Jeremaia 23:18 - Nobonob Baibel

¹⁸ Propet amu ag anam atteb, amge ag oolagppa aun nug Yawe noobppa dayaya, Nug aɗi hette andatta, nuhig nai ele doyom? Ag oolagppanu auntai laa nug daug huma, Yawenu nai laa doyom? Laa iitta.

Jeremaia 23:18 ပူးပေါင်းရင်းမြစ်များ

1 King 22:24

Mikaia nug anam a, amu Kenana bekka Sedekaia nug Mikaia nai amu Ahap amegppa mattieye doya, nug aha, Mikaia gumitta ukka, hippeg mataɗa, nug aum. “Ouɗi Yawenu uɗiom amu, nug da uuiɗa, ib attem nahip-ppa ukka, nai amu na amenppa aum?” awa oɗ mettom.

2 Stori 18:23

Mikaia nug anam a, amu Kenana bekka Sedekaia nug Mikaia nai amu Ahap amegppa mattieye doya, nug aha, Mikaia gumitta ukka, hippeg mataɗa, nug aum. “Ouɗi Yawenu uɗiom amu, nug da uuiɗa, ib attem nahip-ppa ukka, nai amu na amenppa aum?” awa oɗ mettom.

Job 21:22

Laa nug Kayak doyak laa ippunidkkunu elelete? Iitta. Nug danab okkai okkai ele epeɗiadtte.

Job 33:31

Job, na daut human, dahil nai doon dabmette! Ao, na oɗen qamutppe, da nai madikkul.

Sam 25:14

Laa ag Yawenu ebehilag oh bodoetta le mette amu, Yawe Nug ag ele layam batatte. Nug ag ehanatte, ag nuhignu nug tituana nai qakkak nainu meu dootteb.

Jeremaia 23:22

Ag amu heppig, amge ag da noolppa daanna, dahil nai doolob, ag dahil nai danab ah dahilad amelagppa mattilob. Ag anam helob, ag heppeg, danab ah ag eheɗ hemananu ag oolag eɗueb ii helob, amge iitta,” awa atte.

Amos 3:7

Am anam daatte amunu, Naɗi Yawe Nug aɗi keeke laa ⌊nuhikkud propet amelagppa qehakkak dayeye,⌋ ii hette. Ao, Nug tatam nuhikkud propet, ag am nuhikkud maɗi nid amu, Nug ag amelagppa nuhig maittak, lokkumak daatte, amu a doyeg hette.

Jon 15:15

Maɗi nid nug danab okkai nuhig aɗi hette amu, nug ii dootte amunu, da baula ahilagnu maɗi nid ii attem. Iitta. Da ahilagnu da lailad attem. Aɗinu? Da Mamel keeke oh da amelppa a doomi, amu da amu oh mattiyi ag dooppig.

1 Korint 2:16

Kayak naippa, nai laa amunu inam daatte. “Aun laa nug Naɗi ulum nai medakkunu elele daakkunu nug Naɗinu dabmak oh anttom? Laa iitta!” Amge Kristusnu dabmak ihinigppa daatte ⌊amunu, laa nug Kayak Ouɗi iitta ele, nug epeɗigkkunu elele iitta⌋.