Jeremaia 17:25 - Nobonob Baibel

²⁵ ahilag king ag Dawitnu sia kingppa daatteb, ag am ahilkad anuqak danab ele, ag aab imunu aɗnu odppa gonana, eɗun uɗiglag. King am ahilkad anuqak danab ele ag oiyaknu karisppa, hos attan ele uɗippeppeg, Juda danab laa, danab Jerusalem daatteb ele, ag oh uɗiglag, amu Jerusalem am ii nauhma. Danab ah ippa hanhan daaglag.

Jeremaia 17:25 ပူးပေါင်းရင်းမြစ်များ

2 Samuel 7:16

Na buɗunad ag hanhan da noolppa daaglag. Ag iitta ii memana. Laa nug gumak uɗat nahip na eppenppanu matakka ii aoma; da heppi, hanhan na eppenppa, na buɗunad eppelagppa ele daakku.’ ” Yawe Nug Natan, Dawit amegppa anam akkunu amegppa aum.

2 Samuel 8:4

Nug eɗitta, nug Hadatesernu bannu karis 1,000, daup ag bannu karis attan daan, ban heppig ele 7,000, danab ag baelkadppa oinna, ban heppig ele 20,000 aɗalattom. Dawit nug anam ha, nug hos karis eeɗppig ele ⌊ag baula banppa gomananu⌋, nug hos amu baelag diɗi otaɗattom. Hos 100ib nug baelag diɗi ii otaɗattom.

Eksodas 12:14

Yawe Nug anam anana amu, Nug nai tuɗitta aum. “Gemu kobol ahilagppa bekku ele amu, ag amu dabmekkulagnu ag kalam imunu deɗ imu tituankkulag. Am ag buɗub buɗub doobob, ag buɗulkad, ag ele amu dabmekkulagnu, da gemu ag aɗi hekkulagnu attem amu, ag ele deɗ imuppa anamib hekkulag. Ag oh hanhan maɗ anen anenppa deɗ imuppa da, Yawe, ag kobol da hekkul imu daulagppa dokkunu, ag deɗ imu da dabmeɗanna qagmak gamag ahak ele henan daaglagnu dabmekkulag. Am ɗo laa ag dim lamidkkulagnu laa aakku.

Aisaia 9:7

Nug am King Dawit ou, Nug geha Dawitnu sia kingppa dayaya, danab ah gumadkku. Gumak uɗat pehettak hekkunu ɠagattag, maɗoɗ ele am haen oh okkai meebeb gokku. Nug Dawit ou daya, Dawitnu sia kingppa dayaya, Nug kobol genab tutukku ele, amu nai doya mala hettoɗia epeɗia elele mettak kobol ele dim lamittebeb, gumak nuhig am okkai, ɠagattag ele beebeb ukkeb, anamib hanhan daakku. Yawe Nukka Ɠagattag Oh Ele, Nugib amunu yag-nab-bak doya heeb, anam bekku.

Jeremaia 13:13

Ag anam akkulag dayeb amu, na ag amelagppa appe doyeg! ‘Yawe Nug inam atte. “Da heppi, Juda danab ah oh ag danab nug wain huana la, kaaka qette, ag amubia daaglag. Juda danab ah Jerusalem daatteb, Juda danab ah laa oh Juda wanppa daatteb, ahilag king, Dawitnu sia kingppa daatte, ahilkad mana mettak danab, amu ahilkad propet ele, ag ohnab anamib daaglag.

Jeremaia 22:2

‘O na Juda dilag king, na Dawitnu sia kingppa daattem amu, na, amu nahipad ehanittak anuqak danab, amu nahipad danab ah ele ag oh ag aab imunu aɗnu odppa uɗin, aab ooppa gotteb ele amu, ag Yawenu nai imu doyeg!

Jeremaia 22:30

Yawe Nug inam atte. “Jehoiakin ⌊nug hipunin tuɗitta hette amunu,⌋ nug nid ele, amge nug bekkod oolagppa laa king ii daama. Jehoiakin nug bau dayaya, nug aɗi keeke ena heeb belo am heeb ii bema. Aɗinu? Nug buɗub laa nug Dawitnu sia kingppa ta, king ii daama. Laa amu nug Juda dilag king ii daama,” awa atte.

Jeremaia 22:4

Aɗinu? Ag haknunab nai oh da ag madattem hekkulag dayeb amu, king ag Dawitnu sia kingppa daaglag; ag kingnu lag enanagnab imunu aɗnu odppa oiyaknu karisppa, hos attan ele uɗiglag. Ag, ahilkad ehanittak anuqak danab, amu ahilkad danab ah ele anam hekkulag,’ ” awa atte.

Jeremaia 25:5

Propet amu ag appig. ‘Ag anen anen ag ahilag eheɗ hak digdig hetteb, ag kobol eheɗ digdig dim lamidtteb ele, ag amu tuɗidna hemananu oolag eɗueb, ag hak amu, kobol amu ele ii hekkulag dayeb amu, ag wan imuppa, Yawe Nug ag, amu ag mamelkad aɗi dilag hanhan daakkunu mattom amu, ag aguppa tuɗidna daaglag.

Jeremaia 33:15

Haen amuppa da heppi, danab laa Dawit buɗubppanu bekku; ad diigppa ita bau bette, amubia bekku. Nug am genab tutukku danab. Nug ba, nug wan imuppa hanhan nai doya mala hettoɗia epeɗia elele mettak kobol, kobol tutukku ele, nug amu dim lamidkku.

Jeremaia 33:17

Aɗinu ag anam akkulag? Yawe Nug amunu inam atte. ‘Dawit buɗunppanu laa ag anen anen ahilag haenppa Israel dilag king bena, sia kingppa daaglag.

Jeremaia 33:21

Aria, amubia, da Dawit buɗub, Lewi buɗub ag mana mettak danab, ag ele, ag oh daanna, da noolppa dahil ɗo maɗoɗnu uɗat hetteb amu, da ag oh ele nug tituanta nai qakkamut, nai amuppa aɗi aɗi daakkunu nai qakkamut amu, laa heeb, keeke amu ii bekkunu elele iitta. Nai amuppa da Dawit, nug buɗub ele ag hanhan king daaglagnu, Lewi buɗub ag hanhan da noolppa dahil uɗat hekkulagnu ami amunu, anamib daakku.

Jeremaia 7:3

Na amu anam mattin malona, na inam ele appe doyeg! ‘Yawe Nukka Ɠagattag Oh Ele, Israel dilag Kayak, Nug inam atte. “Ag Juda, ag ahilag hak nau uuna, ag eɗun, kobol ena dim lamidppeg, da uuadppi, ag wan imuppa inam daaglag.

Jeremaia 7:7

diig amunu da uuadppi, ag tuɗidna wan imuppa daaglag. Da wan imu ag mamelkad aɗi hanhan ahilag daakkunu mattami.

Duteronomi 17:16

Am king nug nukka nuhig hos kuɗum ele daakkunu ii hema. Nug danab nuhikkud maatteb, Isip gona, hos daden ii mekkulagoitte. Aɗinu? Yawe Nug ag amelagppa aum. “Ag eɗun, Isip ii gokkulagoitte.”

Hibru 12:22

Amge ag gemu daatteb, ag oolagppa genab dootteb ele amu, ag keeke anamppa ii wappig. Iitta! Ag amu Sion qaukoppa teppig. Ag am Jerusalem hab aabppanu, Kayak bauklelnu appagppa teppig. Ag amu engel tausen tausen maɗoɗppan gamag ahak okkai ele qagmena daatteb ele, amuppa teppig.

1 Samuel 8:11

“Danab laa, nug ahilag king daakku dayeb amu, king amu nug ahilagppa inam hekku. Nug ag bekkalkad diia heeb, ag ban daup danab daaglag. Daanna, laa ag bannu karis attan daan, ban hekkulagnu daaglag; laa ag hos attan daan, ban hekkulagnu daaglag. Amu laa ag king nug oiyaknu karis nuhigppa laih gokkunu heeb amu, ag baelagppa qaiettan, oiyaknu karis amu noob aon, anuqna gokkulag.