Jeremaia 17:5 - Nobonob Baibel

⁵ Yawe inam atte. “Laa nug danab dilag ooppa genab dootte, nug ɠagattag, danab dilagppa aokkunu dabmette, nug da, Yawe, nug da dimeɗa ii dim lamiɗtte amu, nug aakku eheɗ laa awaknu anak waappa daatte.

Jeremaia 17:5 ပူးပေါင်းရင်းမြစ်များ

2 Stori 16:12

Amu Asa nug king dayaya, nuhig king dayaknu maɗ 39ppa oɗe nau laa nug qeum. Oɗe amuam nug baegppa beum. Oɗe amuam oɗe nau, amge nug Yawe antta dim lamidkkunu Nug ii mattiom. Iitta. Dokta aakkuib ehanidkkunu dabmeum.

2 Stori 32:8

Asiria dilag kingnu ɠagattag am danabib, amge Yawe, ihinig Kayak, Nug ig ehanigkkunu, Nug heeb, banppa ig kekeɗ eɗadkkunignu, Nug ig ele daattem,” awa aum. Juda dilag king Hesekaia nug anam a, daup ag oolag ɠagattag qak dooppig.

Sam 18:21

Aɗinu? Da Yawe oɗe dim lamidmi. Ao, da Kayak dahil dimettalom amu, da nau helom, amge da kobol eheɗ ii hemi.

Sam 62:9

Danab onilag iitta, ag am keeke hamu, ulah bia daatteb. Danab ag onilag ele, ag am keeke ii daatte bia daatteb. Laa nug ag oh ag uulag anidkkunu skelppa maatta neekka, nug skelppa aɗitai keeke laa ii daatte anidkku.

Aisaia 2:22

Danab oh ag wanppa haen elab ii daatteb, ag haen tutuib daan mauhtteb, ag danabib daatteb amunu, ag danab laanu, nug ag ehanadkkunu aib oolagppa genab dooppig.

Aisaia 20:5

Anam beeb amu, danab ah laa ag Kus dilagnu oolagppa genab dooppig, ag Isip binalag meppig amu, ag geha keeke uug ele amu beeb anidna, ag geha baɗan, uɗalag nekku.

Aisaia 36:6

Antteg! Isip am dudqak hokkat nau, qao aoɗakppa hak bia daatte. Danab nug dudqak hokkat amu eppegppa aɗa, dud qa oikkunu heebeb, hokkat amuam eppeg yaakku. Isip anam daatte, amge na ag na ehanidkkulagnu dabmettem. Aun aɗi ag Isip ehanadkkunu dabmetteb ele amu, Isip dilag king Paro, nug ahilagppa dudqak hokkat anambia daatte,” ’ ” awa aum.

Aisaia 59:15

Doyak diig genabib anttaknu am, laa anam hekkunu elele iitta. Amu auntai nug nau hekkunu uutte amu, laa ag doɗ qeppeg mauhkkunu hetteb bia danab amu qekkulagnu hetteb. Anam daatte amu, Yawe Nug neekka, danab ah oh ag nai doya mala hettoɗia epeɗia elele mettak kobol iinab dim lamidtteb anttom amunu, Nug ena ii doyom.

Jeremaia 11:3

Na da, Yawe, Israel dilag Kayak, da inam attem appe doyeg! ‘Nug tituana nai qakkak nai daatte. Nai amu daatte, amu aun laa nug nai amuppa nug aɗi aɗi hekkunu daatte, nug nai amu ii dim lamidtte amu, nug eheɗ laa awaknu anak waappa aakku daatte.

Esekiel 6:9

Ag ii mauhppig dilagnu amu, kekeɗ ag aɗualadna diippeg, ag matatun gona, wan laalappa daanna, ag dahilnu dabmekkulag. Ag da ahilag hak nau antten, da ag dimeɗaeg doyen, ag kayak hambuppuak anidna, ag binag mekkulagnu oolag huana heum anttena, da oolppa uug naunab nau doomi dooglag. Ag anam doon, ag eheɗ heppignu, ag kobol laala, da kobol amunu oolppa uuaknab doottem ele, ag amu ele heppignu, ag akka ag ahilagnu eheɗ nau dooglag.

Hosea 1:2

Yawe Nug digma Hosea oɗeppa nai nuhig imu Israel danab ah amelagppa mattieb dooglagnu haaha, Nug nai imu Hosea amegppa aum. “Na gona, ah laa awe! Na aoppe, nug geha nahip ah daakku, amge nug ah nau dayebeb, nuhig nid laala amu ag mamelkad laappan daaglag. Aɗinu? Kobol amuam Israel danab ah ag dahilppa ewau pakkua gappai hak kobol uɗig wak naunab heegeg uɗie, gemu ele hetteb ⌊danab ah ippunadkku⌋. Israel ag kayak hambuppuak laala noolagppa dup nona binalag meegeg uɗie, gemu ele hetteb amu, kobol amuam gappai kobol ah nahip hekku, amubia,” awa aum.