Jeremaia 23:20 - Nobonob Baibel

²⁰ Yawenu oo nauhak am anamib dayebeb ukkeb, Yawe Nug nuhig dabmakppa aɗi aɗi hekkunu dabmette, Nug ooppa aɗi bekkunu maittak awom daatte, keeke amu oh ba maleb, oppoɗi bak amu iitta mekku. ⌊Amu Yawe atte⌋ “Butti haen adekku ag imunu diignu doyak tutukku aɗaglag.

Jeremaia 23:20 ပူးပေါင်းရင်းမြစ်များ

Genesis 49:1

Aria, deɗ laa Jakop nug bekkod onilagppa e uɗieg, nug aum. “Dimppa keeke aɗi aɗi ahilagppa bekku amu, ag amu dooglagnu da noolppa qagmeppeg, da appi dooglag.

1 King 8:47

ig kekeɗ eɗigppig ele, ig amu dilag wanppa aɗaigppeg, ag eppelagppa anam daatta, dimppa ig ihinig hak nau amu anidta, ig amunu oonig doyeb, gaata, oonig eɗueb, am Yawe ig na oo doyak ele unuqidtata, ‘Ig eheɗ hetata, hipunin, kobol nau ele kuɗum hemut,’ akkunig dayeb amu,

2 King 23:26

Josaia nug kobol ena kuɗum heum, amge King Manase nug kobol nau kuɗumnab heum, amuppa nug he, Yawe Nug Juda dilagnu oppoɗi beum, amu nuhig oppoɗi bak amu ii iitta meum.

2 King 23:27

Yawe Nug inam aum. “Da kobol anukka Israel wanppa hemi ele amu, da kobol amuib Juda wanppa hekkul. Da geha lamadppi, ag appalag uun, wan laappa uma gona, da noolppa ii daamna. Da ele Jerusalem aab okkai, amu dahil mettid lag ele, lag amunu da, ‘Da onil am aguppa daakku,’ ami amu, da aab, lag amu ele dimatakkul,” awa aum.

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Aisaia 14:24

Yawe Nukka Ɠagattag Oh Ele, Nug nuhig nai ɠagattag qetta aum. “Da keeke hekkulnu maittak aomi amu, da amuib heppi bekku. Ao, da keeke hekkulnu maitten, ɠagattag qettami amu, da geha hekkul.

Aisaia 55:11

Gu, sno ele aa hettep amubia, dahil nai, da nai amu da oɗelppa madittem amu, nai dahil amuam anam aakku hekku. Dahil nai amu dahilppa hamu eɗua ii uɗima. Aɗinu? Da aɗi keeke, dahil nai nug keeke amu hekkununab daatte dabmettem amu, anam aakku heeb bekku. Ao, dahil nai nug aɗi keeke hekkunu da ool daatte amu, amunab aakku heeb bekku.” Yawe Nug anam atte.

Jeremaia 30:24

Yawe Nug bu madakkunu dabmak awe, ɠagattag eppom amunu, nuhig oo nauhak huanaknab am hamu ii iitta mema. Iitta. Bu mattak amu ha malak dimppa, am iitta mekku. Dimppa ag imu oh dabmena, oolag maidkku.

Jeremaia 4:28

Da dahilad danab ah bu anam madakkulnu ain malami; da nai dahil ii baolipa. Ao, da maittak amu awen malami. Da dabmak dahil ii eɗupa, amunu bu amu anam daakku. Anam dayebeb, wanppa danab ah ag mahiak okkai hekkulag. Habppa gatatu manak daakku.

Jeremaia 51:12

Ag Babilon aqaglagnu pilak humeig! Meitta dayak danab laa otiatteg! Aɗi uɗitte anttak danab ag abenlagppa matteg! Lokkuma dayaya, aha ban haknu dabmak babaitteg! Aɗinu? Yawe Nug Babilon dilagnu aɗi hekkunu dabmeum am, Nug hekku. Ao, Nug Babilon danab ah dilagnu aɗi bekkunu ɗo nai mattiom amu, Nug heeb bekku.

Esekiel 21:10

Qep elab amuam danab aqeb mauhkkulagnu uɗikkak daatte. Qep amuam laa he, amemɗiag aotte, amemɗi bia. Ag Israel, ag ahilag king nug hanhan daakku dabmena, “Uug laa ihinigppa iinab bema,” atteb am, ag enate atteb? Dahil qep elab am Israel dilag kingnu ena iinab dootte.

Esekiel 21:5

Da anam heppi, danab ah oh ag da Yawe, da qep elab dahil nuhig abenppanu eeɗen aomi dooglag. Qep amunu amu, nuhig uɗat ii malak haenppa nug eɗua, nuhig gaɗappa ukka, hamu ii daama,’ awe attem.

Sekaraia 1:6

amge da dahilad maɗi nid, ag propet amu, da ag oɗelagppa aɗi nai mattimi, aɗi ɗo memi, aɗi haknunab nai ami amu, keeke amu oh am genabib ag mamelkad aɗi, amu ahilagppa iite beum? Da ami bianab anam anam aakku beum. Anam beum amunu, haen amuppan danab ag oolag eɗue, ag appig. Ig hipunin heut, Yawe Nukka Ɠagattag Oh Ele bu elele iikku ig mekkom daatte. Nug ihinig haknu bu elele ig mekkom. Nug hekkunu dabmak awe ɠagattag eppom bianab aakku heum, aon appig.” Yawe Nug Sekaraia nuhig nai anam ⌊engel oɗeppa⌋ mettom.

Duteronomi 4:30

Amu butti aɗi haen ag wanppan wan laalappa appa daappeg, uug nau imu oh ahilagppa beeb, ag Yawenu bu mettaknu uug amu waappa daan oippeg, ag geha eɗun, Yawe, ahilag Kayak, ag Nug waappa daappeg, ⌊Nug ag ehanadkku⌋.