Jeremaia 18:16 - Nobonob Baibel

¹⁶ Diig amunu amu, kekeɗ ag heppeg, ag Israel, ag ahilag wan am nauhaknab daakku. Danab laa ag nauhak amu anidna, ag ag Juda, ag ahilagnu, ‘Keeke hamunab,’ dooglag. Aun aɗi ag nauhak amu anidna, ag dabmak huanaknab aonna, ag ikkilag matuɗkkulag.

Jeremaia 18:16 ပူးပေါင်းရင်းမြစ်များ

1 King 9:8

Amu lag imuam geha nauhak daakku. Anam dayeb, danab ag geha uɗin, ippa oinna anidna amu, ag geha dabmak huanaknab aona, awa awa qettak hena, ag akkulag. ‘Attem daye, Yawe Nug wan imu he nauhe, mettid lag imu ele he, kinipan ameg okkai hume tak daatte?’ akkulag.

2 Stori 29:8

Ig mamenkad ag amu heppig amunu, Yawe Nug Juda danab ah, laa Jerusalemnu, laa Juda wanppa laih laihnu amu, Nug amu dilagnu oo huanak nauhe, Nug bu okkai ag mattom. Nug he, danab ah laihnu ag kobol Juda, Jerusalem ele dilagppa beum, ag kobol amu ahilagppa bemanu baɗak okkai doon, ag kobol amu anidna, ag amelag iɗuak doon, ag Juda danab ah dilagnu, ‘Keeke hamunab,’ ele doyegeg uɗie, gemu ele anam dootteb. Ag Lewi buɗub ag, ag Yawe aɗi kobol he beum, ag amu amelagppa aakku anidtteb.

Sam 109:25

Danab ah ag dahilnu, ‘Keeke hamunab,’ dootteb. Haen ag da aniɗna amu, ag ikkilag matuɗnana, ⌊‘Nug aakku mauhkku hette,’ atteb⌋.

Sam 22:7

Laa oh ag da aniɗna, ag da aon aon iutteb. Yo, ag da aon aon naunab niɗan, ikkilkad matuɗtteb.

Sam 44:14

Na hee, wanppan wan ohppa danab ah ag ig am nau bekkunu at daattem dabmetteb. Ao, wan laalappan danab ah ag aon aon iqan, ihinignu nai eheɗ maditteb.

Aisaia 37:22

da Yawe, da Senakeripnu nai uug elenu inam mattimi daatte. “Sion danab ah ag nahipnu ena iinab doon, ag aon aon nittaglag. Na oolna gobeppe, Jerusalem danab ah ag imidkkulag.

Aisaia 6:11

Naɗi Nug anam a amu, da Nug inam oɗ mettami. “Naɗi, da anam heppi, haen gane laa ele ukkeb, da batakkul?” ami. Da ai amu, Nug inam da amelppa aum. “Geha aab okkai oh nauhppeg, wan ele nauhppeg, aab, lag ele hamu daappeg, danab ah aab, lag ele amuppa laa ii daappeg, na batakkut.

Jeremaia 19:8

Da heppi, aab okkai imuam nauhakib dayebeb, danab ah laa ag aab imuppan danab ah dilagnu, ‘Keeke hamunab,’ dooglag. Ge, aun aɗi ag aab imu guguittak oinna, ag aab okkai imu eheɗ nau awom anidna, ag dabmak huanak aona, ag aab imunu danab ah aon aon aqaglag.

Jeremaia 25:9

da heppi, Babilon dilag king Nebukatnesar, dahil maɗi nid, nug nuhikkud daup ele, aria, laa oh ag wan imunu laih yawalti uɗitteppanu daatteb ele, ag Nebukatnesar nuhikkud daup ele oh banelag uɗiglag,’ awa atte. Amu Nug atte. ‘Da heppi, ag uɗin, ag wan imu aoglagnu, ag ippan danab ah, wan laala wan imu talilittak daatteb ele amu, ag ele oh ban hekkulag. Da heppi, wan imu, amu wan laala wan imu talilittak daatteb ele, ag dahilnuib, dahil pelemppa daaglag. Ag anam daappeg, wan laappan danab ah ag anidna, ameg iɗuak doon, ahilagnu, “Keeke hamunab,” dooppeg, wan imu, wan amu oh am hanhan padal mak anamib daaglag.

Jeremaia 29:18

Da heppi, kekeɗ ag qep elabppa aqappeg, enug aqeebeb, oɗe nau danab kuɗum aqe mauhtteb ele aqeebeb, wan atu laa ohppan danab ah ag ahilagnu naunab doon, guguattak daaglagnu uun autnanab aoglag. Amu da heppi, gemu Juda daatteb ag wan laalappa diia ukka laih me dayak danab ah daaglag amu, wan amuppan danab ah ag ag eheɗ laa aoglagnu anak waappa daaglagnu anana, ag anadna, amelag iɗuak doon, ag ahilagnu, ‘Keeke hamunab,’ dooglag.

Jeremaia 42:18

Aɗinu anam daakku? Am Yawe Nukka Ɠagattag Oh Ele, Israel dilag Kayak, Nug atte. ‘Da ool nauhe, oppoɗil beebe, Jerusalem danab ah bu eheɗ mattami, amubia ag laa, ag Isip gona daanna oiglag dayeb, da oppoɗil beeb, bu eheɗ ag madakkul. Danab ah laa ag ahilagnu ag eheɗ laa awaknu anak waappa daaglagnu anana, ag anadna, ameg iɗuak doon, ag naippa yaaladnana, ag aon aon aqaglag. Ag Isip gona daan oiglag, ag baula ahilag wan imu iinab anidmana.’ ” Yawe Nug anam awa atte.

Jeremaia 44:12

Uug naunab Juda wanppa beum, dimppa ag kuɗum iitta, ag laib laib uug haen dimppa bau daan, Juda wanppa daappig, amge ag haen amuppa Isip gona daaglagnu dabmak aoeg ɠagattag eppom daye, ag aakku heppig. Ag uɗin, Isip wanppa daatteb; am ag amu heppig amu, da heppi, ag nauhkkulag. Ag oh Isip daanna nauhkkulag. Ag qep elabppa, o enugppa mauhkkulag. Danab okkai ukkeb, danab onig iitta ele, ag oh qep elabppa, o enugppa mauhkkulag. Danab ah laa ag ahilagnu ag eheɗ laa awaknu anak waappa daaglagnu anana, ag anadna, ameg iɗuak doon, ag naippa yaaladnana, ag aon aon aqaglag.

Jeremaia 48:27

Ag Moap ag Israel aon aon iite aqappig? Ag Moap, ag Israel dilagnu, “Yabhok danab lailkad aakku,” dabmena, ag Israel dilagnu aɗi nai maditteb, ag amu mattinna, ag Israel dilagnu, “Keeke hamunab,” doon, ag ikkilag matuɗtteb, amge amuam genabte amunu ag anam hetteb?

Jeremaia 49:13

Amu Yawe atte. “Da dakka, da onil awen, dahil nai ɠagattag qetten, da attem. Kekeɗ ag heppeg, Edomnu aab Bosra nauhakib daakku. Danab ah laa ag amu anidna, ag ameg iɗuak doon, ag Edom danab ah aon aon aqanna, ag Edom danab ah eheɗ laa awaknu anak waappa daaglagnu anana oiglag. Amu Edomnu aab oh amu nauhattak hanhan daaglag.” Yawe Nug anam atte.

Jeremaia 49:17

Yawe atte. “Da heppi, Edom wan nauhkku amunu, danab ah laa ag anidna, ameg iɗuak dooppeg, laala ag wan amu guguittak oinna, ag Edom eheɗ nau awom anidna, ag dabmak huanak aona, Edom danab ah aon aon aqaglag.

Jeremaia 50:13

Da, Yawe, da Babilon dilagnu ool nauheb, bu madakkul. Bu madappi, Babilon wan am hele-ettak daya autanab aokku. Danab laa appa ii daama. Anam dayeb, laa nug Babilon guguittak oiyaya, guittak okkainab awom antta, nug ameg iɗuak doya, Babilon danab ah awa awa aqakku.

Jeremaia 51:37

Da heppi, kekeɗ ag heppeg, Babilon am kinipan ameg okkai hume tak daakku. Doɗ jakal, ag aguppa daaglag. Danab ah ag Babilon anidna, ag ameg iɗuak doon, ag Babilon danab ah dilagnu, ‘Keeke hamunab,’ dooglag. Danab laa Babilon appa ii daama.

Jeremaia 51:43

Babilonnu aab ag hele-ettak daaglag. Babilon am atu taɗak, qaɗaiettak daakku. Babilon wan nauheb, appa danab ah laa ii daama. Laa laih gokkunu ele appa ii oima.

Jeremaia 9:11

Amu Yawe Nug inam awa atte. “Da heppi, Jerusalem am kinipan ameg okkai hume tak daakku. Doɗ jakal ag aguppa daaglag. Ge, da heppi, Judanu aab laala ag nauhakib daaglag. Danab laa appa daakkunu elele iitta daaglag,” awa atte.

Gayak Nai 1:12

Ag danab ah ag oinna, ag neegna, ig Juda anignana, ag guittak nau ig tonikkom daatte am keeke hamu doottebte? Ao, Yawe Nug ig Juda ig hipunin huanak hemut antta, Nug oo nauhak huanaknab doya he, kekeɗ ag heeg, ig guittak okkainab aomut oittem amu, laa guittak ig aomut bia laa awomte?

Esekiel 12:19

Na anam hena, na Israel danab ah Israel wanppa daatteb, na nai imu ag amelagppa inam appe doyeg! Naɗi Yawe, Nug danab ah Jerusalem appa, Israel wanppa ele daatteb amu, Nug ahilagnu inam atte. ‘Kekeɗ ag gona hebeppeg, ag baɗan, ee lakkulag. Ge, ag, “Uug imu iitta meeb, ig eɗut ena daagnig,” ag dabmak am ii aonna, le oug ahilag lakkulag. Aɗinu ag anam hekkulag? Danab amu oh Israel wanppa daatteb amu, ag laa guittak nau mauhnoak mettak kobol dim lamidtteb amunu, da heppi, kekeɗ ag gona, wan amunu keeke oh akkaglag; wan amu aakku nauha auta aokku.

Esekiel 27:36

O Aab Tair, na aakku nauhna autna aome, baula daame bia ii daamna amunu, keeke laihnu awa dadennu mak danab ag na aon aon nidatteb,” aon akkulag.’ ” Yawe anam da amelppa aum.

Esekiel 36:3

Kekeɗ ag anam appig amunu, danab bekka, na dimppa aɗi bekkunu nai imu qauko amelagppa inam appe doyeg! Naɗi Yawe Nug inam atte. “Kekeɗ ag uɗin, ban huan henan, wagai meegeg, qauko ag nauhatteg, danab laala ag, ag ag diiadna heeg, ahilag daappig. Ag anam heegeg, danab ah kuɗum ag ahan, ag ahilagnu ag nai nau anana, baeg qak nai ele appig,” ’ ” awa atte.

Esekiel 6:14

Da heppi, uug naunab ahilagppa beeb, wan ahilagppa tom adeppa adeppa daatte, am nauhakib daakku; amuam yau uɗitteppanu tomppa, appa am atu taɗak nau, tom amuppan ukka, yawalti uɗitteppanu tomppa aab onig Dibla daatteppa, tom amu batak am atu anamib daakku. Da amu heppi, ag dooglag, da am Yawe.” Yawe Nug anam awa atte.

Lewitikas 26:32

Da heppi, ahilag wan am nauhaknab daakku. Amu kekeɗ ahilkad ag appa daaglagnu daanna, ag he nauhak amu anidna, dabmak huanaknab aoglag.

Lewitikas 26:43

Amge amu ii nak haenppa, uug bakppa wan am hele-ettak daakku, dahilad danab ah ag appa ii daamna amu, haen amu oh am, maɗ ebqak eblaih aɗit ele, maɗ amuam wannu sabat maɗ, ag amuppa daanna ii heppig ele amu, wan am maɗ amu elele aokku. Am danab ah ag dahil ɗo iɗu iɗu uun, oolagppa ɗo amunu ena iinab dooppig amunu, da geha ag hipunin heppignu bu elele madakkul.

Maika 6:16

Uug amu bekkunu diig am, ag Juda, ag Israel dilag king nau, Omri, ag nuhig ɗo dim lamidna, hipunin hetteb. Ao, ag Israel dilag king nau, Ahap, nug baekkudppa ele kobol ag aɗi aɗi heppig bia henana, Ahap aɗi ag kobol atten atten heppig amu, ag amu dim lamidna oitteb. Ag ahilag nai dim lamidtteb amunu, da laa ag heppeg nauhkkulagnu ippulag ii oo nepa. Da amu ii hepa amunu, wan laappan danab ah ag eheɗnab imadkkulag. Ao, wanppan wan oh dilag danab ah ag ahilagnu, ‘Keeke hamunab,’ dooglag,” awa atte.

Matyu 27:39

Aria, danab ah ag nug noobppa dona wanana, ag ikkilag matuɗna, aon aon qettanna inam appig.

Mak 15:29

Aria, danab ah ag nug noobppa dona wanana, ag ikkilag matuɗna, aon aon qettanna inam appig. “O na, na am Kayaknu mettid lag loppaɗna, eɗun deɗ ewamppaib hekkutnu ame amu,

Duteronomi 28:59

Yawe Nug ahilagppa, amu ag buɗulkadppa ele, Nug ahilagppa oɗe naunab nau digdig danab ah huanak aqe mauhtteb, uug naunab digdig, haen elab daatteb, amu aria, oɗe laala ele, laa heeb, iitta maknu elele iitta, Nug amu ahilagppa meeb nekku.

Duteronomi 29:23

Wan ittag ele imu, am geha naunab daakku. Danab ah ag aɗitai laa amuppa iinab eppamna; keeke ele appa ii bemana; gikkiɗah ele amuppa ii bemana. Geha Sodom Gomora ele, Atma Seboim ele bia daakku. Yawe Nug danab ah aab okkai amuppan ⌊ag kobol nau heppig amunu,⌋ oo nauhak huanaknab doya, Nug he, ag padal mena, iitta meppig. Am wan imu ele anambia daakku.