Jeremaia 2:33 - Nobonob Baibel

³³ Ah laa ag danab ah noolagppa ah ena daatteb, amge lokkumakppa ag danab kuɗum ele niiglagnu kobol kobol henana, danab kuɗum, ib baag ah eɗittak eeɗadtteb, ib baag ah ahilagppa ippunittak aoglagnu elele, ag Israel ag kayak laa dilagnu amubia hetteb.

Jeremaia 2:33 ပူးပေါင်းရင်းမြစ်များ

2 Stori 33:9

Kayak Nug anam aum, amge Manase nug eeɗatte, Juda danab ah, laa Jerusalemnu, laa Juda wanppa laih laihnu amu, ag ib ena apiɗidppig. Ag ib ena apiɗidna, ag kobol eheɗnab heppig. Anukka Yawe ehanatte, Israel ag danab Kanan wanppa daappig ele aqaeg iitta meppig, amge Manase he, Juda danab ah ag Kanan danab ah amu, ag ahilag eheɗ hak eɗidna, eheɗ nau heppig.

Jeremaia 2:23

Ag, “Kayaknu neekkakppa ig oonigppa dubuttid ii teum daatte,” atteb, amge attem hena, ag anam atteb? Ag, “Ig kayak hambuppuak Bal iɗu iɗu dim dim ii lamidmut,” atteb, amge attem hena anam maditteb? Amu oh am nai genab iitta. Ag oolnu noak onig Hinom, ag appa kayak hambuppuak noolagppa dup nona binalag iite metteb? Ag hetteb. Ag aɗi aɗi heppig dabmena autna aweg! Ag kamel balat, dawai antteb papalkkunu qaiqaɗ laih gotte laih uɗitte, ag amubia kayak hambuppuak dilag dup nona binalag mekkulagnu hetteb.

Jeremaia 2:32

Ah laa nug nuhig ewau matulak awaknu bala daug ii atitte. Ao, ah nug ewau matulak awak haenppa aɗi bala meum am dabmette, daug ii atitte. Nug anam hette, amge ag Israel ag dahilnu haen elabnab daulag atie, dahilnu nakok laa ii dabmeppig.

Jeremaia 2:34

Laa amu, ag Israel ag danab ahilag keeke ii aoppig, ag eheɗ laa ii heppig ele, ag amu aqaeg mauhppig. Ag amu heppig, amge ag, ‘Ig hipunin hemut,’ ii appig. Iitta. Ag, ‘Ig beɗunigppa aab iitta. Yawe Nug ihinignu oo nauhak laa ii dootte,’ atteb. Ag anam atteb, amge iitta! Ag hipunin henana daanna, ‘Ig hipunin ii hemut,’ atteb amunu, da naippa yaalatten, bu madakkul.

Jeremaia 2:36

Ag dabmak digdig dim lamidnana, kobol kaboliak kuɗum hetteb. Tatam ag Asiria ehanadkkulagnu dabmeppig; iitta anidna, ag ahan, Isip ehanadkkulagnu goppig. Amge ag ele ii ehanadmana.

Esekiel 16:27

Na nau anam heme amunu, da bu mettai, laa ag uɗin, wan nahip laa aoppig. Da hei, Pilistia danab ag baubau awaknu hik qak danab daan oitteb amu, ag uɗieg, na ag waalagppa daame. Amu Pilistia danab ah ag gappai heeb baknu kobol nahipnu uɗa nak dooppig.

Esekiel 16:47

Amu na aa dim lamatna, kobol digdig, da kobol amunu oolppa uuaknab doottem amu, na oiyak, kobol ele amu aa hepiɗ bia aakkuib ii heme. Iitta. Na eheɗ hak nahip tuɗidna, kobol dubuttid naunab ele heme.

Hosea 2:13

Geha da nug bu medakkul. Nug kalu danab ile muttuɗig enanag bette ele, nug kayak hambuppuak Bal iɗu iɗu dilagnu ile muttuɗig oum. Nug eppeg doɗoppan ring maatta, beɗunu bala laala ele maatta he, nug danab ele niippig, nug ag ele baula niiglagnu mattialatta heum, amge nug dahilnu daug atiom amunu, da nug bu medakkul.” Yawe anam mattia aum.