Jeremaia 22:5 - Nobonob Baibel

⁵ Amu Yawe Nug imu ele atte, “Amge ag haknunab nai da ag madattem dim ii lamidkkulag dayeb, da dakka da onilppa da dahil nai ɠagattag qetten, da heppi, lag enanagnab imuam nauhaknab aakkuib daakku attem,” awa atte.

Jeremaia 22:5 ပူးပေါင်းရင်းမြစ်များ

Genesis 22:16

“Yawe Nug inam awa atte. ‘Da dakka, da onil awen, da nai dahil imu da onilppa ɠagattag qein madittem. Nai am inam: Na nid nahipnab meɗame. Na ii awaidna aɗame

2 Stori 7:19

Amge ag Israel, ag eɗun, ag dahil haknunab anak, amu ɗo dahil ele da ag mattami amu, ag ii dim lamidnana, aria ag kayak hambuppuak dim lamadnana, amu laa waalagppa maɗi nid daan, ahilag uɗat henana, ag ag noolagppa dup nona binalag mekkulag dayeb,

2 Stori 7:21

Amu lag imuam geha am kinipan ameg okkai hume tak daakku. Anam dayeb, danab ag geha uɗin, ippa oinna anidna, ag geha dabmak huanaknab aon, ag geha akkulag. ‘Attem daye, Yawe Nug wan imu he nauhe, mettid lag imu ele he nauhom?’ Ag anam akkulag.

2 Stori 7:22

Ag oɗmak anam hebeppeg, laa ag nob mena akkulag. ‘Imu beumnu diig am inam. Israel ag Yawe, ag mamelkad aɗi dilag Kayak, ag Nug uuppig. Nug ag mamelkad aɗi anukka Isipnu diia, omalatta uɗiom. Amge ag Yawe, ahilag Kayak, ag Nug uun, ag kayak hambuppuak dim lamadnana, ag noolagppa dup nona binalag meppig. Ag anam heeg, diig amunu Yawe Nug he, uug naunab imu beum.’ ” Yawe Nug Solomon amegppa anam aum.

Sam 95:11

Anam amunu, da ool nauhe, da keeke laa hekkulnu dahil nai ɠagattag qein ami. ‘Danab ah amu ag hik awak dahil iinab aomna.’ ” Yawe Nug anam aum.

Aisaia 1:20

Amge ag dahil nai ii dim lamidkkulag dayeb, ag da waalppa dayaknu uun, nai dahil tabappeg neeb, geha kekeɗ dilag qep elab ag laadkku.” Yawe Nug anam mattiom daatte amunu, am anam bekku.

Jeremaia 12:7

Gadon, da dahilad danab ah, ag da eppel ooppa daatteb amu, da ag dimatten uuadkkul. Da ahilagnu ool mauhtte, amge da uuadppi, ag kekeɗ eppelagppa daaglag.

Jeremaia 17:27

Ag da oɗel dim lamidkkulag dayeb amu, anam daakku, amge ag oɗel ii dim lamidkkulag dayeb, ag Sabat deɗ am dahilnu tituanak daakkunu ii dabmekkulag dayeb, ag Sabat deɗppa keeke maon uɗin, Jerusalem aab aɗnu od laalappa uɗin, aab ooppa gokkulag dayeb, da heppi, aab ewak, laa qauhkkunu elele iitta aɗnu odppa digma ewawa, appanu ewebeb ukkeb, aab oh, nuhig aab aɗ ɠagattagnab ele oh eokku.” ’ ” Yawe Nug anam awa atte.

Jeremaia 26:4

Amu na ag amelagppa inam akkut. ‘Yawe Nug inam atte. “Ag daulag human dahil nai ii dooglag, ag dahil ɗo da ag mattami ii dim lamidkkulag,

Jeremaia 39:8

Appa ag Sedekaianu anam heppig, amge Babilon daup Jerusalem daappig amu, ag kingnu lag enanagnab manaeg ewe, danab ah laulkad ele manatteg ewegeg, ag aab aɗ ele loppaɗeg, nauhakib dayom.

Jeremaia 44:26

Amu Yawe atte. “Ag amu hetteb amunu, ag Juda oh, ag Isip uɗin daatteb ele, ag Yawenu nai imu doyeg! Nug atte. ‘Da onil okkai ele awen, amuppa da dahil nai ɠagattag qetten, da attem. “Ag oolagppanu laa nug baula da onil awa, nuhig nai laa ɠagattag qedakkunu ha, ‘Naɗi Yawe bau daatte, genab amubia,’ ana, amuppa nai nuhig ɠagattag ii qettama,” ’ ” awa atte.

Amos 6:8

Naɗi Yawe Nug nukka Nug onig awa, nuhig nai ɠagattag qetta, Nug, Nug Yawe Kayak Nukka Ɠagattag Oh Ele, Nug inam atte. “Jakop buɗub, ag dada danab dilag kobol dim lamidtteb amu, da amunu oolppa uuaknab doottem. Ao, ag aab aɗ ɠagattagnab ele bappaladppig amu, da keeke amunu ele oolppa uuaknab doottem. Da anam doottem amunu, da kekeɗ paɗadppi, ag aab okkai ahilag imu eɗidppeg, aab amu, danab ah, keeke oh aab amuppa daatte ele am kekeɗ eppelagppa daaglag,” awa atte.

Maika 3:12

Ag Jerusalem danab okkai, ag nau amu hetteb, ag nai hambuppuak amu ele maditteb amunu, ag beɗulagppa kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak bia daakku. Anam amu, Kayaknu mettid lag, amunu tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.

Matyu 23:38

Antteg! Ag appalag am geha uɗ ba, aab dakkeɗ bia daakku.

Hibru 3:18

Amu Kayak Nug aun aɗi dilagnu ag genabnab nuhig hik awak ii aomnanu nai ɠagattag qetta aum? Amuam danab ah ag nuhig nai ii dim lamidppig ele. Kayak Nug amu dilagnu anam aum

Hibru 6:13

Aria, auntai laa nug Kayak eɗittak iitta amunu, anukka haen Kayak Abraham amegppa keeke hekkunu nai qakka aum amu, Kayak Nug, Nug onigppa nuhig nai ɠagattag qetta aum.

Hibru 6:17

Anukka Kayak Nug ig Nug bekkod ehanigkkunu nai ɠagattag qetta aum, Nug nai amu iinab baolimanu ippunikka auta aokkunu, Nug nai nuhig Nug onigppa ɠagattag qettom.