Jeremaia 17:22 - Nobonob Baibel

²² Amu ele, ag keeke maon, ag laulagppanu dimittim uɗiglagnu, o uɗat laa Sabat deɗppa hekkulagnu aib heppig. Da ag mamelkad aɗi haknunab nai mattami, ag nai amu atte, amubia heppeg, Sabat deɗnu am dahilnu tituanak dayaɗ!

Jeremaia 17:22 ပူးပေါင်းရင်းမြစ်များ

Nehemaia 13:15

Amu haen amuppa ele amu, da danab laala ag Juda wanppa Sabat deɗppa grep meu, leppu aoglagnu tappaegeg anatte, laa ag ee aeg dad okkaippanu aon uɗin, ee aeg amu, wain doɗ gaɗappa inak, muɗi grepnu meu, ad fig meu, ad meu laala kuɗum ele donki attan mena, ag keeke amu oh aon uɗin, Jerusalem uɗippig ele anadmi. Ag anam heegeg anatten, da baula Sabat deɗppa danab ah ee daden mekkulagnu aon uɗin, dadennu memananu ag amelagppa ami.

Eksodas 23:12

Ahilkad donki, ahilkad makau okkai ebehi ele, ahilkad begbeg maɗi nid, amu wan laihnu danab ele amu, ag oh hik aon, ɠagattag bau aoglagnu, mettid ohppa amu, ag deɗ eblaih laippu ele uɗat hekkulag, amge deɗ eblaih aɗitppa amu, ag uɗat aib heppig!

Aisaia 58:13

Amu Yawe Nug atte. “Ag Sabatppa ɗo dahil dim lamidkkulag dayeb, ao, ag dahil deɗ, deɗ amuam dahilnu tituanak daatte, ag deɗ amuppa aɗi keeke ag amu hekkulagnu amelag qette, amge da ag amu hekkulagnu ii ami, ag amu hekkulagnu uuglag dayeb, ag Sabatnu, ‘Deɗ enanagnab, ehanigtte ele,’ dooglag dayeb, ao, ag da, Yawe, ag dahil deɗ, dahilnu tituanak daatte amu, ag deɗ amunu, ‘Deɗ imuam deɗ binag ele,’ dooglag dayeb, ag ahilag dabmak ii dim lamidna, amuppa ag dahil deɗ binag mekkulag dayeb, ao, ag dahil Sabatppa ele aɗi keeke hekkulagnu oolag hette, amge da ag amu hekkulagnu ii ami amu, ag amu ii hekkulag dayeb, ag deɗ amuppa nai hamu hamu ele ii mattiglag dayeb,

Jeremaia 17:24

Yawe Nug ag memetalkad dilagnu anam atte, amge Nug ahilagnu inam atte. “Ag memetalkad anam heppig, amge ag gemu daatteb, ag da oɗel tutukku dim lamidkkulagnu dabmena autna aon, dim lamidkkulag dayeb, ag Sabat deɗ am dahilnu tituanak daakkunu keeke maon, aab okkai imunu aɗnu od attenppa uɗin, aab ooppa ii gokkulag dayeb, ag uɗat laa ele ii hekkulag dayeb amu,

Esekiel 20:12

Da ag tituanatti, ag dahilnu tituanak daaegeg, da ag amu dabmettalagnu at daakkunu da ag dahil Sabat deɗ ag mattami. Da ag da, Yawe, da hei, ag dahilnu tituanak daatteb dooglagnu Sabat deɗ, at daakkunu ag mattami.

Esekiel 22:8

Dahil keeke, dahilnu tituanak daatteb amu, ag Jerusalem danab ah ag keeke amunu ena iinab doyegeg uɗie, gemu ele anam hetteb. Ag ɗo da ag Sabat deɗppa dim lamidkkulagnu ami amu, ag amunu hamu bia doon, ii dim lamidna, gemu ele hetteb.

Lewitikas 19:3

Ag anen anen anilkad mamelkad dilagnu ena elele dooglagoitte. Amu dahil sabatnu ɗo da ag mattami amu, ag haen oh dabmettan, amu waappa daaglagoitte. Da am Yawe, ahilag Kayak.

Lewitikas 23:3

Deɗ eblaih laippu oh amu ag uɗat hekkulagnu daatte, amge deɗ eblaih aɗit ele amuam sabat deɗ, am hik awaknu deɗ. Deɗ amuppa ag Kayak noobppa qagmena dup nona Nug binag mekkulagnu deɗ. Deɗ amu, aben ag adeppa adeppa daatteb amu, deɗ amuam sabat; am Yawe binag awaknu deɗ.

Sekaraia 1:4

Ag mamelkad aɗi heppig bia aib heppig. Haen amuppan propet ag appig. Yawe Nukka Ɠagattag Oh Ele Nug inam atte. ‘Ag ahilag eheɗ hak digdig uun dimettan, aib baula heppig, aon appig, amge ag mamelkad aɗi ag dahil nai amu dooglagnu uuppig; ag ii dabmedappig,’ ” awa atte.

Luk 23:56

Ag anttona amu, ag eɗun lakka gona, ag spais, leppu muttuɗig enanag ele Jesus beɗu laaittaknu amu babaittona, ag Sabat amu, ɗo atte bia, ag hik aoppig.

Luk 6:5

Anam awowa Jesus Nug nai tuɗitta ag amelagppa aum. “Danab Bekkalag da, da Sabat deɗnu ikki daattem,” awa aum.

Revelesen 1:10

Mettidppa amu Kayak Ouɗinu ɠagattag dahilppa ambe, da baag okkai laa trampet oqotti bia da dimulppa mattieye doomi.