Jeremaia 22:19 - Nobonob Baibel

¹⁹ Danab ag doɗ donki ii boumtteb, amubia danab ag Jehoiakim ii boummana. Iitta. Ag nug gaɗa eeɗna, aab Jerusalem dimittim buɗippeg gokku.

Jeremaia 22:19 ပူးပေါင်းရင်းမြစ်များ

1 King 14:10

Anam amunu, da genab geha Jeroboamnu huuppan nid danab bau ukka danab kaino ele Israel oolagppa beppig daatteb amu uug naunab madakkul. Am geha da heppi, Jeroboamnu huuppan nid danab bau ukka danab kaino ele ohnab, laa nug begbeg maɗi nidte, o begbeg maɗi nid iittate, ag Israel danab ah oh oolagppanu iitta mekkulag. Da aab kinipan ewewe huppu nakok laa ii daatte, da nuhig, amu nuhigppan nid danab ele heppi, anam bia bekku.

2 King 23:36

Jehoiakim nug maɗ 25 dayaya, nug king ba dayom. Nug king ba, nug maɗ 11 Jerusalem appa king dayom. Nug anig am Pedaia aɗeg Sebida. Nug am Ruma ted.

2 King 24:6

Jehoiakim nug mauhe amu, nug bekka Jehoiakin nug abenabppa king ba dayom.

2 King 9:35

Nug anam aum, amge haen danab ag Jesebel gaɗa boumkkulagnu dimittim goppig, ag nug gaɗa appa ii anidppig. Iitta. Ag ikki ebehi, baeg, eppeg ele aakkuib niie anidppig.

2 Stori 36:6

Jehoiakim nug king dayeye, Babilon wanppanu King Nebukatnesar nug nuhikkud daup ele ag banelag uɗin, Jehoiakim, Juda dilag daup ele aqaglagnu ban hena, ag Jehoiakim aɗan, ag aon, Babilon gokkulagnu eppeg baeg ele qakkaknu keeke brasppa hak, ag nug amuppa qagappig

Eklisiastis 6:3

Danab laa nug haen elabnab wanppa oikkutai, nid 100 menuadkkutai, amge nug bau dayak nuhignu ena dookkunu elele ii daatte dayeb, nug mauheb, ag kobol enappa ii boumkkulag dayeb amu, dahil dabmakppa nid laa anig ooppa mauhe, anig menue dotte, amuam kobol amu eɗidtte; am kobol ena.

Jeremaia 15:3

Amu Yawe Nug atte. “Da heppi, kekeɗ nau waɗele ag Juda danab ah, ahilagppa bekkulag. Laa am ban haenppa kekeɗ ag qep elabppa aqappeg mauhkkulag. Laa am qai ag laa gaɗalag eeɗadna, laih gokkulag. Laa am ai ag uɗin, gaɗalag lakkulag. Amu laa am doɗ dakkuɗ ag ag gaɗalag qai, ai ele ii lappig ele, ag lakkulag.

Jeremaia 36:30

Jeremaia nug nai amu doya, nug nai imu ele doyom. “Anam amunu, da Yawe, da Juda dilag king Jehoiakimnu inam attem. ‘Nug buɗubppan laa nug Dawitnu sia kingppa heɗep na dayaya, king daakkunu laa ii daama. Laa ag Jehoiakim qeppeg mauheb, ag nug gaɗa buɗippeg, dimittim na, wanppa dayebeb, amunppa aam qeeb, tuqan am oug nau qekku.

Jeremaia 36:6

amunu, na da abenal aon, appa gokkutnu ool daatte. Na ee ohnu kud ma dayaknu deɗ laappa, na deɗ amuppa buk na Yawe nai ippuniɗe, da ai, na yaame imu amu, na buk itoɗiak amu aon, Yawenu mettid lag, na amuppa gona, danab ah appa daatteb ele dooglagnu na buk amuppan nai ebqekkut. Juda danab ah ag ahilkad aab anen anennu uɗitteb ele amu, na ag amelagppa ebqeppe, ag doyeg!

Jeremaia 8:2

ag wanppa hamu maadppeg daaglag. Juda danab ah amu ag anukka bau daanna, ag aam kalam hoɗoppai ele dilagnu, ‘Ihinig kayak,’ anana, ag keeke amu noolagppa dup nona binalag mena, ag amu dilag oolag mauhak doon, ag amu dilag mana mettak danab dilag nai doon dim lamidna, ahilagppanu aɗi aɗi hekkulagnu nai ele aoppig. Juda danab ah ag amu heppig amu, haen amuppa ag ebehilkad am wan qaɗeppa kinipan bia daappeg, laa ag qagmena, moɗppa ii memana.

Esekiel 19:8

Laion nug anam he, wanppan wan laalappan danab ag ahan, nug aɗaglagnu uɗippig. Ao, wan laa, ag Juda wan talilidppig ele amu, ag nug aɗaglagnu uɗippig. Ag uɗin, danab ag kakai uhuippa aotteb bia ag uhui meppig. Ao, ag wan buun tonaeg, nug amuppa no, ag aɗappig.

Esekiel 39:5

Da Naɗi Yawe, da aakku mattie malami amunu, ag dad okkaippa mauhna, nena qena, gaɗalag appa niiglag.’ ” Naɗi Yawe Nug anam atte.