Jeremaia 22:2 - Nobonob Baibel

² ‘O na Juda dilag king, na Dawitnu sia kingppa daattem amu, na, amu nahipad ehanittak anuqak danab, amu nahipad danab ah ele ag oh ag aab imunu aɗnu odppa uɗin, aab ooppa gotteb ele amu, ag Yawenu nai imu doyeg!

Jeremaia 22:2 ပူးပေါင်းရင်းမြစ်များ

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.

Aisaia 1:10

Anam amu, gemu ag ⌊Jerusalem ikki danab, ag⌋ Sodom ikki danab ⌊bia amu⌋, ag Yawenu nai doyeg! Ao, ag ⌊danab ah Jerusalem daatteb, ag⌋ Gomoranu danab ah ⌊bia amu⌋, ag Kayak, ihinig Kayak, Nug nuhig ɗo nai ig ippunigtte amu, ag ele daulag human, ɗo amu doyeg!

Aisaia 28:14

Anam bekku amunu, ag Jerusalemnu danab okkai, ag Yawenu nai aon aon qedatteb ele, ag Yawenu nai doyeg!

Aisaia 9:7

Nug am King Dawit ou, Nug geha Dawitnu sia kingppa dayaya, danab ah gumadkku. Gumak uɗat pehettak hekkunu ɠagattag, maɗoɗ ele am haen oh okkai meebeb gokku. Nug Dawit ou daya, Dawitnu sia kingppa dayaya, Nug kobol genab tutukku ele, amu nai doya mala hettoɗia epeɗia elele mettak kobol ele dim lamittebeb, gumak nuhig am okkai, ɠagattag ele beebeb ukkeb, anamib hanhan daakku. Yawe Nukka Ɠagattag Oh Ele, Nugib amunu yag-nab-bak doya heeb, anam bekku.

Jeremaia 13:18

Amu Yawe Nug da, Jeremaia, Nug da Juda dilag king, amu nug anig ele amelahppa inam appi dooglahnu aum. “Aa sia king ahilah uuya, honap neiɗ! Aɗinu? Aa tuɗidya, Juda dilag okkai ii daamya.

Jeremaia 19:3

Na inam akkut. ‘O Juda dilag king, amu Jerusalem danab ah ele ag Yawenu nai doyeg! Yawe Nukka Ɠagattag Oh Ele, Israel dilag Kayak, Nug inam atte. “Doyeg! Da heppi, uug naunab aben imuppa nekku. Danab auntai nug amu nekku dimppa, nug amunu nai dookku amu, nug eheɗ ottaikku.

Jeremaia 22:1

Amu Yawe Nug da Jeremaia, Nug da amelppa inam aum. “Na ahan, Juda dilag kingnu lag enanagnab, na appa nona, nai imu appe doyeg!

Jeremaia 22:4

Aɗinu? Ag haknunab nai oh da ag madattem hekkulag dayeb amu, king ag Dawitnu sia kingppa daaglag; ag kingnu lag enanagnab imunu aɗnu odppa oiyaknu karisppa, hos attan ele uɗiglag. Ag, ahilkad ehanittak anuqak danab, amu ahilkad danab ah ele anam hekkulag,’ ” awa atte.

Jeremaia 29:20

Anam amunu, ag Juda danab ah, Yawe Nug he, ag ahan gona, gemu Babilon wanppa diia ukka laih me dayak danab ah daatteb, ag Yawenu nai imu doyeg!

Jeremaia 34:2

“Da Yawe, da Israel dilag Kayak, da inam attem. ‘Jeremaia, na ahan, Juda dilag king Sedekaia toppa gona, na inam appe doyaɗ! Yawe Nug inam atte. “Da heppi, Babilon dilag king nug aab okkai imu eɗitteb, nug eppegppa dayeb, nug amoteb eokku.

Jeremaia 36:30

Jeremaia nug nai amu doya, nug nai imu ele doyom. “Anam amunu, da Yawe, da Juda dilag king Jehoiakimnu inam attem. ‘Nug buɗubppan laa nug Dawitnu sia kingppa heɗep na dayaya, king daakkunu laa ii daama. Laa ag Jehoiakim qeppeg mauheb, ag nug gaɗa buɗippeg, dimittim na, wanppa dayebeb, amunppa aam qeeb, tuqan am oug nau qekku.

Jeremaia 7:2

“Da am Yawe. Na Juda danab ah ag nai imu dooglagnu, na da laul odppa daanna, mehuqppe doyeg! Na mehuqnana, na inam a! ‘Ag Juda danab ah oh, ag lag imunu aɗ odppa Nug noobppa dup nona binag mekkulagnu uɗitteb ele, ag Yawenu nai imu doyeg!’ aon akkut.

Esekiel 34:7

Anam amunu, ag sipsip gumak danab ag anam henan daatteb, ag Yawenu nai doyeg!

Amos 7:16

Yawe Nug da meiɗe uɗimi amunu, Amasaia, na Yawenu nai doye! Na dahilnu attem, ‘Na uug naunab Israel dilagppa beeb anidkkulagnu propet nai baula aib mattime! Ao, na baula Aisak buɗub dilagppa uug naunab aqakkunu, na nai amu baula aib mattime!’ aon attem.

Luk 1:32

Nug onig am binag ele daakku. Ag nuhignu, ‘Kayak Attannab Laa Oh Eɗattak bekka,’ aon akkulag. Kayak Nug heeb, nug king alag Dawit dayom bia daakku.