Jeremaia 18:20 - Nobonob Baibel

²⁰ Danab nug layag ehanitteb, layag nug eɗua, nuhigppa eheɗ hekku dayeb, amuam kobol ena iitta, amge danab kekeɗ meɗappig ag anam hetteb. ⌊Da ehanadkkulnu hemi,⌋ amge ag eɗun, danab doɗ aokkunu pelem bappaidtte, ag amubia dahilnu hetteb. Na imu eɗua dautppa dokkunu oɗ medattem. Da ehanadkkulnu heinne, da na noomppa dayeye, naippa ehanatten, na oppoɗin beeb, na ag bu ii madakkutnu oɗ mettami. Da amu hei, gemu ag nau imu hetteb

Jeremaia 18:20 ပူးပေါင်းရင်းမြစ်များ

Job 6:27

⌊Ag am danab oo doyak nakok laa iitta!⌋ Ib laa bekku dayeb amu, ag nid laa, mameg mauhom ele, ag nug laa dilag maɗi nid daakkunu om yaakppa ag eppelagppa mekkulag. Ge, ib laa bekku dayeb amu, ag, ag lailag aon meppeg, laa uɗia, nuhig maɗi nid daakkunu daden ma, awa gokku.

Sam 106:23

Ag Kayak, nuhig hak amu ele daulag atiom amunu, Nug ag hatteb nauhkkulagnu aum. Nug anam aum, amge Yawenu oppoɗi bak aha heeb, danab ag nauhmananu, Moses, Yawe tituanom amu, nug Yawe, danab ah ele gamalagppa hibaitta dayom. Nug anam dayeye, Yawe Nug ag ii hatte nauhppig.

Sam 119:95

Nau hak danab ag da iuglagnu meiɗna daatteb, amge da nahip ɗonu atognoin dabmekkul.

Sam 35:12

Da keeke ena ena ahilagnu hemi, amge ag dahilppa kobol nau hetteb. Anam amu, da uug doottem.

Sam 35:7

Da ahilagppa eheɗ laa ii hemi, amge ag pelem laa dahil meppig. Yo, da ahilagppa eheɗ laa ii hemi, amge ag moɗ laa, da amuppa nokkulnu buuppig amunu,

Sam 38:20

Da genab, tutukku hekkulnu heinne oittem amunu, diig amunu danab ah laala ag kekeɗ meɗatteb. Da ahilagnu ena hettem, amge ag dahilnu nau hetteb.

Sam 57:6

Dahil kekeɗ ag da awiɗkkulagnu pelem meppig daatte. Da uug nauppa daattem. Ag da ippulppa moɗ umanab aoeg noum, amge ag akka amuppa nokkulag. Sila.

Sam 7:15

Laa ag laa moɗppa nena qena nokkulagnu moɗ aotteb amu, ag akka amuppa nena qena notteb.

Prowerb 17:13

Danab laa nug layagnu ena hekku, layag nug eɗua, ena hak amunu kobol eheɗ laa hekku dayeb; laa eheɗ heum amu, nug, nug baekkudppa ele, ag hanhan eheɗ aqadkku.

Prowerb 26:27

Danab nug laa guittak medakkunu moɗ pelem buutte amu, nug nukka moɗ amuppa noa qekku; danab nug laa guittak medakkunu men naɗi kudkud metteb, laa toppa nokku dayeb amu, men amu kudkud metta, eɗua nuhigppa nokku.

Eklisiastis 10:8

Danab laa nug moɗ buutte amu, nug amuppa na qekkutai; laa nug men aɗ loppaɗtte amu, mat nug emalkkutai.

Jeremaia 11:14

Yawe Nug anam awowa, Nug da amelppa aum. “Jeremaia, na danab ah imu dilagnu aib unuqiɗme. Na da ehanadkkulnu aib oɗ meɗame. Aɗinu? Da nahip nai ii doopa. Ag uug nau anidnana, da unuqiɗppeppeg, da amu ele ii doopa,” awa aum.

Jeremaia 14:20

O Yawe, ig nau hemut, mamenkad aɗi ele heppig amu, ig ii lokkumttem. Iitta. Ig miag mehuqttem. Ig na, Yawe, ig nahip-ppa hipunin hemut.

Jeremaia 15:1

Amu dimppa amu Yawe Nug da, Jeremaia, Nug da amelppa aum. “Moses, Samuel ele aa am dahilaɗ danabnab daapiɗ, amge aanab da noolppa daaya, danab ah imu dilag unuqiɗlop amu, da ag ena daaglagnu ii ehanadlom. Heppe, ag da noolppanu ukkeg! Da noolppa daaglagnu aib heme!

Jeremaia 17:18

Na ehaniɗppe, da uɗa nak ii doopa, amge na heppe, laa ag eheɗ heiɗtteb ele ag uɗa nak aoglagnu oɗ medattem. Ao, na ehaniɗppe, da baɗak eheɗ nau ii doopa, amge na heppe, laa ag eheɗ heiɗtteb ag baɗak eheɗ nau dooglagnu oɗ medattem. Na heppe, laa eheɗ heiɗtteb amu, uug naunab ahilagppa bekkunu oɗ medattem. Ge, na heppe, ag padal mena autna autnanab aoglagnu unuqidttem,” awa unuqittom.

Jeremaia 18:19

Ag anam aegeg amu, Jeremaia nug Yawe unuqitta aum. “O Yawe, na dahil unuqittak dookkutnu oɗ medattem. Ao, na laa kekeɗ meɗappig umu, ag aɗi aɗi maditteb amu, na daut human, amu dookkutnu unuqidttem.

Jeremaia 18:22

Danab amu ag da awiɗkkulagnu pelem heppig. Ao, ag da pelem ahilagppa tekkulnu ag uhui aakku meppig. Anam amunu, na heppe, kekeɗ ag eheɗ hattaglagnu laippun uɗippeg, danab da kekeɗ meɗappig ele ag lakka daanna, gaaglagnu oɗ medattem.

Jeremaia 27:18

Propet amu ag genab Yawe oɗeppanu nai aoppig dayeb amu, ag Yawe Nukka Ɠagattag Oh Ele Nug heeb, Yawe laugppan keeke ena laala, daup ag akkan, Babilon wanppa ii goppig, gemu Yawe laugppa ippa ina daatte, daup ag eɗun uɗin, keeke amu, amu Juda dilag kingnu lag enanagnabppan keeke ena ele, amu Jerusalem ippanu keeke ena ele diin, Babilon ii gomananu Nug oo doyakppa unuqitteg!

Jeremaia 5:26

Amu Yawe Nug inam awa atte. “Dahilad danab ah oolagppa nau hak danab daatteb. Ag ib giginppa keeke danab ah maadna daatteb. Danab amu ag danab ah aɗuadkkulagnu ag danab laa nug ai aokkunu uhui mette, ag amubia hetteb. Ao, ag danab ah aɗualadkkulagnu, danab doɗ aoglagnu pelem metteb bia hetteb.

Jeremaia 7:16

Anam amunu, Jeremaia, na danab ah imu dilagnu da ag ehanadkkulnu aib oo doyakppa unuqiɗme. Na da ehanadkkulnu ɠagattag aib unuqiɗme. Aɗinu? Na amu hekkut amu, na hamu hekkut. Da daul humen ii doopa.” Yawe Nug anam awa atte.

Gayak Nai 3:59

O Yawe, na laa ag dahilppa eheɗ heppig anidme amunu, laa layag hettoɗiakppa ehanitte, ena daatte; amubia na ehaniɗppe, da ena daakkul oɗ medattem.

Jon 10:32

Makkuɗkkulagnu heeg amu, Nug ag amelagppa aum. “Da Mamenu ɠagattagppa uɗat ena ena kuɗumnabppa danab ah ehanadmi amu, aɗi uɗat amu ena iitta anidna, da menppa oiɗppeg mauhkkulnu hetteb?” awa aum.

Jon 15:25

Am ahilag ɗoppa yaak niitte amu elele medatte. Nai amu inam. ‘Ag dahilnu diig iittappa nau ninig ele dooppig.’

1 Samuel 19:4

Jonatan nug anam aum amunu, deɗ amu uue, wagɗe, deɗ amuppa nug mameg omala, dad okkai Dawit lokkuma dayomppa ukka, mameg amegppa Dawit nug uɗat ena heum, nug amunu amegppa anana, nug inam aum. “Dawit nug keeke eheɗ laa nahip-ppa ii heum. Iitta! Nug keeke heum amu, na ehanidkkunuib heum amunu, na, king, na nuhignu eheɗ laa hekkutnu amu, da ool ii daatte.