Jeremaia 15:8 - Nobonob Baibel

⁸ Kekeɗ ag danab kuɗum aqadppeg, ah qab huanak, kuɗumnab, abuɗ yu ihippa daatte, amu eɗittak daaglag. Kekeɗ ag danab ah keeke amunu ii dabmetteb haenppa, ag nid bau, ag anilkad ele aqadkkulagnu pahanab ahaglag. Ge, da heppi, baɗak eheɗ nau ele, guittak okkainab ele pahanab nid bau, ag anilkad ele dilagppa uɗiglah.

Jeremaia 15:8 ပူးပေါင်းရင်းမြစ်များ

Aisaia 3:25

Haen amuppa kekeɗ ag banelag uɗina, ag Juda danab qep elabppa aqaglag. Ao, ag Judanu ban danab ban hakppa aqappeg mauhkkulag.

Aisaia 3:26

Aab Sion na eheɗ gaan, mahiak hekkut. Kekeɗ ag heppeg, danab ah Sion appa iinab daamna. Sion am na qa daakku.

Aisaia 4:1

Haen amuppa geha ah eblaih aɗit ele ag danab laippu laa aɗaglag. Ag aɗan, ag inam amegppa akkulag. “⌊Ig igakka nug gumat daagnignu elele.⌋ Ig igakka, anen anen ee ihinig latata, amu ig igakka anen anen lamen ihinig ele takkagnig. Amge ig am danab laa ii aomut amunu, ig uɗa nak nau guittak ele doottem. Anam amunu, uɗa nak nau guittak ele amu iitta mekkunu amu, na ig gamunig daakkutnu oɗ medattem,” aon akkulag.

Jeremaia 16:3

Aɗinu Yawe Nug anam aum? Nai anak amunu diig am, Nug nid danab, nid ahin ele, ag anilkad mamelkad wan imuppa menuadtteb amu, Nug ag, am ag anilkad mamelkad ele dilagnu inam atte.

Jeremaia 18:21

amunu, na heppe, nid naunau ahilkad ag enugppa, o qep elabppa mauhppeg, danab amu ag laa eppelagppa guittak aon mauhppeppeg, ahilkad ah ag ah qab, nid iitta daappeg, ag bekkalkad nid bau, ag ele banppa mauhkkulagnu oɗ medattem.

Jeremaia 22:7

Da heppi, kekeɗ ag anen anen bannu keeke eppelagppa aɗan, ag uɗin, ag Juda dilag king laulag heppeg nauhkku. Ag laulagnu ad sidanu plang ena ena daatteb amu, ag mauhnoak oppatppeg neeb, ag amu akkan, aab aɗuppa mawadppeg teppeg aab eweb, iitta mekkulag.

Jeremaia 4:16

Amu Yawe Nug atte. “Ag wanppan wan ohppa danab ah amelagppa inam appeg doyeg! Ge, Jerusalem appa ag appeg doyeg! ‘Wan umanu daup ag uɗitteb. Ag Juda dilag aab oh eɗadkkulagnu dabmenana, ag bannu ewak aakku etteb.

Jeremaia 5:6

Danab ah imu oh ag anam hetteb. Ag Yawe oɗe huana tappaeg nette. Ao, ag haen kuɗum tuɗidna, Yawe dimettona kayak hambuppuak laala dim lamadtteb. Anam amunu, kekeɗ ag laion laa atuppanu uɗia, doɗ, o danab qe mauhtte bia heppeg nauhkkulag. Doɗ wulp, nug atu taɗak appanu uɗia, doɗ, o danab qe mauhtte bia kekeɗ ag heppeg, danab ah imu ag nauhkkulag. Doɗ laa onig lepad, pusi okkai amu, nug aab guguittak dayaya, aun laa aab dimittim uɗikku amu, doɗ amu nug aha, danab amu aɗa he, nug beɗu huppu naunau na niitte, amubia kekeɗ ag heppeg, danab ah imu ag nauhkkulag.

Jeremaia 6:26

O dahilad danab ah ag lamen heɗiag ele takkan, uhuɗppa niinna, beɗulag itoɗin, itoɗinna, danab bekka laippu mauhe, huanaknab qanak baag eleppa mahitte, ag amubia mahieg! Aɗinu? He nauhak danab nug ihinigppa pahanab tula bekku.

Gayak Nai 5:3

Ig nid ag mamelkad mauhppig, ehanittak laa ele iitta daatteb bia daattem. Ao, ig aninkad ag ah qab daatteb.

Esekiel 22:25

Amu laion laa nug gaya, doɗ laa qa latte, amubia Israel dilag anuqak danab ag dabmak laippu mena, ag danab ah heeg nauheg, ag danab ah dilag en keeke, keeke awaknu men doɗo okkai ele, ag keeke amu oh yab aona, ag danab kuɗum ele aqaeg, waalkad ag ah qab daatteb.

Hosea 4:5

Ag amunppa, tuqanppa ele taataɗ qedatteb, amu propet ag ele anamib hetteb amunu, da geha ag Israel, da ahilag wan heppi nauhkku.

Luk 21:35

Aɗinu? Deɗ amu danab ah oh wan ohppa daatteb ag beeb anidkkulag.