Jeremaia 2:9 - Nobonob Baibel

⁹ Ag amu heegeg uɗie, gemu ele hetteb amunu, da, Yawe, da ag naippa yaaladttem. Da amu heinne, da ag bekkalkad, am ag bekkalkad ele naippa yaaladkkul.

Jeremaia 2:9 ပူးပေါင်းရင်းမြစ်များ

Sam 50:4

Kayak Nug nuhikkud danab ah epeɗiadkkunu, Nug hab, wan ele aa uɗiya, aa laa aɗi heehe anttomnu mattiak danab daayya, anidpiɗnu akkulahnu onilahppa ette.

Eksodas 20:5

Na dottog hattak laa, na amu noolagppa aib dup nona binag meme. Aɗinu? Da am Yawe, nahip Kayak; da dahilad dilagnu dahil doya laa aomanu doyak aɗe daattem. Da danab ag dahilnu nau ninig ele doon, hipunin hetteb ele amu, da ag bu aqai ukke, ag buɗulkad menuattak huu laippu bia ewam, o waɗele batak, bu qak amunu uug ag ele aqadtte,

Aisaia 3:13

Yawe, Nug danab ah nuhikkud ohnu nai doya mala, hettoɗia, epeɗiadkkunu hettoɗiak abenppa, nuhig dayak abenppa teum daatte. Nug hettoɗiak abenppa hibaittom daatte.

Aisaia 43:26

⌊Amge ag amu uutteb dayeb, ag, ‘Ig keeke laa, laa nug amu uhuqa megakkunu ii hemut,’ dabmetteb dayeb amu,⌋ ag hettoɗiak abenppa goppeg daat, ag ahilag oiyak digmakppanu gemu batak appeg doyei! Ag anam heppeg, ag da ele ig amunu nai apput ona, apput doaɗ! Ag ahilag dabmakppa ag eheɗ laa ii heppig, ag amunu appeg doyei!

Jeremaia 2:29

Amu Yawe Nug atte. “Aɗinu ag naippa da yaaiɗtteb? Da eheɗ ii hemi. Ag eheɗ hena, ag da dimeɗana, dahil nai tappaeg neum.

Hosea 12:3

Jakop nug ii menuak dayeye, nug awag ele nug mehqepiɗ. Amu nug danab okkai me, nug Kayak ele nug mehqepiɗ.

Hosea 2:2

Amu Yawe Nug ⌊danab ah nuhikkud amelagppa Hosea, Gomer ele dilah oiyakppanu Nug, Israel ele dilagnu nai dottog laa⌋ mattia, inam aum. “Ag dahilad, ag anilag nug da waal dayom, amge gemu nug da waal ii daatte. Ao, da nug gamu daami, amge gemu da nug gamu ii daattem. Anam amunu, ag anilag ag daug bateg! Ge, ag daug bateg! Ag anilag nug am ah ewau pakkua gappai hette. Nug baubau amu hekkunu nug danab laa nug antteb, ameg qeeb, nug ele niiglahnu bala mette. Anam amge, ag anilag nug amubia hak uuaɗ! Ge, nug gamu uuitte, danab laa ele oittepnu hak am uuaɗ!

Hosea 4:1

O Israel danab ah, ag ahilag wanppa daatteb amu, Yawe Nug ag aakku diia, hettoɗiakppa waum amunu, ag Yawenu nai doyeg! Nug ahilagnu atte. “Ahilag wanppa amu, oo metta ii uuak kobol, oo mauhaknab kobol ele ii daaeheh, ag ele Kayak nakok laa ii dootteb.

Lewitikas 20:5

da geha danab amu baekkudppa ele eheɗ hadakkulnu doyeye dayen, da heppi, geha nug, amu laa oh ag Molek dim lamidna binag metteb ele, ag Israel oolagppanu geɗittak daaglag.

Maika 6:2

Qauko, ag Yawenu nai, Israel dilagnu doyeg! Ao, wan ukku, ag daulag human, ag Yawenu nai, Israel dilagnu ele doyeg! Aɗinu ag nai amu dooglag? Yawe Nug nuhikkud danab ah dilagnu nai ele. Ao, Nug nuhikkud danab ah dilagnu nai ele amu, Nug nai amu hettoɗiakppa mette.” Yawe Nug da Israel amelagppa anam akkulnu aum.