Jeremaia 18:8 - Nobonob Baibel

⁸ amu wan amuppan danab ah, da ag amelagppa ag nau aomnanu dabmettak nai mattimi amu, danab ah amu ag oolag eɗueb, eheɗ tuɗidna hemananu dabmekkulag dayeb amu, da uug naunab madakkulnu dabmemi amu, da uuen, ii hepa.

Jeremaia 18:8 ပူးပေါင်းရင်းမြစ်များ

2 Stori 12:6

Semaia nug Yawe oɗe anam ag amelagppa a, King Rehoboam, Juda dilag ikki danab ele ag akka ag onilag qeeg ne, ag, “Yawe Nug hette imu amu, Nug genab nai doya mala hettoɗia epeɗia elele mettak kobol dim lamitta hette,” aon appig.

Sam 106:45

Nug ahilagnu dabmak anuqak doyaya, Nug he, ag Nug ele nug tituana nai qakkak heppig, Nug amu dabmetta ehanattom. Nug ag dabmadatta, Nug nuhig oo mauhaknab kobol dim lamittatta, ag tuɗid, uugppa daamnanu uua ehanattom.

Sam 135:14

Aɗinu anam daakku? Yawe Nug heeb, laa ag nuhig danab daatteb ele, ag nuhikkud daatteb dooglag. Ao, Nug ahilagnu oo bodoetta le mekku.

Sam 90:13

O Yawe, na ihinignu oot nauhe hee, ig uugppa daattem, amu na heppe, nahip oo nauhak iitta mekkunu unuqidttem. Na oot nauhom daatte; haen gane laa ele ukkeb, oppoɗi bak nahip am bodoedakku? Amu, na ig nahipad maɗi nid, na ihinignu oot gai-iitta doon oot mekkan ehanigkkutnu oɗ medattem.

Eksodas 32:12

Am na ag anam hadappe, geha Isip ag, ‘Yawe Nug danab ah nuhikkud dilag dabmak eheɗ awa, Nug ag Isipnu diia, omalatte uɗieg, atu qauko imuppa eheɗ naunab hadatta, Nug ag oh aqeeb mauhna, padal mena autna aon, wanppa baula ii daamnanu diia uɗiom,’ aon akkulag, amge amuam uug ele! Ena iitta! Amu O Yawe, na amu hemananu oɗ medattem. Na oo nauhak huanaknab nahip amu, na uun aɗappe, nob maknu dabmak nahip eɗueb, na heppe, danab ah nahipad ag padal ii menananu oɗ medattem.

Eksodas 32:14

Moses nug anam unuqitte, Yawe Nug nuhig dabmak eɗue, Nug he, nuhikkud danab ah dilagppa eheɗ nau bekkunu aum amu, am ii beum.

Jeremaia 12:16

Ag anam daana, ag anukka ag kayak hambuppuak Bal dim lamidna, dahilad danab ah ahilag nai Bal onigppa ɠagattag qettaglagnu ippunadppig, ag butti aɗi haen amuppa amubia ag dahilad danab ah dilagppanu ippunittak ena aon autna aonna, ag da dim lamiɗna, ag da onilppa ahilag nai ɠagattag qettaglagnu, ag, ‘Yawe genab bau daatte, genab amu bia,’ akkulag dayeb amu, danab ah amu ag ele dahilad danab ah daaglag.

Jeremaia 15:6

Amu Yawe Nug inam ele atte. “Ag da geɗilna, ag hanhan dimeɗan oitteb amunu, da heppi, ag nauhkkulag. Da baula ool gai-iitta doyen, ool matten, ii ehanadpa.

Jeremaia 26:13

Amunu ag ahilag oiyak, ahilag hak ele bappaidna, elele mettan dayeg! Ag anam henana, ag Yawe, ahilag Kayak, ag Nug oɗe doon dim lamitteg! Ag anam hekkulag amu, Yawe Nug nuhig dabmak baolia, Nug ag bu madakkunu dabma hekkunu aum bia ii hema.

Jeremaia 26:19

Maika nug anam aɗi dimppa bekkunu nai amu mattie, Juda dilag king Hesekaia nug nug qe mauhomte? Juda oolagppa laa nug nug qe mauhomte? Iitta! Hesekaia nug baɗe, Yawe oo gai-iitta doya oo metta ehanadkkunu unuqittom. Nug anam he, Yawe Nug uug naunab madakkunu uuom amunu, uug naunab ahilagppa bekkunu aum amu, ahilagppa ii beum. ⌊Dabmeig!⌋ Ig hepput, uug naunab ihinigppa bekkunu hetata oittemde!” aon appig.

Jeremaia 26:3

Na da attem bia hekkut dayeb amu, danab ah anen anen ag oolag eɗueb, eheɗ hak kobol ag hetteb tuɗidna iitai hekkulag. Ag eɗun ii tuɗidkkulag dayeb, da ag hipunin kuɗum henan daaegeg uɗie, gemu ele hetteb, da amunu uug naunab madakkulnu dabmak aomi daatte amu, da dabmak amu uuen ii hepa.

Jeremaia 36:3

Na anam buk amuppa yaappe, Juda danab ah ag uug naunab digdig da heppi, ahilagppa bekkunu da maittak aomi doon, ag anen anen ag nau hak ahilag uuglagtai. Ag anam nau hak ahilag uuglag dayeb amu, da ahilag nau hak, ahilag hipunin ele uhuqen madakkul.” Yawe Nug Jeremaia amegppa anam aum.

Jeremaia 42:10

‘Ag Juda, ag hipunin heegeg, da bu madakkulnunab dayom, amge da gemu ag daattebnu oolppa guittak doottem amunu, gemu amu, ag wan imuppa daappeg, da danab lag he, ena daatte, amubia da ehanadppi, ag ena bena daan oiglag. Da danab lag loppaɗe nauhtte, da ahilagppa amubia ii hepa. Ge, ag wan imuppa daan oiglag amu, da danab nug ee eppe, ena ba, meu otte, amubia da ehanadppi, ag ena daan oiglag. Da danab ee hiɗe bunaɗtte, da amubia ahilagppa ii hepa. Iitta.

Esekiel 18:21

Amge nau hak danab nug oo eɗueb, hipunin digdig heumnu baula hekkunu uua, nug dahil ɗo oh dim lamittatta, nai doya mala hettoɗia epeɗia elele mettak kobol dim lamitta, nug kobol genab tutukku hekku dayeb amu, nug genab bau daakku. Nug ii mauhma.

Esekiel 33:11

Ag anam atteb amunu, na ag amelagppa inam appe doyeg! Naɗi Yawe Nug inam atte. ‘Da genab bau daattem, genab amubia da nau hak danab laa mauhkkunu ool iinab daatte. Iitta. Da nau hak danab ag oolag eɗueb, ag hak nau hetteb amu dimattan, da dim lamiɗnana, bau daaglagnu ool daatte. O Israel danab ah, ag oolag eɗueb, ahilag hak nau uueg! Ag Israel buɗub, ag aɗinu mauhkkulag?’ ” Yawe Nug anam aum.

Esekiel 33:12

Yawe Nug anam ana, Nug tuɗitta aum. “Anam amunu, danab bekka, nahipad huu laippu, Israel danab ah amu, na ag amelagppa inam appe doyeg! ‘Genab tutukku hak danab nug digma, hipunin hekku dayeb amu, genab tutukku hak nug tatam heum am ii ehanidma. Ele amu, nau hak danab nug nau hak nuhignu oo eɗueb, tutukku hekku dayeb amu, nug nuhig eheɗ hak tatam heumnu bu ii aoma. Genab tutukku hak danab nug digma hipunin hekku dayeb amu, nug mauhkku; nuhig genab tutukku hak tatamnu am heeb, nug bau ii daama.

Esekiel 33:13

Da genab tutukku hak danab laa amegppa, “Na genab bau daakkut,” appi, nug amu doya, nug, “Da genab tutukku hak kobol iikku heine daaiyi uɗiom amunu, da elelenab daattem, da padal ii mepa,” anana, nug digma eheɗ hekku dayeb amu, da nug aɗi kobol ena digdig tatam heum amu, da amu dab-ii-mepa. Iitta. Nug eheɗ hette amunu, nug mauhkku.

Esekiel 33:14

Am laa amu, da nau hak danab laa nug nau aomanu dabmettak nai amegppa, “Na genab mauhkkut,” appi, nug amu doya, nug oo eɗueb, hipunin digdig heumnu baula hekkunu uua, nug nai doya mala hettoɗia epeɗia elele mettak kobol, genab tutukku hak kobol ele digma hekku dayeb amu,

Hosea 11:8

O gadon, ag Israel ag am dahilad; da attem hein uuadppi, ag laa eppegppa daaglag? Ao, ag Israel, ag dahilad; da attem hein uuadppi, laa nug ahilagnu, ‘Dahilad,’ dookku? Da attem hein uuadppi, ag Atma danab iitta meppig bia iitta mekkulag? Ao, da attem hein uuadppi, ag Seboim danab ah padal meppig bia padal mekkulag? Da oolppa kobol laa hekkulnu doottem. Ao, ahilagnu amu, da ool bodoetta le mette.

Amos 5:15

Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.

Duteronomi 32:36

Aɗinu ⌊Israel dilag kekeɗ ag anam aoglag⌋? Yawe Nug nuhikkud danab ah gumadkku. Ao, Nug ahilagnu oo gai-iitta doya oo matta ehanadkku. Nug amu hekkunu diig am, Nug ɠagattag ahilag iitta meeb, anidkku. Ao, Nug laippu laa, nug begbeg maɗi nidte, o begbeg maɗi nid iittatai, nug ena iinab dayebeb anidkku.

Ikki Danab 2:18

Am haen Yawe Nug epeɗiak danab laa Israel dilag qappom amu, nug epeɗiak danab amu ele daayya, epeɗiak danab amu nug bau dayaya oiyom, haen amu ohppa Yawe Nug danab ah ehanatte, ag kekeɗ eppelagppa ii daappig. Aɗinu Yawe Nug epeɗiak danab anam he beppig? Haen nuhikkud danab ah ag kekeɗ eppelagppa daaeg, kekeɗ ag eheɗ hattana, guittak mattegeg, ag gaaegeg, Yawe Nug nuhikkud danab ah dilagnu oo bodoetta le meum.