Jeremaia 18:17 - Nobonob Baibel

¹⁷ Kaɗag uɗiaya, gappud keeke ehale gotte, amubia da heppi, kekeɗ ag Juda danab ah lamadppeg, matatun gona daaglag. Uug naunab nekkunu deɗ, deɗ amuppa amu da Juda dimatten, ii ehanadpa.” Yawe Nug anam awa atte.

Jeremaia 18:17 ပူးပေါင်းရင်းမြစ်များ

Job 27:21

Kaɗag ɠagattag uɗia he, nug na qa, baula ii daatte; am he, nug dayomppa baula ii daatte.

Sam 48:7

Amuam genab, ulah kaɗag laa uɗia he, Tarsis uub ag nauhppig, amubia na king, ahilkad daup ele ag uɗin, Jerusalem ele ban hekkulag heeg, na Kayak, na hee, ag nauhppig.

Prowerb 24:16

Aɗinu? Genab tutukku hak danab nug haen eblaih aɗit ele na qekkutai, amge nug eɗua ahakku; genab tutukku hak danab nug anam hette, amge nau hak danab ag uug naunab he, nauhtteb.

Jeremaia 13:24

Yawe Nug atte. “Da heppi, atu taɗakppan ulah ee aeg dappunkkeg iwale gotte, amubia ag, Juda danab ah, ag matatun gona daaglag.

Jeremaia 2:27

Ag ad aon, kayak hambuppuak dottog hoina, ag, “Na am ig mamenig,” aon atteb. Ao, ag men laa aona, ag, “Na ig menuigme,” ele aon atteb. Ag amu hekkulagnu diig am, ag da dimeɗan, ag da dim lamiɗkkulagnu uuppig. Ag anam hetteb, amge uug bette haenppa ag ahan, da amelppa, “Uɗin ehanigppe, ig padal aib memut!” aon atteb

Jeremaia 32:33

Ag da dimeɗan, ag dahilppa doaknu uuppig. Da ippunittak haen kuɗum ag madakkulnu hemi, amge ag dooglagnu daulag ii human dooppig. Da ag toliatte, bu mattami, amge ag oolag ii eɗuom. Iitta.

Jeremaia 46:21

Wan laalappan daup, Isip ag daden mattegeg, ag ahilkad daupnab ele daatteb amu, daup amu ag makau nag aɗ ooppaib dayeye, ittag huanak ele daatte bia daatteb amunu, ag ban hekkulagnu elele iitta. Kekeɗ uɗin, ban hebeppeg, ag Isip dilag daup ele oh eɗun oolna gokkulag. Laihppan daup ag ɠagattag daan, ban ii hemana. Aɗinu? Uug naunab haen aakku ahilagppa uɗitte. Ao, ag ahilag bu awak haen aakku uɗitte.

Esekiel 27:26

Na amubia daattem, amu uub laan elqak danab ag uub elqeegeg, uub aakku yu gamagppanab ukke, amge ulah kaɗag nau uɗia eheɗnab heehe, uub yu gamagppa nauhtte, amubia na nauhkkut.

Esekiel 7:22

Da Israel dimadappi, wan laappan danab amu ag uɗin, ag lag dahil, mana mettak danab aakkuib ag appa wakkulagnu elele amu, ag amu ooppa gona, ag dubuttid mettaglag. Ao, yab danab nau amu ag da laul ooppa nona heppeg, dahil lag am dahil neekkakppa dubuttid tak ele daakku.

Hosea 13:15

Epraim danab ah ag am Israel danab ah laa oh oolagppa enatai daaglag, ⌊amge diig amunu da geha ag bu madakkulnu ii uupa⌋. Amuam geha da heppi, kekeɗ ag kaɗag ulah atu taɗakppan, keeke kuɗum he nauhtte ele uɗitte, ag amubia uɗiglag. Le qeppuɗia bette am iitta mekku. Le moɗ ele qaɗaiedakku. Amu geha kekeɗ ag uɗin, ag ag Israel, ahilkad en aɗadna, akkan gokkulag.

Duteronomi 28:25

Yawe Nug heeb, ahilkad kekeɗ ag eɗadkkulag. Am ag kekeɗ ahilkad, ag ib laippu amuppaib banelag gona, aqaknu ban hekkulag, amge ag ib kuɗumppa ahilag kekeɗ noolagppanu oolna gokkulag! Ahilagnu amu, wan atu ohppan danab ah ag, ag anadna, amelag iɗuak dooglag.

Duteronomi 28:64

Yawe Nug ag wan imuppanu maatteb gona, tamtam wanppan wan ohppa daaglag amunu, ag baula wan imuppa ii daamna. Appa ag danab laihnu dilag kayak menppa, adppa ele hadappig amu; ag amu, ag mamelkad aɗi ele ii dooppig ele amu, ag amu noolagppa dup noa binag mak kobol hekkulag.

Duteronomi 31:17

Ag anam heppeg, da ahilagnu ool nauhkku. Da ag uuatte, dimadappi, ahilkad kekeɗ geha hadappeg nauhkkulag; uug naunab, uug digdig laa ele ahilagppa bekku amunu, ag akkulag, ‘Kayak ihinig, Nug ig ele ii daattem amunu, keeke naunab imu ihinigppa beum,’ akkulag.

Duteronomi 32:35

Eheɗ haknu nob tutukku eɗua mettak uɗat am dahil. Ao, da geha aun aɗi ag eheɗ hetteb amu, da nob nau madakkul. Ag hanebppa nena qekkulag. Ahilag haen nau geha paha uɗikku. Ag geha hetteb amu, hak amunu ag bu paha aoglag,” awa atte.