Jeremaia 23:13 - Nobonob Baibel

¹³ Am Yawe Nug atte. “Anukka, propet Samaria daappig amu, da ahilag hak laa antten, da oolppa uuaknab doomi. Hak ag heppig amu, ag kayak hambuppuak Bal onigppa propet nai mattinna, amuppa ag heeg, Israel danab ag ah ag ib tutukku apiɗidnana, eheɗppa goppig.

Jeremaia 23:13 ပူးပေါင်းရင်းမြစ်များ

1 King 18:40

Anam aon eeg, Elaiya nug ag hekkulagnunab amelagppa aum. “Balnu propet amu oh aɗualatteg, laippu laa aib uuppeg oola ukkom!” awa aum. Nug anam a, ag Balnu propet amu oh aɗualatteg, Elaiya nug propet amu oh diia, Kison oolnu noakppa noa, appa aqe mauhppig.

2 Stori 33:9

Kayak Nug anam aum, amge Manase nug eeɗatte, Juda danab ah, laa Jerusalemnu, laa Juda wanppa laih laihnu amu, ag ib ena apiɗidppig. Ag ib ena apiɗidna, ag kobol eheɗnab heppig. Anukka Yawe ehanatte, Israel ag danab Kanan wanppa daappig ele aqaeg iitta meppig, amge Manase he, Juda danab ah ag Kanan danab ah amu, ag ahilag eheɗ hak eɗidna, eheɗ nau heppig.

Aisaia 9:16

Ikki danab ag ib ena, ib tutukku, amu kobol ena ele danab ah ii ippuanatteb, amuppa danab ah ag ib ena apiɗidna ⌊ag padal metteb⌋.

Jeremaia 2:8

Mana mettak danab ag da Yawe, ag dahilnu ii dabmeppig. Ao, danab ag danab ah laa dahil ɗo ippunadtteb ele, ag da ii dooiɗppig. Ikki danab ag da dimeɗan, dahil nai tappaeg neum. Propet danab ag Bal dabmenan, nug onigppa ahilag nai mehuqppig. Ag Bal, kayak hambuppuak laa ele, amu dottolkad dabmenana, dim lamadppig.

Jeremaia 23:32

Genab, da propet hambuppuak, ag akka tulegleg hambuppuakppa keeke anidna, dimppa aɗi bekkunu nai maditteb, da amu dilag haknu eheɗ doyeye ool ii madattem. Ag tulegleg hambuppuak anidna, danab ah amelagppa mattinna, nai amuppa ag danab ah omalatteg, ib eheɗppa gotteb. Ag hambuppuak nau amu maditteb, amge da maadppi gokkulagnu onilagppa ii emi. Da ag amu hekkulagnu ii tituanadmi. Ag eheɗ heegeg, Juda danab ah ag ehanittak nakok laa iinab aotteb.” Yawe Nug anam awa atte.

Jeremaia 36:2

“Jeremaia, na buk itoɗiak ele laa aon, da aɗi nai kuɗum na amenppa Israel wan, Juda wan, amu wanppan wan laa oh ele dilagnu ain malami amu, na buk amuppa ye! Da Josaia king daye digmein, na amenppa ai uɗie uɗie, gemu batak nai mattimi amu, na nai amu ohnab buk amuppa ye!

Hosea 4:11

Israel danab ah, ag wain bau, alag ele laegeg, wain amu he, ag dahilad danab ah, ag diignu doyak tutukku iitta ele oitteb.

Hosea 4:12

Am dahilad danab ah ag dabmak aoglagnu keeke adppa hoyak oɗ madatteb. Ao, ad maha ag ulum nai madatte! Aɗinu? Ag ahilag kayak hambuppuak noolagppa dup nona binalag mekkulagnu oo hak nau doon hetteb amu, ahilag oo hak nau amuam he, ag ib apiɗidna gotteb; ag da, ahilag Kayak, ag da ippunadmi bia da dim lamiɗkkulagnu uun hena, ag kayak hambuppuak dim lamidna oitteb.

Maika 1:5

Yawe Nug oo nauhe uɗittenu diig am, Jakop buɗub ag hipunin henan heeg uɗie, gemu ele hetteb. Ao, Israel danab ah ag hipunin henan ii uuppig daatteb. Amu aun beɗuppa Jakop buɗub ag Yawe uuidna, kayak hambuppuak dim lamadtteb? Amuam ag ahilag aab okkai Samaria aakku. Amu Juda danab ah kayak hambuppuak noolagppa dup nona binalag metteb ele amu, amu hak naunu aab diig am adekku? Amuam ag ahilag aab okkai Jerusalem aakku.