Jeremaia 17:12 - Nobonob Baibel

¹² Jeremaia nug inam unuqittom. “O Yawe, na digmak haenppa uɗie uɗie, gemu ele na nahip sia king enanagnab, na amuppa dayeye daattem. Na am ihinig padal mak eɗitteb ena dayaknu ehanittak daattem.

Jeremaia 17:12 ပူးပေါင်းရင်းမြစ်များ

Sam 103:19

Yawe Nug he, nuhig sia king am hab aabppa daatte. Nug appa dayaya, Nug keeke oh gumadtte.

Sam 96:6

Nug dagom onig ɠagattag okkai naɗi ele. Ao, ɠagattag, binag amahlak oppiaawak ele nuhigppan uɗitte.

Aisaia 6:1

Aria haen King Usia mauhom, maɗ amuppa amu da Naɗi Nug nuhig sia kingppa dayeye anidmi. Sia king nuhig am attannab dayeye, Nug amuppa dayom. Am Naɗi Nug lamen beɗuppa meum am elabnab, lamen elab nuhig amu ukka, nuhig mettid lag ohppa elele mette dayom.

Aisaia 66:1

Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.

Jeremaia 14:21

⌊Amge⌋ da na oninnu dabmak anuqak aonna, na ig ii geɗigmananu oɗ medattem. Ao, na ag uuadppe, laa ag uɗin, nahip lag enanagnab, na aguppa daattem amu, ag amu heppeg nauhmanu unuqidttem. Na hee, ig ele nug tituanta nai qakkamut amu, na nai amu dabmenana, ii okkulmananu oɗ medattem.

Jeremaia 3:17

Haen amuppa danab ah ag Jerusalemnu, ‘Yawenu sia king,’ akkulag. Ag anam appeg, wanppan wan ohnu danab ah ag Jerusalem appa da onil binag mekkulagnu qagmekkulag. Danab ah oh ag haen amuppa baula da oɗel dim lamidmananu dabmak ahilag ɠagattag ii eppeb, aɗi eheɗ hekkulagnu oolag daatte amu, ag amu hekkulagnu dabmenana ii hemana.

Esekiel 1:26

Amu da neekki te, tappiɗ daatte, amu attan amuppa da keeke laa sia king bia daye anidmi. Sia amuam men sapaia, anttak enanag ele, amuppa hak. Sia amuam tappiɗ diig laa miag guguittak iitta, attannab dayom, am da sia amuppa laa, Nug beɗu amu danab beɗu bia, da nug sia amuppa heɗep na dayeye anidmi.

Esekiel 43:7

Nug aum. “Danab bekka, aben imuam dahil sia kingnu aben, da daakkulnu aben iikku. Aben imuppa da Israel oolagppa hanhan daakkul. Israel ag, ahilag king ele ag baula kayak hambuppuak noolagppa dup nona binalag ii memana; ag ele ahilag king dottog aon qappan, amuppa ag da onil oppiaawak ele heeg, danab ah laa dilag neekkakppa nau dayom amu, ag amu baula ii hemana.

Matyu 25:31

Jesus Nug anam ana Nug nai tuɗitta aum. “Dimppa haen Danab Bekkalag da, da binal amahlak oppiaawak ele uɗippi, engel oh ele uɗignig, haen amuppa da sia king binag amahlak oppiaawak ele dahilppa daakkul.

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.

Hibru 4:16

Amunu uug haenppa Kayak Nug ihinignu oo gai-iitta doya oo mekka ehanikkunu, Nug ig ehanittak okkai hamu megakkunu amu, ig ii baɗatta, Kayak gumitta gotu!

Revelesen 3:21

Aun laa nug ban eɗidkku amu, da nug daakkunu elele appi, nug da ele dahil sia kingppa, anukka da ban eɗitti, gemu da Mamel ele nuhig sia kingppa daattep amubia daagnih.