Jeremaia 21:11 - Nobonob Baibel

¹¹ Aa Jerusalem danab ah amelagppa anam awoya, aa Juda dilag okkai, amuam king, nug baegppan ele amu, aa ag amelagppa nai imu apeɗ doyeg! ‘Ag Yawenu nai imu doyeg!

Jeremaia 21:11 ပူးပေါင်းရင်းမြစ်များ

Jeremaia 13:18

Amu Yawe Nug da, Jeremaia, Nug da Juda dilag king, amu nug anig ele amelahppa inam appi dooglahnu aum. “Aa sia king ahilah uuya, honap neiɗ! Aɗinu? Aa tuɗidya, Juda dilag okkai ii daamya.

Jeremaia 17:20

na Juda aɗi ag amelagppa inam appe doyeg! ‘Ag Juda dilag king, ag Juda danab ah, ag Juda laa Jerusalem daatteb ele, ag aɗnu od imuppa uɗin oitteb ele amu, ag oh Yawenu nai imu doyeg!

Jeremaia 21:12

Ge, ag Dawit buɗub, Yawe Nug ahilagnu inam atte. “Ag buttua haen oh ahan, nai doya mala hettoɗia epeɗia elele mettak kobol dim lamidnana, aun aɗi ag gai-iitta daan, danab ɠagattag eppelagppa daaeg, ag eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag amu ii hekkulag dayeb, ag eheɗ hekkulag, diig amunu dahil oppoɗi bak, aab ewak, danab qauhkkunu elele iitta bia daakku,” ’ awa atte.

Jeremaia 22:1

Amu Yawe Nug da Jeremaia, Nug da amelppa inam aum. “Na ahan, Juda dilag kingnu lag enanagnab, na appa nona, nai imu appe doyeg!

Jeremaia 22:18

Josaia bekka Jehoiakim, Juda dilag king nug anam hette amunu, Yawe Nug nuhignu inam atte. “Danab ah ag nuhignu ii mahimna. Ag akka akka inam ii amana. ‘O da awal, gadonnab gadon. O da appinal, gadonnab gadon.’ Ag nuhignu ii mahimna. Ag akka akka inam ii amana. ‘O dahil okkai, gadonnab gadon. Nug danab ɠagattag okkai naɗi ele daye, dahil okkai daya, mauhom. O gadonnab gadon.’ Ag anam ii amana.

Maika 3:1

Aria dimppa da ⌊Maika,⌋ da ami. “Ag Jakop buɗub dilag danab okkai ag daulag human, nai imu doyeg! Ao, ag amu dilag gumak danab, ag daulag human, nai imu doyeg! Ag nai doya mala hettoɗia epeɗia elele mettak kobol iite dootteb?