Jeremaia 16:18 - Nobonob Baibel

¹⁸ Juda ag am kayak hambuppuak huanaknab akkan, dahil wanppa meeg, wan amu dahil neekkakppa dubuttid tak ele daatte. Dottolkad amu, ag bau iitta, ag uɗig wak nau ele. Ao, ag heeg, kayak hambuppuak dottolkad dahil wanppa ambak daatteb. Dottolkad amunu amu, da oolppa uuaknab doottem. Juda danab ah ag anam hetteb amunu, da ahilag hak nau, ahilag hipunin ele, da diig amunu da bu elelenab madakkul.” Yawe Nug anam awa atte.

Jeremaia 16:18 ပူးပေါင်းရင်းမြစ်များ

Sam 106:38

Ag danab ah eheɗ laa ii heppig ele aqappig. Amuam ag bekkalkad, aɗelkad ele. Ag amu hena diin, Kanannu dottolkad hattak amu, ag manan, kayak hambuppuak amu madappig. Ag amu hekkulagnu aqak heegeg, Kayaknu neekkakppa wan am dubuttid naunab ele dayom. Nug ooppa uuaknab doyom.

Aisaia 24:5

Wan imuppan danab ah ag heeg, wan imuam Kayaknu neekkakppa dubuttid tak ele daatte. Aɗinu? Ag ɗo dim ii lamidna, ⌊kobol nau digdig henana,⌋ ag Kayak dimettan, nai nuhig tappaeg ne, ag nuhig nug tituana nai qakkak hanhannu Kayak Nug ag ele heppig amu, ag tippalppig.

Aisaia 40:2

Ag baalag bodoettakppa ɠagattag mattanna, dahilad danab ah ag uugppa aakku elele daaeg uɗiom anana, ag Kayak Nug hipunin ahilag uhuqa mattom, ag hipunin heppig, amunu nob amu, Yawe Nug nob amu elelenab aakku ag mattom, ag amu ele appeg doyeg!” awa atte.

Aisaia 61:7

Danab ah dahilad ag uɗa nak nau dooppig, amge Yawe Nug ehanatteb, ag enaib daaglag. Ao, danab ah dahilad uɗa nak nau guittak ele dooppig, amge dahilad danab ah ag keeke Yawe eppegppan aoglag, amuam ag aulag amu, ag amunu oo gamag ahak okkai dooglag. Yawe Nug anam ehanadkku amunu, ag ahilag wanppa daanna, Nug eppegppan keeke okkai okkai, tatam awak huan eɗittak aonna, ag hanhan oo gamag ahak doon oiglag,” awa atte.

Aisaia 65:6

⌊Da ag ehanadkkulnu, da ag eɗue diiadkkulnu ele heine daami, amge⌋ antte! Danab keeke daug atimanu pepappa yaatte, amubia ahilag hipunin da noolppa daatte. Anam daatte amunu, da iinab uupa. Da bu eheɗ hak amunu elele eɗuen madakkul. Da genab ahilag eheɗ hak eleleppa ag nob nau madakkul.

Aisaia 65:7

Da ahilag hipunin, ag mamelkad aɗi ag hipunin amu heegeg, ag tuɗidna heegeg uɗie, gemu ele hetteb amu, da amu ohnu nob nau elele ag madakkul. Da ag doɗ main, kayak hambuppuak qaukoppa mattanna, ag qauko nakokppa dahil nai tappaeg neene, ⌊appa ele ag doɗ main, kayak hambuppuak madappig⌋ amunu, da bu eheɗ ahilag hak eleleppa ag madakkul.” Yawe Nug anam atte.

Jeremaia 17:18

Na ehaniɗppe, da uɗa nak ii doopa, amge na heppe, laa ag eheɗ heiɗtteb ele ag uɗa nak aoglagnu oɗ medattem. Ao, na ehaniɗppe, da baɗak eheɗ nau ii doopa, amge na heppe, laa ag eheɗ heiɗtteb ag baɗak eheɗ nau dooglagnu oɗ medattem. Na heppe, laa eheɗ heiɗtteb amu, uug naunab ahilagppa bekkunu oɗ medattem. Ge, na heppe, ag padal mena autna autnanab aoglagnu unuqidttem,” awa unuqittom.

Jeremaia 2:7

Da ag Israel, da ag omalatti, ag uɗin, wan ittag ele imuppa uɗippig. Ag wan imunu ad meu, ee laa oh ele lakkulagnu uɗippig. Ag am anamnu aakku uɗippig, amge ag uɗin, wan da aul ag heeg, dahil neekkakppa dubuttid tak ele daatte. Ao ag heeg, da dahil wan imunu oolppa uuaknab doottem.

Jeremaia 3:9

Israel danab ah ag eheɗ heppignu uug laa ii dooppig. Ag anam heegeg, wan am dubuttid tak ele daye, ag da dimeɗan, ag kayak hambuppuak dottolkad menppa hak, adppa hak ele, ag amu noolagppa dup nona binalag meppig, amuppa ag danab ah ag ewau pakkuna gappai hak kobol hetteb bia heppig.

Jeremaia 44:4

Haen kuɗum da dahilad maɗi nid, ag propet, da ag maatti gona, ag da oɗel aon, Juda danab ah amelagppa, “Ag kobol nau, da kobol amunu oolppa uuaknab doottem, kobol amunu da nau ninig ele doottem amu, ag kobol amu aib heppig,” appig,

Jeremaia 7:30

Yawe Nug atte. “Aɗinu ⌊da Juda geɗadmi⌋? Juda danab ah ag dahil neekkakppa eheɗ henan daatteb. Ag ahilkad kayak hambuppuak akkan, da laul, da onil aguppa daatte amu, ag da laul amuppa qappaladppig. Dottolkad amunu da oolppa uuaknab doyeye, ag da laulppa qappalatteg, dahil neekkakppa da laul aakku dubuttid tak ele daatte.

Esekiel 11:18

Israel ag eɗun uɗin daanna, ag kayak hambuppuak dottolkad, dottolkad amuam uɗig wak ele, da dottolkad amunu oolppa uuaknab doottem amu, ag dottolkad amu oh heppeg, ii daamna.

Esekiel 11:21

Amge laa ag kayak hambuppuak dottolag, dottolkad amu ag uɗig wak ele, da dottolkad amunu uuaknab doottem amu, laa ag dottolkad amu dim lamidna, binag metteb ele amu, da heppi, ag uug nau dooglag. Ahilag hak attem daatte amu, da heppi, ag amunu bu elele aoglag. Naɗi Yawe Nug anam atte.”

Esekiel 36:18

Da anam doomi amunu, da bu eheɗ mattami. Ag danab aqaeg mauhppig, ag kayak hambuppuak dottolkad ele noolagppa dup nona binalag meeg, dahil neekkakppa ahilag wan am dubuttid tak ele amunu, da anam hemi.

Esekiel 5:11

Amu Naɗi Yawe, Nug atte. “Anam amunu, da Naɗi Yawe, da attem. Ag Jerusalem danab ah, ag kayak hambuppuak dottolkad, keeke amuam uɗig wak ele, ag amu dahil mettid lakka maadppig; ag ele appa kobol laala, da kobol amunu oolppa uuaknab doottem, ag kobol amu amuppa ele heppig. Ag amu hena, ag amuppa heeg dahil neekkakppa lag dahil dubuttid teum daatte. Anam amunu, da genab bau daattem, genab amubia da ahilagnu baula ena ii doopa. Da ag anatte, oo doyak ii doopa! Ge, da ag anatte, bu madakkulnu ii uupa!

Hosea 9:7

Israel dilag bu awak haen aakku uɗitte. Ao, ahilag noob awak haen aakku uɗitte. Israel danab ah ag amu doyeg! Ag Israel, ag hipunin kuɗum henana; ag Kayak, nuhikkud danab ele dilagnu kekeɗ mattan daatteb amunu, ag propet dilag, “Ag am ootot,” atteb. Ao, danab Kayak Ouɗi ehanatte, ag nai maditteb ele, ahilagnu ag, “Ag kaaka,” atteb.

Lewitikas 26:30

Da kayak hambuppuak dilag mettid lag nakok ahilag oh loppaɗadppi neppeg, kalu danab ilaeg muttuɗig enanag bette elenu qaɗab oh loppaɗkkul. Da heppi, ahilkad kekeɗ ag aqana, gaɗalag diin, kayak hambuppuak dottolkad qaɗelagppa maadkkulag. Da geha ahilagnu amu ena iinab doopa.

Maika 2:10

Ag nau amu hetteb amunu, ag ahan, wan imu uun ukkeg! Wan imuam ag ahilag aben hik aon daaglagnu iitta. Aɗinu? Ag heeg, wan ag daattebppa imu, am Kayaknu neekkakppa dubuttid tak ele daatte. Ao, ag heeg, wan ag daattebppa imuam nauha autanab awom daatte; babaittaknu elele iitta.

Revelesen 18:6

Ag nuhig kobol nau amunu dabmena, nob nau elelenab eɗun metteg! Nug kobol nuhig nau qagme, kuɗumnab beum, amubia ag tuɗidna, ag nuhig nob nau qagmena kuɗumnab metteg! Nug laa dilagnu le nau kap-ppa kaboliom bia, ag le naunab tuɗidna, kap amuppa kabolina, kuɗum metteg!