa daan, oɗelag dim lamidppig.