Jeremaia 2:6 - Nobonob Baibel

⁶ Ag inam bia dabmelob. ‘Yawe omaikke, ig Isip wan uut, Nug atu taɗakppa omaikke uɗimut. Atu taɗak amuam atu taɗaknab, am nau. Ee keeke appa ii daatte. Ao, atu amu, appa keeke laa ii daatte, ihiib ameg qagma, gokkaɗa nan daatte. Atu amuam qaɗaiettak, gu ii nette. Ao, danab appa mauhkkunu am miagnab daatte. Atu taɗak amuppa am, danab laa ii daatte. Ge, appa ele danab ah ag ii oitteb.’ Ag dahilnu anam dabmelob, amge iitta. Ag amuam ii dabmeppig.

Jeremaia 2:6 ပူးပေါင်းရင်းမြစ်များ

2 King 2:14

Elisa nug Elaianu lamen amuppa Elaiya heum bia le makkuɗom. Haen nug le makkuɗaɗa, nug inam aum. “Yawe, Elaianu Kayak, Nug adeppa daatte?” awa aum. Awa a, le oppata, laih laih nanehppa, naɗiap-ppa ele ukka, ɠagattag dayeye, Elisa nug noa ukka, le daug laih teum.

Job 3:5

Menuaknu deɗ dahilnu amu, gatatunab deɗ amuppa daakkunu, lombig deɗ amu tonakkunu, gatatu hinqaknab deɗ amunu amahlak heeb, iitta meeb, amahlak nakok laa deɗ amuppa ii daamanu ool daatte.

Job 35:10

Anam, amge laa ag oolagppanu nug onig qe ne, ‘Kayak, Nugib ig tuqan gamag ahaknu ahi megatte,’ ii maditte.

Sam 23:4

Amu, O Yawe, da aben laa, appa gatatu nau ele daatte amu, da appa oikkul dayeb, na appa ele da ele daagnih amunu, da ii baɗapa. Nahip sipsip gumattaknu dudqak hokkat, nahip doɗ nau lamittaknu bu ele da oo maɗoɗ meɗattep.

Sam 77:5

Da anukkan haennu dabmettem. Ao, da anukkan maɗ kuɗum uɗiak da haen amunu dabmettem.

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Aisaia 64:7

O Yawe, ig hipunin heut, na ig ii ehanigttem. Ig hipunin heut, na he, ig ihinig hipunin waappa daat nauhttem. Ig anam aakku daattem amunu, auntai laa na ii unuqidtte. Yo, ig am anam aakku daattem amunu, auntai laa na tutukku dim lamidkkunu ii hette.

Jeremaia 13:16

Ag Yawe, ahilag Kayak, danab ah oh ag Nug binag amahlak oppiaawak ele mekkulagnu daatteb amu, ag Nug binag amu meig! Nug heeb, uug naunab bekkun daatte, amu haen imuppa, haen gamag imu, uug amu ii beum, haen imuppa ag anam heig! Ao, ag danab qaukoppa oiyaya, aam aam eeɗe, gatatu neene, na qette, ag amubia nena qemananu, ag uug amu ii beum haen gamag imuppa ag Kayak binag anam meig! Ag haen ena, amahlak bia, ag amu anidkkulagnu dabmetteb, amge Yawe Nug heeb, haen amu eɗua, haen nau, gatatu bia daamanu, ag uug amu ii beum haen gamag imuppa ag Nug binag meig!

Jeremaia 2:2

“Na ahan, Juda danab ah oh ag nai dahil imu dooglagnu appe doyeg! ‘Ag Israel, ag dahil ah bia daatteb. Amu da Yawe, da anukka ag dahilnu oo mauhaknab dooppig daulppa dotte. Ag ah bau nug gamunu oo mauhtte, amubia ag dahilnu oo mauhak dooppig. Ag anam doon, ag atu taɗak, appa ag dim lamiɗna uɗippig. Ao, wan danab ah keeke ii ebattebppa, appa ag da dim lamiɗppig.

Jeremaia 2:8

Mana mettak danab ag da Yawe, ag dahilnu ii dabmeppig. Ao, danab ag danab ah laa dahil ɗo ippunadtteb ele, ag da ii dooiɗppig. Ikki danab ag da dimeɗan, dahil nai tappaeg neum. Propet danab ag Bal dabmenan, nug onigppa ahilag nai mehuqppig. Ag Bal, kayak hambuppuak laa ele, amu dottolkad dabmenana, dim lamadppig.

Jeremaia 5:12

Juda danab ah ag Yawe, nuhignu hambuppun atteb. “Ig eheɗ hettemnu amu, Nug keeke aɗitai laa ii hema. Uug laa ihinigppa ii bema. Kekeɗ ag uɗin, ii iqamna. Enug haen ihinigppa ele ii bema. Iitta.

Jeremaia 5:2

Aab okkai amuppan danab ah ag ahilag nai ɠagattag qettaglagnu ag, ‘Yawe Nug genab bau daatte, genab amubia,’ atteb, amge ag nai amu hamu atteb. Ag ahilag nai amuppa ag aɗi keeke hekkulagnu maditteb, amge ag ii dim lamidtteb,” awa aum.

Jeremaia 51:43

Babilonnu aab ag hele-ettak daaglag. Babilon am atu taɗak, qaɗaiettak daakku. Babilon wan nauheb, appa danab ah laa ii daama. Laa laih gokkunu ele appa ii oima.

Hosea 12:13

Dimppa amu, Yawe Nug he, propet laa nug Jakop buɗub, am Israel danab ah, nug ag Isipnu omalatta uɗiom. Ao, Yawe nug propet amu eppegppa Israel danab ah dabmadatta, atognoattette uɗippig.

Hosea 13:4

Amu Yawe Nug atte. “Da Yawe, ahilag Kayak, da ag Isipnu diien, omalatti uɗippig. Ag laanu, ‘Nug Kayak,’ aib appig. Ao, ag laanu, ‘Nug danab ah ehanatte, padal ii metteb,’ aib appig. Iitta! Daib.

Amos 2:10

O Israel danab, da Yawe, da Amo dilag wan ag madakkulnu, da ag Isipnu diie bein, da atu taɗakppa maɗ 40 ag omalatte oimi.

Matyu 4:16

Danab ah ag gatatu naɗi ooppa daan oippig amu ag amahlak okkai anidppig! Ao, danab ah ag gatatu abenppa daan oippig amu, amahlak ahilagppa amahalom!”

Duteronomi 1:19

Yawe, ihinig Kayak, Nug ig anam hekkunignunab amenigppa a, ig Horep qauko uut, ahat yawaita, atu ag aakku anidppig ele amu, atu taɗak okkainab amuppa oit oit gomut. Danab nug atu taɗak amunu baɗak dookkunu elele. Ig atu taɗak amu oppat-ta gota, Amo dilag wanppa, laih qauko qauko eleppa tekkunignu teta, ig Kades Barnea temut.

Duteronomi 32:10

Nug ag atu taɗakppa mattialatta anattom. Yo, wan haɗaettak, amuppa ulah ɠagattag iwaltte amu, Nug appa mattialatta, anattom. Nug ag diia, ahilag guppiɗ dayaya atognoattom. Yo, Nug ag am nuhikkudnab amunu, Nug ha, ag dabmattom.

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

Ikki Danab 6:13

Yawenu engel nug anam aum, amge Gideon nug oɗeppa awa aum. “O Naɗi, gadon, amge Yawe Nug ig ele daattem dayeb amu, aɗinu keeke imu oh ihinigppa inam beum? Amu aɗinu Yawe Nug uɗat okkai, danab haknu elele iitta, ig mamenkad aɗi dilagnu he, ig mamenkad ag ig amenigppa amunu appig amu, aɗinu Nug anam ii hette? Yawe Nug ig Isipnu aikka iite uɗiom? Amge gemu amu, Yawe Nug ig uuikka, Midian eppelagppa meikkom,” awa aum.