Jeremaia 22:3 - Nobonob Baibel

³ Yawe Nug inam atte. Ag nai doya mala hettoɗia epeɗia elele mettak kobol, kobol genab tutukku ele dim lamitteg! Ag nai doya mala hettoɗia epeɗia elele mettak kobol henana, aun aɗi ag gai-iitta daan, danab ɠagattag eppelagppa daaeg, eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag wan laihnu danab ah, nid ag mamelkad mauhppig ele, ah qab ele dilagppa kobol eheɗ aib heppig; guittak ele aib madappig. Laa eheɗ laa ii heppig ele ippa aib aqappeg mauhppig.

Jeremaia 22:3 ပူးပေါင်းရင်းမြစ်များ

2 Samuel 23:3

Israel dilag Kayak Nug da dookkulnu nai mattiom. Ao, Israel dilag kekeɗ nikkamanu ehanittak, Nug da amelppa nai laa imu aum. ‘Danab nug king dayaya, kobol genab tutukkuib dim lamittatta; nug dahilnu ebehi oh bodoetta le meeme, nuhikkud danab ah atognoadtte amu,

2 King 24:4

Amunu laa am, Nug Manase nug Jerusalem ohppa danab ah kuɗumnab, ag eheɗ laa ii heppig ele aqe mauhppig. Manase kobol heum amu, Yawe Nug antta, ⌊Juda danab ah kuɗum ele ag nug dim lamidppig antta, ag oolag ii eɗuom ele antta,⌋ Nug Juda dilag hipunin uhuqa madakkunu elele ii doyom.

Job 22:9

⌊Na amu heme, amge laala ele am:⌋ na ah qab laa gamu mauhom ele, nug eenu na unuqitte, na hee, nug eɗua, ee iitta ele lakka ukkom. Ao, na hee, nid ag mamelkad mauhadppig, ag nau daappig amu, ag eppelkad qiiak bia daappig.

Job 24:9

Nid yuɗ, mameg mauhom ele amu, nug anignu huh ii uuom, huh lanan dayeye, anig nug gamu iitta, keeke ele iitta amunu, nug eɗua lonnu men doɗo nau hak danab medakkunu elele iitta dayeye, nau hak danab nug uɗia, ah amunu nid yuɗ huh laawo, aɗitta awa ukka me, laa nid am okkai ma, nuhig maɗi nid daakkunu daden mette. Ge, daɗek ag men doɗo aoglagnu gona, nau hak danab eppelagppa lon aon, eɗun men doɗo amu nob mattaglagnu elele iitta daaegeg, nau hak danab ag ahilag men doɗo eɗun aoglagnu daɗek dilag nid yuɗ diitteb.

Sam 68:5

Kayak Nug nuhig aben nuhignu tituanak daatte ele, Nug amuppa daatte. Nug laa oh ag mamelkad mauhadppig ele, Nug ag mamelag daatte. Nug ah qab atognoadtte.

Sam 82:4

Danab ɠagattag ele amu ag daɗek, danab ah keeke iitta ele guittak madatteb; ag amu hemananu heppeg uueg! Ao, ag daɗek, danab ah keeke iitta ele amu, ag ag nau hak danab eppelagppan aɗadna diieg!” Kayak Nug anam atte.

Sam 94:21

Gumak danab nau ag genab tutukku hak danab hadappeg nauhkkulagnu, ag oohona daatteb. Ao, ag danab eheɗ laa ii heppig mauhkkulagnu atteb.

Sam 94:6

Ag ah qab, wan laihnu danab ele aqaeg mauhtteb. Ao, ag nid naunau anilkad mamelkad mauhppig amu, ag ag duulkad otteb.

Eksodas 22:21

Amu ag laa nug wan laihnu danab, ag nug uug aib medappig. Aɗinu? Anukka ag Israel, ag ele anam aakku nug daatte bia, ag Isip appa wan laihnu danab daappig.

Eksodas 22:22

Ag ah qab, o nid laa anilkad mamelkad mauhppig amu, ag laa amubia, ag ahilagppa aib eheɗ heppig.

Prowerb 23:10

Na wannu tom epponak men anukka mak amu aib mautppe, laih waum. Ge, na nid naunau mamelkad mauhppig ele, na ahilag wan daug laih adekku aib yab aome.

Prowerb 6:17

Keeke eblaih aɗit ele amuam inam: dada ha laa eɗittaknu dabmak awak kobol, nai hambuppuak mattiak kobol, danab ah eheɗ laa ii heeg, laa hamu aqe mauhak kobol,

Aisaia 1:23

Jerusalem, nahipad ikki danab ag am tappe nak danab. Ag yabhok danab ele layam batappig. Nahipad ikki danab ag lokkumakppa eheɗ haknu ehanittak aoglagnu oolag huana hette. Ao, nahipad ikki danab ag keeke ahilag daakkunu hamu mettak aoglagnu wagai metteb. Ag hettoɗiakppa nid ag mamelkad mauhppig ii ehanadtteb. Ag ah qab, ag amu dilag uug ele anidna, tutukku mettan ii ehanadtteb.

Aisaia 58:6

Da kobol anamnuib amu, da ool ii hette. Kud ma dayaknu da ool hette ele am inam. Danab nug eheɗ laa ii heum, amge nug hippalak daatte amu, ag danab laa baegppanu sen uhuqeg, hamu daatte, amubia ag uhuqppeg, hamu dayaɗ! Amu doɗnu duugppan tuqai makau aɗit duultippa qakkak daatte, danab ag muɗi amu uhuqtteb, ag amubia danab ah uhuqatteg! Amu ag danab ag laa eppelagppa daan, uug dootteb amu, ag ehanadna, danab ag doɗnu duugppan tuqai qiialatteg netteb, ag amubia uugppanu uhuqatteg!

Aisaia 58:7

Amu ele, ag danab ag ee iitta, enug daatteb amu, ag ee mattanna, laa lag keeke iitta, qati qati oitteb amu, ag amuppa daaglagnu aben matteg! Amu haen ag laa nug lamen iitta dayeb anidna, ag nug lamen metteg! Ag lailkadnab dilagnu aib daulag atiom! Ag keekenu tutu meppeg amu ehanadna matteg!” Yawe Nug anam atte.

Jeremaia 19:4

Aɗinu da anam hekkul? Juda danab ah ag da dim lamiɗaknu uun, kayak laihnu diiadna uɗin meeg, aben imuam kayak hambuppuak dilag aben aakku daatte. Ag aben imuppa doɗ manan, kayak hambuppuak amu mattegeg uɗie, gemu ele hetteb. Ag, am ag mamelkad aɗi ele ag kayak amu ii dooppig. Juda dilag king tatam daappig, ag ele kayak amu ii dooppig. Juda amu henana, ag laa eheɗ laa ii heppig, beɗulagppa aab iitta ele, ag ag hamu aqaeg mauhegeg uɗie, gemu ele hetteb.

Jeremaia 21:12

Ge, ag Dawit buɗub, Yawe Nug ahilagnu inam atte. “Ag buttua haen oh ahan, nai doya mala hettoɗia epeɗia elele mettak kobol dim lamidnana, aun aɗi ag gai-iitta daan, danab ɠagattag eppelagppa daaeg, ag eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag amu ii hekkulag dayeb, ag eheɗ hekkulag, diig amunu dahil oppoɗi bak, aab ewak, danab qauhkkunu elele iitta bia daakku,” ’ awa atte.

Jeremaia 22:17

Amu Yawe Nug imu ele atte. “Anam, amge ⌊Jehoiakim,⌋ na nakka, na en okkainab aokkutnu oot heehe, na amu dabmena autna aottem. Ib enappa, o ib nauppa aokkut, nahip dabmakppa amuam keeke hamu; aokkutnuib dabmettem. Aokkutnu amu, na danab eheɗ laa ii heppig ele aqe mauhtteb. Aokkutnu amu, na danab ah ag nahip uɗat hamu, nob iitta hekkulagnu duttunadttem. Aokkutnu amu, na laa eheɗ hattana, na keeke lokkumakppa awaknu duttuna hak kobol dim lamidttem.” Yawe Nug anam atte.

Jeremaia 26:16

Jeremaia nug ag amelagppa anam a amu, kingnu ehanittak anuqak danab, danab ah oh ele ag mana mettak danab, amu propet danab ele amelagppa appig. “Ig danab imu qepput mauhkkunu keeke laa ii heum. Nug Yawe, ihinig Kayak, nug Nug onigppa ig amenigppa nai mattiom,” aon appig.

Jeremaia 5:28

Ag keeke oh ele, beɗulag am enaib daatte. Ag ahilag eheɗ hak am batak iitta; hakib hetteb. Hettoɗiakppa ag nid laa mamelkad mauhppig naippa ii ehanatteg, ag nai doya, hettoɗia, epeɗia, elele mettak kobol nakok laa ii anidtteb. Ao, ag daɗek danab ah ii ehanatteg, ag aɗi keeke aoglagnu daatteb amu, ag ii aotteb.

Jeremaia 7:23

Iitta. Da haknunab nai imu ele ag matten, ag amelagppa ami. ‘Ag dahil nai amu doon dim lamidppeg, da ahilag Kayak daappi, ag dahilad danab ah daaglag. Ag ena daaglagnu, ag dahil hak oh dim lamitteg!’

Jeremaia 9:24

Nug keeke amunu dabmaama, nug nukka nug onig aib humom. Iitta! Laa nug da dooiɗa, nug dahil hak, amuam da Yawe, da danab ah dilagnu oo mauhaknab kobol, nai doya mala hettoɗia epeɗia elele mettak kobol, amu genab tutukku hak kobol ele dim lamidttem amu, nug amunu diignu doyak tutukku ele, nug keeke aɗit amu dabmaama, da onil humaɗ! Da hak amu dim lamidttemnu diig am, kobol amunu da enanagnab doottem.” Yawe Nug anam atte.

Gayak Nai 3:36

o hettoɗiakppa laa nug layag eheɗ ii heum, amge nug nuhignu, “Nug eheɗ amu he anidmi,” akku dayeb amu, Naɗi Nug hak nau amu oh iite anidkku?

Esekiel 18:12

Nug daɗek danab amu laa ag keekenu tutu mak daatteb ele eheɗ hadatte. Nug yab hette. Nug keeke lonnu onig awak daatte amu eɗua, mameg ii medatte. Nug kayak hambuppuak binag maama, nug kobol digdig, da kobol amunu oolppa uuaknab doottem amu, nug kobol amu ele hette.

Esekiel 18:7

Nug laa eheɗ ii hatta, nug keeke lonnu onig awak daatte amu eɗua, mameg medatte. Genab tutukku hak danab amu nug yab ii hette. Nug danab enug qeeqe, ee medatte. Ao, nug laa lamen iitta ele lamen medatte.

Esekiel 22:7

Jerusalem danab ah, ag oolagppan laa ag mamelkad anilkad dilagnu, “Keeke hamunab,” dootteb. Ag oolagppan laa ag wan laihnu danab eheɗ hadatteb, amu laa ag ag nid mamelkad iitta ele eheɗ hattana, ag ah qab ele eheɗ hadatteb.

Esekiel 45:9

Amu Naɗi Yawe Nug inam atte. “Ag Israel dilag okkai, ag ahilag hak eheɗ am malak. Ag laa guittak nau mauhnoak mettak kobol, danab eheɗ hattak kobol ele uuna, ag nai doya mala hettoɗia epeɗia elele mettak kobol, genab tutukku hak kobol ele heig! Ag hambuppuak kobolppa dahilad danab ah dilag wan baula aib aoppig.” Naɗi Yawe Nug anam aakku atte.

Joel 3:19

Ag Israel, ahilagppa amu ena anam daakku, amge Isip wan am hele-ettak daakku. Edom wan ele atu taɗaknab daakku. Aɗinu aa anam daaglah? Ag Juda wanppan danab ah guittak nau mauhnoak mattanna, appa ag danab ah eheɗ laa ii heppig ele aqaeg mauhppig.

Lewitikas 19:15

Na nai doya mala hettoɗia epeɗia elele mettak kobol dim lamitte! Aib apiɗidme! Na laa nug daɗekte, o iitta nug enub elete amu, na amu aib dabmeme. Iitta. Na Kayak noobppa kaliak laa iitta eleppa na laipad dilag nai doya mala hettoɗia epeɗia elele mettak kobol dim lamidkkutoitte.

Amos 5:15

Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.

Amos 5:24

Ag hambuppuak kobol amu oh uueg! Amge ag nai doya mala hettoɗia epeɗia elele mettak kobol lailkad dilagppa, le okkai ugakkaib gotte bia dim lamitteg! Ao, ag genab tutukku hak kobol, lenag laa hanhan ugakkaib daatte, iitta ii mette, ag amubia henanaib dayeg!

Maika 3:11

Jerusalemnu danab okkai ag epeɗiak henana, ag lokkumakppa eheɗ haknu ehanittak aon hetteb. Danab ah ag Jerusalemnu mana mettak danab men doɗo mattaeg, ag ippunittak madatteb. Amu danab ag Jerusalemnu propet men doɗo mattaeg, ag propet nai ahilag maditteb. Ag nau amu oh hetteb, amge ag atteb. “Ig Yawe waappa daat, ehanittak aottem,” atteb. Ag anam anana, ag inam ele atteb. “Yawe Nug ig oonigppa iite daatte? Uug nau laa ihinigppa ii bema,” aon atteb.

Maika 6:8

Amu oh am iitta. Yawe Nug na aun daattem, Nug na kobol ena oh ippunitta malom. Nug na attem hekkutnu ippunittom? Amu inam; na nai doya mala hettoɗia epeɗia elele mettak kobol tutukku dim lamidna, na laa dilagnu oo gai-iitta doya oo metta ehanittak kobol ele hena, na nakka na onin qeppe neeb, na nahip Kayak, na Nug ele oiyeɗ! Nug na amu hekkutnu oo daatte.

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.

Matyu 23:23

O gadonnab gadon ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag keh naunau amu oh oppateg, ameg eblaih tanig ele neeg, ameg laippu amu Kayak medatteb, amge ag ɗo laa okkai ii dim lamidna oitteb. Ɗo ag ii dim lamidna oitteb ele am, nai doya mala hettoɗia epeɗia elele mettak kobol, laa dilagnu oo gai-iitta doya oo metta ehanittak kobol, amu oo metta ii uuak kobol ele. Ag ɗo ii dim lamidtteb, amu laa dim lamidtteb ele, ag amu oh dim lamidlob, amuib am tutukku.

Duteronomi 10:18

Nug nai doya mala hettoɗia epeɗia elele mettak kobol dim lamittatta, nid ag mamelkad mauhppig, amu ah qab ele dilag nai epeɗiadtte. Nug wan laihnu danab ah ele, Nug amu dilagnu oo mauhak doya, ee madatta, lamen ele madatte.

Duteronomi 24:17

Ag wan laihnu danab ah dilagppan nai doya mala hettoɗia epeɗia elele mettak kobol dim lamidkkulagoitte. Ag nid naunau mamelkad mauhppig ele dilagppa ele anam hekkulagoitte. Ag ah qabnu lamen, keeke lonnu onig awak daakkunu ii aoglagoitte.

Duteronomi 24:7

Amu laa nug Israel ted laa aɗa awa, nug nuhig begbeg maɗi nid bia hedakku dayeb, o nug heeb, laa daden mekkulag dayeb amu, danab amu heum ele nug mauhkkuoitte. Kobol nau ag oolagppa daamanu, ag heppeg, aib dayom!

Duteronomi 25:1

Danab aɗit laa aa mattiak ahilah aoya, hettoɗiakppa goya daaglah dayeb, epeɗiak danab nug laa amu tutukku atte, laa nug eheɗ heum akku.

Duteronomi 27:19

Appeg, Lewi buɗub ag inam akkulag. “Aun laa nug nai doya mala hettoɗia epeɗia elele mettak kobol, wan laihnu danab ah, nid mamelkad mauhppig, amu ah qab dilagppa ele elele ii hette, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

Jems 1:27

Danab nug Kayak, ig Mamenig, Nug binag tutukku mekkunu amu, Kayak Nug kobol imunu elele anidtte. Danab amu nug nid naunau laa ag mamelkad anilkad mauhppig, o iitta danab nug mauhe, wau qab ma daatte ele amu, nug amu ehanatta, uug ahilag maokku. Keeke laa ele, nug nuhig oiyak, dayak elenu dabmak awa, nug wanppan kobol, nug oo dubuttid mettamanu, amu ele nug dabma auta aokku.