Jeremaia 16:7 - Nobonob Baibel

⁷ Laa nug mauhppig lailkad oolag mekkunu ee, o le keeke ii mattama. Ge, laa mameg o anig mauheb, laa nug mauhom laikkud anam ii ehanadma,” awa atte.

Jeremaia 16:7 ပူးပေါင်းရင်းမြစ်များ

Job 42:11

Yawe ehanitte, Job eɗua ena daya, keeke ele daye amu, nug awakkud, amakkud, appinkkud ele, amu laa oh ag nug tatam dooppig ele amu, ag oh uɗin, nug laugppa ee lappig. Ag uɗin, uug oh ⌊ahilag dabmakppa⌋ Kayak he, Job nuhigppa beumnu amu, ag oo mak nai nug mettan, ag anen anen oh silwa men doɗo laippu, eppeg doɗoppanu ring golppa hak laippu ele nug medappig.

Eklisiastis 4:1

Amu da baula neekki ukke, aam waappa, kobol laa, amuam danab okkai ag danab laa eheɗ hadatteb, da kobol amu anidmi. Danab uug aotteb amu, ag gaaegeg, da ag amelag leb neene anadmi. Ag uug aqeeqe daaegeg, laa nug ag oo mak madakkunu laa ii daatte. Danab ag laa uug madatteb, ag ɠagattag ele amunu, ag amu hetteb, amge uug aotteb ele, laa ag oo mak madakkunu laa ii daatte.

Jeremaia 22:10

Ag King Josaia mauhom amu, ag nuhignu aib gaappig, aib mahippig. Ag amu ii hemana, amge ag Jehoahasnu, kekeɗ ag uɗin aon ukkaeg, nug wan laappa diia ukka laih me dayak danab daatte, ag nuhignu huan gayeg! Aɗinu? Nug eɗua iinab uɗima. Nug baula nuhig wan ii anidma.

Gayak Nai 1:9

Juda danab ah ag eheɗ henana, ag ah laa kalam qe, leppu nau nuhig lamen qette, ag lamen amubia daanna, ag oolagppa dubuttid ele daappig; amge haen amuppa ag dimppa ahilagppa aɗi bekkunu dabmak nakok laa ii aoppig. Ag eheɗ heeg, kekeɗ heeg nena qeppig amu, ahilag na qak am laanab; ag nena qena autna autna aoppig. Ao, ag anam nena qeeg, laa ag ehanatteb, oolag mekkunu laa ii dayom. Laa anam ii dayeye, Juda danab ah ag atteb. “O Yawe, kekeɗ ag eɗigppig amunu, na ihinig guittak nau neegna anidna ehanigkkutnu oɗ medattem,” aon atteb.

Esekiel 24:17

Nug mauheb amu, na nuhignu qinonob baatppaib aiqakkak he! Nuhignu aib mahime. Na igippan lamen aib uɗame, baeg gaɗa ele aib uɗame. Na laa ag laa mauhomnu mahiak hekkulagnu iɗulag laih akkabɗulag ukka amelag batak haut-tteb amu, na amubia aib heme. Danab ag laa mauhomnu ee latteb amu, na ee amu aib lame,” awa aum.

Hosea 9:4

Wan amuppa ag wain gokkaɗaknu ofa ii hemana. Am ahilag aab aɗuppan mana mettaknu amu, Kayak Nug ena ii dooma. Mana mettak amu, ag hekkulag dayeb amu, ag am laa mauhe, laa nug mauhom gaɗa aɗa, maɗappa dayaya, ee awa, huppu nakok la, ee ii laum daatte am laa dilagnu ee ii lanaknu epeɗiak aakku daatte, laa aib laum. Laa aib laum, amge laa lakku dayeb, nug Kayak ele ouqa dayaknu elele iitta daakku amu, mana mettak amu ag am danab amubia daaglag. Aun aɗi ag mana mettak amu hewona, mana mettak amuppanu ee lakkulag amu, ag Kayak ele ouqa dayaknu elele iitta. Aɗinu? Ee ahilag am ag beɗulag ehanittaknu ee aakkuib daakku. Ag aon gona, Yawenu mettid lakka appa manan, Nug mettaglagnu iinab daama.

Duteronomi 26:14

Da mahiakppa dayeye amu, da obatak 10 ooppanu, obatak laippunu ee laa ii lami; da Kayak ele ouqa dayaknu elele iitta haenppa keeke laa ii lauɗidmi; mauhakppa iinab mei waum. Da na, Yawe, ihinig Kayak, da na oɗen dim lamitte, na keeke ohnu, haknunab anak nai ig mekkame amu, da hemi.