Jeremaia 23:24 - Nobonob Baibel

²⁴ Da aben ohppa daattem amunu, danab laa da nug anidpanu aben lokkumakppa nug nugakka appa lokkumidkkunu elele iitta. Da hab attan, wanppa ele, da appa ana aben ohppa daattem.

Jeremaia 23:24 ပူးပေါင်းရင်းမြစ်များ

Genesis 16:13

Anam amu, Hagar nug Yawe, Nug nug amegppa nai mattiom amu, Hagar onig imu Nug ataɗom. “Kayak Da Aniɗtte Ele Amu, Amuam Na.” Aɗinu? Nug aum. “Laa da aniɗtte amu, gemu da ele Nug anidmi.”

1 King 8:27

Solomon nug anam unuqitta mala, nug tuɗitta inam ele unuqittom. “Amge, O Kayak, na am genab nena, wan imuppa daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imu am, nahipnu elelete? Am iittanab iitta.

2 Stori 2:6

Amge auntai laa nug mettid lag nuhig amu buukkunu elele? Hab, hab waappa, hab attan ukke ukke, adekku batatte, aben amu ohppa aben laa, Nug amuppaib daakkunu elele, laa iinab daatte amunu, aun nug nuhig lag buukku? Amu da am aun, da nuhig lag buukkul? Iitta! Da lag laa, aguppa mana mettak danab ag doɗ manan, Nug mettaglag ele aakkuib buukkul.

2 Stori 6:18

Solomon nug anam unuqitta mala, nug tuɗitta inam ele unuqittom. “Amge O Kayak, na am genab nena, wan imuppa danab ele daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imuam nahipnu elelete? Am iittanab iitta.

Job 34:21

Kayak Nug danab ah dilag oiyak anidtte; Nug ahilag kobol oh amegppa anidtte, lokkumak laa iitta.

Job 34:22

Diig amunu danab eheɗ hette ele nug aben laa gatatunab ele, o aben laa lokko teppu ele, appa lokkumkkunu elele iitta.

Sam 10:11

Am nau hak danab ag akka ag ahilagnu, “Kayak Nug danab ah amunu ii dabmette. Nug ig ahilagppa aɗi heutut amu, Nug ii anigtte! Nug amunu aɗitai ii ama!” atteb.

Sam 139:7

Da nahip Ouɗi uuitte oole gokkulnu elele iitta. Ge! Da na noomppanu awaitten, laih gokkulnu elele iitta.

Sam 139:8

Da hab attan tekkul dayeb amu, na appa daattem. Ao, da mauhak abenlagppa nokkul amu, na appa ele daattem.

Sam 148:13

Amu oh ag Yawe binag meig. Aɗinu? Nug keeke oh eɗadtte; Nug onig okkai ele attannab daatte. Nuhig ɠagattag okkai naɗi ele am ɠagattag okkai naɗi ele wanppanu, habppanu ele eɗidtte.

Sam 90:8

Na hee, ihinig hipunin oh na noomppa miag atiak daatteb. Ao, na am amahlak ele, amu na hee, ihinig hipunin, ig lokkumakppa hemut ele amu, hipunin amuam na noomppa amahlakppa miag atiak daaegeg anadttem.

Prowerb 15:3

Yawe Nug keeke oh anidtte; Nug nau hak danab, ena hak danabnu ele neekka auta aotte.

Aisaia 29:15

Laa ag akka ahilag dabmakppa keeke hekkulagnu maittak aona, Yawe Nug amu doomanu ag dabmak ahilag amu lokkumkkulagnu uɗat okkai hetteb. Ao, ag ahilag hak gatatu ooppa henana, ag “Aun anigtte?” anana, o “Aun dookku?” atteb amu, ahilagnu gadonnab gadon.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 66:1

Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.

Jeremaia 16:17

Da ahilag hak oh anidttem; ag heppeg, ahilag hak laa lokkumeb, da ii anidkkulnu am iitta. Ahilag hipunin ele, da oh anidttem, laa lokkumak ii daatte.

Jeremaia 32:19

Amu na doyak dabmak ena okkai ele nahip-ppa, ɠagattag okkai nahip-ppa ele kobol danab haknu elele iitta hettem. Na danab oh neekkadna, ag aɗi aɗi hetteb amu, na ahilag hak amuppa na ag epeɗiadna, nob eleleib madattem. Laa na ahilag hak anidna, na nob ena madattem, laa na ahilag hak anidna, na nob nau madattem.

Jeremaia 49:10

Amge Esau buɗubnu ag anam ii daamna. Da heppi, kekeɗ ag uɗin, ag Esau danab ah dilag keeke ohnab akkan gokkulag. Ag lokkumna daamnanu da heppi, kekeɗ ag ahilag lokkumak aben oh anidkkulag. Esau danab, ah, nid, mudippan laippu ele, ag oh mauhna, iitta mekkulag.

Esekiel 8:12

Ag anam heegeg, Kayak Nug da amelppa aum. “Danab bekka, na Israel dilag ikki danab ag lokkumakppa attem hetteb, ag anen anen ag ahilag kayak hambuppuak noolagppa dup nona binalag metteb amu, na aakku anidme. Ag amu hettebnu diig am, ag atteb. ‘Yawe Nug wan imu uua ukkom. Nug ig ii anigtte,’ aon atteb,” awa aum.

Esekiel 9:9

Da anam ai, Nug nob ma, da amelppa aum. “Israel wanppan danab ah, Juda wanppan danab ah ele ag hipunin okkainab heppig daatteb. Juda wan ohppa layag duug wak kobol am ambak daatte. Ge, aab okkai imuppa nai doya mala hettoɗia epeɗia elele mettak ii dim lamittak kobol am ambak aakku daatte. Amunu diig am, Israel ag atteb. ‘Yawe Nug wan imu uua, ippa ii daatte. Ig hettem amu, Nug ii anidtte,’ aon atteb.

Daniel 2:22

Nug keeke unuqagnab daatte, keeke lokkumak daatte, Nug keeke amu he, miag atitte. Nug aɗi keeke gatatuppa daatte am dootte. Nuhig dayak abenppa amu, appa ele amahlak Nug ele daattep.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Epesus 1:23

Tamaniak am Jesus beɗu. Jesus Nug am ikki daatte. Tamaniak am Nug beɗu laa oh, eppeg, baeg keeke, amubia. Nug aben ohppa keeke ohppa ambak daatte.

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.