Jeremaia 2:21 - Nobonob Baibel

²¹ Israel danab ah, ag am muɗi grep danab eppom, amubia. Muɗi grep amuam enanag, meu okkunu elelenab, oɗe keeke iitta. Nug muɗi grep elele anam eppom, meu enanag aokkun dabmeum, amge muɗi grep ba, okkai ma, meu oum, me meu amuam ena iitta; am meu nau. Muɗi grep amuam eɗua, muɗi grep dakkuɗ, meu ena iitta ele beum. Amu ag Israel danab ah, ag dahilppanu anam bia aakku.

Jeremaia 2:21 ပူးပေါင်းရင်းမြစ်များ

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Genesis 32:28

A amu, danab amu nug aum. “Na onin baula Jakop iitta; na onin Israel daakku. Aɗinu? Na Kayak, danab ele nug wagai mak hena, wagai maknu ii uume.”

Sam 44:2

Ig mamenkad aɗi ii uɗippig dayeye, danab ah Kanan daappig ele ag na ii dim lamitteg ukke, haen na ig mamenkad omaladna uɗin, haen amuppa na laa ag wan anen anenppa wan imuppa daappig, na he, Israel ag danab amu lamatteg, na wan imu ig mamenkad aɗi mattame. Yo, na danab ah, ig mamenkad aɗi dilag kekeɗ, ag Kanan daappig ele amu, na hee nauheg, na hee ig mamenkad aɗi ag elele daappig.

Sam 80:8

Anukka na grep muɗi laa Isipnu aon uɗin, na danab laa wan imuppanu lamadna, grep amu wan imuppa eppame.

Sam 80:9

Na grep amu ena mekkunu aben qena ooɗitte, grep diɗi wan unuqag ukka, grep muɗi amu nahip wan oh tona malom.

Eksodas 15:17

Aria, geha na ig omaigna gona heppe, ig ɠagattag daagnig. Ao, ig qauko na aut daatteb, ig amuppa ena daagnig. O Yawe, na nahip dayaknu aben aguppa daakkunu tituanme. Ao, Naɗi, na nahip mettid lag aguppa daakkunu tituanme.

Aisaia 1:21

O gadon! Aab okkai Jerusalem am ah laa bia daatte. Ah amu nug gamu ele pehettak, elele oipiɗ, amge dimppa ah amu nug gamunu oo metta ii uuak kobol ii dim lamitta, gamu uuitta, ib baag ah ba oiyom. Amu Jerusalem amubia daatte. Nug anukka Kayak pehettak, elele dim lamittom, amge gemu nug amu ii hette. Anukka nai doya mala hettoɗia epeɗia elele mettak kobol nuhigppa ambak dayom; genab tutukku hak kobol nuhigppa ele ambak dayom, amge gemu qe mauhak danab, ag nuhigppa ambeppig daatteb.

Aisaia 27:2

Haen amuppa ⌊Yawe anam hewowa, Nug inam akku.⌋ “Ag grep dad enanagnu ahi etteg!

Aisaia 41:8

Wan laappan danab ah ag anam baɗan hetteb, amge Yawe Nug atte. “Ag Israel, ag am dahilad maɗi nid maɗi ah ele daatteb. Ao, ag Jakop buɗub, da ag tituanadmi. Ag am da layal Abraham buɗub.

Aisaia 5:4

Amu muɗi grep nug geha ba, meu ena okkunu da uɗat ena hemi, amge aɗinu muɗi grep ag meulag, meu doɗo naunau ona, lanaknu ena iitta, mua ele oppig? Am keeke laa haknu dayomtai, da keeke amu iite hemi?

Aisaia 60:21

Ag Juda danab ah oh ag genab tutukku hak kobolib dim lamidnana, ag ahilag wan aon, amuppa hanhan daaglag. Laa ag ahilag wan baula ii gumamna. Danab nug ee eppe, qaɗu ba okkai me, nuhig daatte, amubia ag Juda ag dahil daaglag. Danab keeke eppegppa he, nuhig daatte, amubia ag dahil daaglag. Da danab ah laa oh ag dahil binag amahlak oppiaawak ele anidkkulagnu da hak anam hekkul.

Jeremaia 11:16

Yawe Nug anukka ag Juda, Nug ahilagnu, “Ag am olip ad enanag, meu ele enanag,” aum, amge Nug heeb, ag bu eheɗ aoglag; bu amuam ulah huana uɗie, gu ele huana ne, amemɗi awa ye, ad amu ewewe, ebekkud ele qiialadtte, amubia.

Jeremaia 11:17

Yawe Nukka Ɠagattag Oh Ele, Nug danab ad eppe ba daatte, amubia Nug ag ehanatte, ag gemu daatteb, amge Nug uug naunab ahilagppa beeb, padal mekkulagnu ɗo ma malom. Aɗinu? Nug amunu atte. “Ag Israel danab ah, Juda danab ah ele ag eheɗ henana, ag kalu danab ile muttuɗig enanag bette ele aon main, kayak hambuppuak Bal mettaegeg, diig amunu da oppoɗil beum, gemu ele daatte,” awa atte.

Jeremaia 5:10

Da bu madakkul. Da ahilag kekeɗ amelagppa ahilagnu inam akkul. ‘Juda danab ah imu ag da, Yawe, ag dahiladnab ii daatteb. Ag am dahil grep dad bia, amu danab ag grep dad heeg nauhtte bia, ag Juda danab ah dilag kekeɗ, ag Juda aqeg! Ao, danab ag muɗi grep ebekkud elabnab meppig qiin diitteb, amubia ag kekeɗ ag Juda danab ah aqeg! Amge ag heppeg, aib iitta meum,’ awe akkul.

Gayak Nai 4:1

O gadonnab gadon, kekeɗ ag heeg, keeke golppa hak, amemɗi aotte ele, am gemu amemɗi ii aotte. Ge, gemu gol enanag am amemɗi ii aotte. Kekeɗ ag heeg, men daden nob okkainab ele Yawenu tituanak daatteb amu, men amuam ib oɗatle ohppa, appa mauhnoak daatteb.

Esekiel 15:2

“Danab bekka, muɗi laa eppegnu ad am atuppan ad ebekkud laa eɗidttete? Iitta.

Matyu 21:33

Jesus baula ele amelagppa aum. “Ag keeke danab ag dootteb ii dootteb ele ouaqata ippuanittak nai imu baula doyeg! Danab laa nug wan ele amu, nug grep dad eppowa, aɗ ita, dad ooppa amu nug grep meu tappa leppu awaknu aben laa ha, nug neekkeb ukkeb aɗi uɗitteb anttaknu lag attan ta ukkak laa ele heum. Aria, nug uɗat amu oh ha mala, nug dad uɗat danab, dimppa ag dad amunu meu laih mettaglagnu ag eppelagppa mewowa, nug aha, atu laih umanab ukkom.

Mak 12:1

Jesus Nug anam awowa amu Nug digma, keeke danab ag dootteb ii dootteb ele ouaqata ippuanittak nai laala inam aum. “Danab laa nug grep dad eppowa, aɗ ita, dad ooppa grep meu tappa leppu awaknu aben laa ha, nug neekkeb ukkeb, aɗi uɗitteb anttaknu lag attan ta ukkak laa ele heum. Aria, nug uɗat amu oh ha mala, nug dad uɗat danab eppelagppa mewowa, nug aha, atu laih umanab ukkom.

Luk 20:9

Jesus Nug anam awowa, Nug digma keeke danab ag dootteb, ii dootteb ele ouaqata ippuanatta, danab ah amelagppa mattia inam aum. “Danab laa nug grep dad eppom. Nug grep dad eppowa amu awa, nug dad uɗat danab eppelagppa mewowa, nug aha laih umanab ukka haen elab dayom.

Jon 15:1

Da am muɗi grep ebekkud diig genab. Da anam daaiyi amu, da Mamel Nug am dad gumak danab.

Duteronomi 32:32

Israel dilag kekeɗ ag diɗilkad am Sodom appa daatte. Ao, ag diɗilkad amu Gomora dadppa daatte. Muɗi grep laala ag meu ninig nau ele otteb, amubia Israel dilag kekeɗ ag Israel dilagppa eheɗ hetteb. Ao, ag grep meu mua ele, nau daatte, ag amubia daan hetteb.

Duteronomi 4:37

Nug ag mamelkad aɗi dilagnu oo mauhom amunu, Nug ag buɗulkad tituanatta, Nug nukka nuhig ɠagattag okkai eleppa Nug ag Isipnu diia, omalatte uɗippig.

Josua 24:31

Josua nug bau dayeye, Israel ag Yawe waappa daan, Nug oɗe dim lamidppig. Amu haen nug mauhe, ag anamib hedappig. Heegeg ukke, Yawe Nug ahilagppa aɗi keeke oh heum amu, ikki danab ag aakku anidna malan mauhadppig dimppa, laa ag Kayak uuidppig.