Jeremaia 22:18 - Nobonob Baibel

¹⁸ Josaia bekka Jehoiakim, Juda dilag king nug anam hette amunu, Yawe Nug nuhignu inam atte. “Danab ah ag nuhignu ii mahimna. Ag akka akka inam ii amana. ‘O da awal, gadonnab gadon. O da appinal, gadonnab gadon.’ Ag nuhignu ii mahimna. Ag akka akka inam ii amana. ‘O dahil okkai, gadonnab gadon. Nug danab ɠagattag okkai naɗi ele daye, dahil okkai daya, mauhom. O gadonnab gadon.’ Ag anam ii amana.

Jeremaia 22:18 ပူးပေါင်းရင်းမြစ်များ

2 Samuel 1:26

O da amal Jonatan, da ool nahipnu huana dootte. Da nahipnu enaib doomi. Na dahilnu oot okkainab mauhom, amu da oo mauhak amunu enanag doomi. Ge, oo mauhak nahip amu, amuam ah nug danabnu oo mauhtte eɗittak.

1 King 13:30

Am propet kaino nug mauhak gaɗa amu awa ukka, nuhig boumak abenppa boumom. Boume amu, nug baekkudppa ele ag propet mauhom, ag nuhignu mahidnana inam appig. “O gadonnab, ig lainig,” aon appig.

2 King 23:36

Jehoiakim nug maɗ 25 dayaya, nug king ba dayom. Nug king ba, nug maɗ 11 Jerusalem appa king dayom. Nug anig am Pedaia aɗeg Sebida. Nug am Ruma ted.

2 King 23:6

Nug kayak hambuppuak Aserah dabmekkulagnu biidod Yawenu mettid lag ooppa dayom ele appanu awa, Jerusalem dimittim ukka, le Kidronnu oolnu noakppa mane ewom. Dimppa nug amunu hamad awa bate, kalu ne, nug awa ukka, Jerusalem danab ah hamu, nug amu dilag matmatppa gokkaɗe, tamtam ukkom.

2 King 24:6

Jehoiakim nug mauhe amu, nug bekka Jehoiakin nug abenabppa king ba dayom.

1 Stori 3:15

Aria, imuam Josaia bekkod. Nid danab tatam menuak am Johanan. Johanan dimugppan am Jehoiakim. Jehoiakim dimugppan am Sedekaia. Sedekaia dimugppan am Salum.

2 Stori 35:25

Josaia nug anam mauhe, propet Jeremaia nug ahi oo doyak ele laala danab ah ag ahi ettan, Josaia dabmekkulagnu yaalattom. Nug ahi amu anam yaalatte, gemu, ⌊nai imu yaak haenppa⌋ ele, danab ah ag ahi edatteb ele ag danab ah Josaia dabmekkulagnu ahi amu ettaladtteb. Israel wanppa ag hanhan mauhak haenppa ahi amu edatteb. Ahi amuam buk laa, danab mauhtteb haenppa danab ah ahi amu edatteb ele amu, ahi amuam buk amuppa yaalattak daatteb.

2 Stori 36:5

Jehoiakim nug maɗ 25 dayaya, nug king ba dayom. Nug king ba, nug maɗ 11 Jerusalem appa king dayom. Jehoiakim nug Yawe, nuhig Kayak, nug nuhig neekkakppa eheɗ heum.

Jeremaia 16:4

“Ag oɗe naunabppa mauhkkulag. Ag mauhppeg, laa ag ii mahimna, ii boumadmana ele. Ag gaɗalag hamu kinipan bia wanppa niiglag. Ele amu, kekeɗ ag qep elabppa ag aqappeg mauhppeppeg, ag enugppa ele mauhkkulag. Ag mauhna, ag gaɗalag am ai hab waappa hagagaɗna oitteb, doɗ dakkuɗ wanppa oitteb ele dilag ee daaglag,” awa atte.

Jeremaia 16:6

Danab onig ele, danab onig iitta ele Juda wan ohppa mauhkkulag. Laa ag danab ah mauhkkulag ii boumadmana, Ag mauhak dilagnu ii mahina, oo doyak kobol laala ele amu dilagnu ii hemana.

Jeremaia 21:11

Aa Jerusalem danab ah amelagppa anam awoya, aa Juda dilag okkai, amuam king, nug baegppan ele amu, aa ag amelagppa nai imu apeɗ doyeg! ‘Ag Yawenu nai imu doyeg!

Jeremaia 22:10

Ag King Josaia mauhom amu, ag nuhignu aib gaappig, aib mahippig. Ag amu ii hemana, amge ag Jehoahasnu, kekeɗ ag uɗin aon ukkaeg, nug wan laappa diia ukka laih me dayak danab daatte, ag nuhignu huan gayeg! Aɗinu? Nug eɗua iinab uɗima. Nug baula nuhig wan ii anidma.

Jeremaia 22:12

Kekeɗ ag nug aɗan aon gona, wan laappa goppig amu, nug appa mauhkku. Nug baula wan imu iinab anidma,” awa atte.

Jeremaia 34:5

Na maɗoɗ ele mauhkkut. Amu anukka Juda danab ah ag na mamenad aɗi king daappig, ag mauhattegeg, binalag mattaglagnu ag ahilag kobolppa aab okkai ilappig, amubia na mauhppe, laa ag na binan mekkulagnu anam hekkulag. Ag amu henana, ag akkulag. ‘O dahil okkai, gadonnab gadon,’ aon akkulag. Aɗinu? Da Yawe, da anam aakku heppi bekkunu nai attem.” Yawe Nug Jeremaia, Sedekaia amegppa anam akkunu aum.

Jeremaia 36:30

Jeremaia nug nai amu doya, nug nai imu ele doyom. “Anam amunu, da Yawe, da Juda dilag king Jehoiakimnu inam attem. ‘Nug buɗubppan laa nug Dawitnu sia kingppa heɗep na dayaya, king daakkunu laa ii daama. Laa ag Jehoiakim qeppeg mauheb, ag nug gaɗa buɗippeg, dimittim na, wanppa dayebeb, amunppa aam qeeb, tuqan am oug nau qekku.