Jeremaia 22:24 - Nobonob Baibel

²⁴ Amu Yawe Nug atte. “Jehoiakim bekka Jehoiakin, na Juda dilag king, da Yawe, da na amenppa attem. Da genab bau daattem, genab amubia na dahil doyaknu at ringppa daatte da eppelppa daalom amu, da ring amu uɗidlom. Na am tuɗidna ii daalom.

Jeremaia 22:24 ပူးပေါင်းရင်းမြစ်များ

2 King 24:12

Amu King Jehoiakin nug Babilon dilag king uɗiom antta, aria nug, nug anig, kingnu ehanittak danab, nuhikkud anuqak danab ele oh ag aab okkai dimittim gona, ag akka ag King Nebukatnesar eppegppa daaglagnu appig. Ag anam heeg, aakku Nebukatnesar nug Jehoiakin awa, maniguittom. Nebukatnesar nug Babilon dilag king dayaya, nuhig king dayaknu maɗ eblaih ewamppa nug anam heum.

2 King 24:15

King Nebukatnesar nug Jehoiakin aɗa awa, Babilon ukkom. Amu nug ele Jehoiakin anig, wauud, nuhikkud ehanittak anuqak danab, am Juda danab okkai ele Jerusalemnu diia, Babilon ukkom.

1 Stori 3:16

Jehoiakim nug king daye ukke, amu nug bekka Jehoiakin nug king ba daye ukke, Jehoiakin dimugppa Sedekaia nug king dayom.

2 Stori 36:9

Jehoiakin nug maɗ 18 dayaya, nug king ba dayom. Nug king ba, nug kalam ewam, deɗ eblaih laih ele aakkuib Jerusalem appa king dayom. Nug Yawenu neekkakppa eheɗ heum.

Solomonnu Ahi 8:6

Amu nahip doyaknu at stemp-ppa daatte, keeke amuam na momonppa aihak daatte amu, da anambia daakkulnu ool daatte. Ao, nahip doyaknu at stemp-ppa daatte, keeke amuam na eppenppa qakkak daatte amu, da anambia daakkulnu ool daatte. Aɗinu? Oo mauhak am keeke ɠagattagnab. Ao, laanu oo hak huanak am keeke uug naunab ele eɗidkkunu elele. Oo mauhak am aab ewak bia; am aab ewa auta autanab aotte bia.

Aisaia 49:16

Antteg! Da ag onilkad da eppelppa yen malai daatteb. Da Juda danab ah, danab nug Jerusalemnu aɗ guguittak dayaya, hanhan andatta dabmette, amubia da ahilagnu hanhan dabmettem.

Jeremaia 13:18

Amu Yawe Nug da, Jeremaia, Nug da Juda dilag king, amu nug anig ele amelahppa inam appi dooglahnu aum. “Aa sia king ahilah uuya, honap neiɗ! Aɗinu? Aa tuɗidya, Juda dilag okkai ii daamya.

Jeremaia 22:28

⌊Yawe Nug anam awa atte, amu laa atteb.⌋ “O gadon, Jehoiakin nug am waa laa aoɗak daatte, danab laa nug waa amunu ena iinab dootte, nug amubia daattete? Ao, Jehoiakin nug laa waanu, ‘Waa amuam enanag, da aokkulnu ool okkai daatte,’ iinab atte amu, Jehoiakin nug amubia daattete? Aɗinu Yawe Nug heeb, danab nug men buɗie, laih gotte, amubia kekeɗ ag heppeg, Jehoiakin, bekkod ele ag amubia laih gokkulag? Ao, aɗinu Yawe Nug heeb, kekeɗ heppeg, Jehoiakin, bekkod ele ag wan imuppanu ahan gona, wan laappa, ag wan amu ii dootteb ele, ag aguppa daaglag?” aon atteb.

Jeremaia 22:6

Am diig amunu amu, Yawe Nug Juda dilag kingnu lag enanagnabnu inam atte. “Da ag Juda dilag king, da lag ahilagnu enanag doottem; da qauko Lebanon ikkinu doottem, o Gileat wannu doottem amubia. Da amubia doottem, amge da genab heppi, ahilag lag am atu taɗak, danab ah appa ii daatteb ele, anambia daakku. Ag laulag am aab danab ah ii daatteb, hamu daatte, am anamib daakku.

Jeremaia 24:1

Babilon dilag king Nebukatnesar nug uɗie, nug Jehoiakim bekka Jehoiakin, Juda dilag king, aria nuhikkud ehanittak anuqak, Judanu danab uɗat laala haknu doyak okkai ele, nug ag ele Jerusalemnu diia ukka he, ag Babilon appa diia ukka laih me dayak danab daappig. Nebukatnesar nug anam heum, dimppa Yawe Nug da Jeremaia, Nug da kaleg aɗit ad fig meu inak ele Yawenu mettid lag noobppa daaeheh ippuniɗom.

Jeremaia 28:4

Da amu hekkul, amge ele da heppi, Jehoiakim bekka Jehoiakin, Juda dilag king, amu Juda danab ah laa oh ele Babilon appa diia ukka laih me dayak danab ah daatteb amu, ag ele eɗun uɗiglag. Amuam genab bekkunu diig am, da heppi, ag Juda, ag Babilon waappa ii daamna.’ Yawe Nug anam awa atte,” awa aum.

Jeremaia 37:1

Amu Jehoiakim Juda dilag king daye ukke, nug bekka Jehoiakin nug abenabppa king ba dayeye, Babilon dilag king Nebukatnesar nug he, Josaia bekka Sedekaia nug king abenab awa, Juda dilag king dayom.

Hagai 2:23

Amge deɗ amuppa da na, na Serubabel, na Sealtiel bekka na, da na ehanidppi, na ena daakkut. Da heppi, na dahil doyaknu at ringppa daatte bia daan, ena daakkut. Aɗinu? Da na dahil daakkutnu tituanidmi.” Yawe Nukka Ɠagattag Oh Ele Nug anam awa atte.