Jeremaia 21:8 - Nobonob Baibel

⁸ Aria, nai laa amu, aa Jerusalem danab ah amelagppa inam apeɗ doyeg! ‘Yawe Nug ag amelagppa inam atte. “Antteg! Da gemu ib aɗit ippunadttem. Laa amu bau dayaknu ippu. Laa amu mauhak ippu.

Jeremaia 21:8 ပူးပေါင်းရင်းမြစ်များ

Prowerb 12:28

Genab tutukku ha oiyak am bau dayaknu ib aakku. Ge, ib amuam mauhakppa ii notte.

Jeremaia 38:17

Sedekaia nug anam a, Jeremaia nug eɗua, amegppa aum. Yawe, Kayak Nukka Ɠagattag Oh Ele, Israel dilag Kayak, Nug inam atte. “Na gona, na nakka beɗun Babilon dilag kingnu daup ikki eppelagppa mekkut amu, ag nidappeg ii mauhmana. Ag aab okkai imu ele manappeg ii eoma. Na, amu na baenadppa ele ag bau daaglag

Duteronomi 11:26

Gemu amu, da ag itittak ena aoglagte, iitta ag itittak nau aoglagte, da amu ag dabmak aoglagnu aakku attem.

Duteronomi 30:15

Antte! Gemu amu, da ib aɗit ippuanatti, ag ib laa tituankkulagnu daatteb. Ag ib laa dim lamidkkulag dayeb amu, ag bau daanna, ag keeke ena aoglag, amge ag ib laa dim lamidkkulag dayeb, ag mauhna, padal mekkulag.

Duteronomi 30:19

Anam amu, gemu da ib aɗit ippuanatti, ag laa tituankkulagnu daatteb. Ag laa tituankkulag dayeb amu, ag bau daanna, Kayaknu itittak ena aoglag. Ag ib laa tituankkulag dayeb amu, ag eheɗ laa awaknu anak waappa daan mauhkkulag. Anam daatte amunu, da geha da hab, wan ele aa da nai amu Israel, ag amelagppa matti dooppig, aa amu dooya malapiɗ, dimppa aa da genab ag Israel danab ah, da ag amelagppa ami akkulahnu babaittak daaglahnu oɗ matattem. Amge ag Israel amu, ag bekkalkad, aɗelkad aɗi ele, ag bau daaglagnu amu, ag bau dayak tituaneg!