Jeremaia 22:15 - Nobonob Baibel

¹⁵ Amu Yawe Nug atte. “⌊Jehoiakim,⌋ na ad sida kuɗum na lautppa meme daatte amunu, na ad amuam king daakkutnu ehah medatte doottemte? Na mamen nug amu ii heum. Iitta. Nug ee, le ele elele aɗa lana dayaya, elele doya, nug kobol tutukku, amu nai doya mala hettoɗia epeɗia elele mettak kobol ele dim lamittom amunu, keeke oh nuhignu elele ukkom.

Jeremaia 22:15 ပူးပေါင်းရင်းမြစ်များ

2 Samuel 8:15

Dawit nug Israel danab ah oh gumattom. Nug gumattatta, nug nai doya mala hettoɗia epeɗia elele mettak kobol, kobol tutukkuppa ele ag gumattom.

1 King 10:9

Ig Yawe, nahip Kayak, ig Nug binag metu! Nug nahipnu enanagnab doya he, na Israel dilag king daattem. Am Yawe, Nug ag Israel, ahilagnu oo huan mauhtte, nuhig oo mauhak ahilagppa am ii tuqa aoma. Anam daatte amunu, Nug he, na nai doya mala hettoɗia epeɗia elele mettak kobol dim lamidnana, na genab tutukku hak kobol ele dim lamidnana, na Israel gumadkkutnu, na king beme.” Sebanu kuin nug anam awa aum.

2 King 22:2

Josaia nug Yawenu neekkakppa kobol genab tutukku ele dim lamittom; nug alag Dawit kobol oh heum bia, nug heum. Nug ib ena dim lamittom. Nug ib eheɗppa ii ukkom.

2 King 23:25

Josaia nug am king enanag. Nug meu ohppa, oo ohppa, ɠagattag ohppa ele Yawe dim lamidkkunu, Mosesnu ɗo nai atte bia heum. Anukka amu king laa Josaia eɗua, Yawe dim lamidkkunu heum bia, laa ii dayom. Iitta. Dimppa ele, king laa nug bia laa ii beum. Iitta. Josaia nug oh eɗattom.

1 Stori 3:15

Aria, imuam Josaia bekkod. Nid danab tatam menuak am Johanan. Johanan dimugppan am Jehoiakim. Jehoiakim dimugppan am Sedekaia. Sedekaia dimugppan am Salum.

2 Stori 34:2

Nug Yawenu neekkakppa kobol genab tutukku ele dim lamittom; nug alag Dawit heum bia heum. Nug ib ena dim lamittom. Nug ib eheɗppa ii ukkom.

2 Stori 35:22

Isip dilag king Neko nug nai amu Kayak oɗeppa awa, Josaia amegppa aum, amge Josaia nug am dookkunu uua, nug Neko, nuhikkud daup ele, uɗem naɗi onig Megido, appa ban hekkulagnu nuhikkud daup ele goppig. Nug ban amu hekkunu dabmak amu awa aɗa, nug eɗua, Jerusalem ukkaknu uua, Neko aɗi ele ban hekkulagnu ukka, Neko aɗi ag am king aakku daatte anidmananu nug lamen laa, kingnu iitta, takka, ban hekkunu ukkom.

2 Stori 35:26

Amu Josaia nug king dayaya, king dayak nuhig digmak ukka batakppa nug aɗi aɗi keeke laala heum, Yawenu ɗoppa yaak niitte bia nug Yawe ena dookkunu kobol aɗi aɗi ele heum amu, ag kaya amu oh buk laappa, buk amu onig am Israel, Juda Ele Dilag Kingnu Kaya, ag buk amuppa yaappig daatte.

Prowerb 20:28

King nug oo mauhaknab kobol, oo metta ii uuak kobol ele dim lamidtte dayeb, kobol aɗit amu heeh, nug abenabppa enaib daatte; oo mauhaknab kobolppa nuhig king dayak ii uɗaltte.

Prowerb 21:3

Danab nug Yawenu mana mettak hekku dayeb amu, amuam ena; amge danab nug kobol tutukku, amu nai doya mala hettoɗia epeɗia elele mettak kobol ele hette amu, amuam Yawenu neekkakppa enanag.

Prowerb 25:5

Na heppe, nau hak danab ag king uuidna, laih daappeg amu; nug genab tutukku hak kobol haaha, nuhig king daakkunu ehah am nug eppegppa ɠagattag daakku.

Prowerb 29:4

King nug nai doya mala, hettoɗia, eppedia, elele mettak kobol dim lamidtte amu, nuhig wan am ɠagattag daatte; amge king nug lokkumakppa eheɗ haknu ehanittak wagai ma aotte, amuppa nug he, wan nuhig nauhtte.

Prowerb 31:9

Na inam hekkutoitte: Hettoɗiakppa amu, na nai doya mala hettoɗia epeɗia elele mettak kobol dim lamidna mattie! Ao, hettoɗiakppa na daɗek danab amu laa ag keekenu tutu mak daatteb ele amu, na amu dilagnu nai doya mala hettoɗia epeɗia elele mettak kobol dim lamidna hee!” Lemuel anig nug nai amu nug ippunitte mattiom.

Eklisiastis 10:17

Wan laappan king nug danab kalu mettak, nug danabnab daatte dayeb; nuhikkud ehanittak, ag anuqak danab amu, ag haenppa ɠagattag aoglagnu ee, le ele latteb, ag kaaka aqaknu le ii latteb dayeb amu, wan amuam itittak ena awom daatte.

Eklisiastis 2:24

Da amu oh anitti ukke, keeke laa ele anidmi. Amuam danab nug ee, le ele lanana, nug aɗi uɗat Kayak nug mettom am haaha, uɗat amunu nug oo hak dookkunu am ena; kobol laa oh eɗittak. Kobol amuam Kayak eppegppanu ihinigppa uɗitte, da anam anidttem. Am kobol ena.

Aisaia 3:10

Imu dabmenan oiyeg! Genab tutukku hak danab ah dilagnu amu, ahilagnu am ena. Aɗinu? Ag ahilag haknu meu ena aon daaglag.

Aisaia 9:7

Nug am King Dawit ou, Nug geha Dawitnu sia kingppa dayaya, danab ah gumadkku. Gumak uɗat pehettak hekkunu ɠagattag, maɗoɗ ele am haen oh okkai meebeb gokku. Nug Dawit ou daya, Dawitnu sia kingppa dayaya, Nug kobol genab tutukku ele, amu nai doya mala hettoɗia epeɗia elele mettak kobol ele dim lamittebeb, gumak nuhig am okkai, ɠagattag ele beebeb ukkeb, anamib hanhan daakku. Yawe Nukka Ɠagattag Oh Ele, Nugib amunu yag-nab-bak doya heeb, anam bekku.

Jeremaia 21:12

Ge, ag Dawit buɗub, Yawe Nug ahilagnu inam atte. “Ag buttua haen oh ahan, nai doya mala hettoɗia epeɗia elele mettak kobol dim lamidnana, aun aɗi ag gai-iitta daan, danab ɠagattag eppelagppa daaeg, ag eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag amu ii hekkulag dayeb, ag eheɗ hekkulag, diig amunu dahil oppoɗi bak, aab ewak, danab qauhkkunu elele iitta bia daakku,” ’ awa atte.

Jeremaia 22:18

Josaia bekka Jehoiakim, Juda dilag king nug anam hette amunu, Yawe Nug nuhignu inam atte. “Danab ah ag nuhignu ii mahimna. Ag akka akka inam ii amana. ‘O da awal, gadonnab gadon. O da appinal, gadonnab gadon.’ Ag nuhignu ii mahimna. Ag akka akka inam ii amana. ‘O dahil okkai, gadonnab gadon. Nug danab ɠagattag okkai naɗi ele daye, dahil okkai daya, mauhom. O gadonnab gadon.’ Ag anam ii amana.

Jeremaia 22:3

Yawe Nug inam atte. Ag nai doya mala hettoɗia epeɗia elele mettak kobol, kobol genab tutukku ele dim lamitteg! Ag nai doya mala hettoɗia epeɗia elele mettak kobol henana, aun aɗi ag gai-iitta daan, danab ɠagattag eppelagppa daaeg, eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag wan laihnu danab ah, nid ag mamelkad mauhppig ele, ah qab ele dilagppa kobol eheɗ aib heppig; guittak ele aib madappig. Laa eheɗ laa ii heppig ele ippa aib aqappeg mauhppig.

Jeremaia 23:5

Da Yawe, da inam attem. “Haen laa dimppa amu, da geha heppi, danab laa Dawit buɗubppanu bekku; ad diigppa ita bau bette, amubia bekku. Danab amu nug genab tutukku hak danab, amu nug geha king dayaya, nug geha doyak dabmak ena ele dim lamitta, nai doya mala hettoɗia epeɗia elele mettak kobol, kobol genab tutukku ele dim lamitta, nug danab ah gumadkku.

Jeremaia 42:6

Yawe, ihinig Kayak, na Nug unuqidkkutnu ig meittut gottem ele, Nug aɗi akku amu, ig ena, elele daagnignu, Nug keeke ig oonig hette hekkunignu akku dayeb, o Nug keeke ig oonig ii hette hekkunignu akku dayeb, am keeke hamu. Ig Nug aɗi akku aakkuib dim lamidkkunig. Aɗinu? Ig anam hekkunig dayeb, am ig ena, elele daagnig,” aon appig.

Jeremaia 7:5

Ag ahilag hak nau gaɗalagib ii uuna, ag genab uuglag dayeb, ag eɗun kobol ena dim lamidnana, ag laa dilagnu nai doya mala hettoɗia epeɗia elele mettak kobol dim lamidkkulag dayeb,

Luk 11:41

amunu, ag danab daɗek ehanadppeg, ii nauhppeg, ag oolag oppiaawak ele daakku.

Aposel 2:46

Ag anam henan, ag oh oolag laippu daanna, deɗ oh Kayaknu mettid lakka gonana, Kayaknu nai dooppig. Amge ag laulkad anen anen oh oina, ag oo gamag ahak doonna, ag Kayak amegppa, “Ena hen mekkame,” anana, ee lappig.

1 Korint 10:31

Amge ag ee le ele lakkulag, o keeke laa hekkulag amu ag keeke amu ohppa ag Kayak binag amahlak oppiaawak ele mekkulagnu aakkuib dabmenan heig!

Duteronomi 4:40

Ahilagppa, ahilkad nid naunau, amu ag dimulkadppanu ele, ahilagppa ena, elele ba daakkunu, ag wan amu, Yawe, ahilag Kayak, Nug ag wan ahilag haen oh daakkunu madakkunu hette amu, ag amuppa haen elab daaglagnu, ag ɗo nai, amu aɗi haknunab anak imu ele, gemu da ag madattem imu, ag dim lamitteg! Amuam nai laa Moses mattiom aakku.