Jeremaia 15:19 - Nobonob Baibel

¹⁹ Amu Yawe Nug da, Jeremaia, Nug da amelppa aum. “Na oot eɗueb amu, da heppi, na tuɗidna dahil propet, dagattolppa daakkut. Ao, na nai genab mattinna, nai hambuppuak, meu iitta ele ii madippe amu, da heppi, na da oɗel awa mattiak danab daakkut. Na ag ib ippuanatte! Na ahilag ib aib aon gome.

Jeremaia 15:19 ပူးပေါင်းရင်းမြစ်များ

1 King 17:1

Elaiya nug am propet laa. Nug appag diig am aab onig Tisbe. Aab amuam Gileat wanppa dayom. Haen laappa Elaiya nug King Ahap gumitta ukka, amegppa inam aum. “Yawe, ig Israel, ihinig Kayak, da nuhig maɗi nid daattem, amu Nug genab bau daatte, genab amubia amu, geha gu, baito ele maɗ laala wanppa baula ii nema. Anam dayebeb ukkeb, geha da appi, amu nekku,” awa aum.

Eksodas 4:12

amunu, na ukke! Da geha na nai madikkutnu na oɗen ehanitten, nai amu ippunidppi, na nai amu oh madikkut,” awa aum.

Prowerb 22:29

Danab nug nuhig uɗat hak doya autanab awom daatte, nug king toppa dayaya uɗat hekku; nug danab hamunu uɗat ii hema.

Jeremaia 1:9

Yawe Nug anam awowa, Nug eppeg bahia, da oɗel lauɗitta, Nug da amelppa aum. “Da dahil nai na oɗenppa aakku memi.

Jeremaia 15:1

Amu dimppa amu Yawe Nug da, Jeremaia, Nug da amelppa aum. “Moses, Samuel ele aa am dahilaɗ danabnab daapiɗ, amge aanab da noolppa daaya, danab ah imu dilag unuqiɗlop amu, da ag ena daaglagnu ii ehanadlom. Heppe, ag da noolppanu ukkeg! Da noolppa daaglagnu aib heme!

Jeremaia 20:9

Ag anam dahilppa hetteb. Amge Yawenu nai amu, da mehuqaknu ii uupa. Haen laala da attem. “Da Yawe, da baula danab ah Nug ii ippunadpa. Da nuhig nai baula ii mehuqpa,” awe attem. Amge da anam attem haenppa amu, nuhig nai da oolppa, o iitta da ebehil ooppa am aab aɗu bia bette. Da nuhig nai ii madipanu wagai mettem, amge elele iitta, da madikkulib.

Jeremaia 35:19

Ag amu hetteb amunu Yawe Nukka Ɠagattag Oh Ele, Israel dilag Kayak, Nug inam atte. ‘Rekap bekka Jonadap, nug buɗub am iitta ii memana. Iitta. Hanhan nug buɗubppan laa nug da waalppa dayaya, da oɗel dim lamidkku,’ awa atte.” Jeremaia nug Jonadap buɗub amelagppa anam aum.

Jeremaia 4:1

Amu Yawe Nug inam atte. “O Israel danab ah, ag eɗun, da waalppa daaglanu oolag daatte dayeb amu, ag eɗun, dahilppa uɗieg! Ag kayak hambuppuak dottolkad, da amunu oolppa uuaknab doottem amu, ag dottolkad amu agappeg goppeg, ag ib eheɗ amu tuɗidna ii gokkulagnu dayeb, ag kobol genab, ag nai doya mala hettoɗia epeɗia elele mettak kobol, amu genab tutukku hak kobol ele dim lamidnana, ag, ‘Yawe genab bau daatte, genab amubia,’ ag nai amuppa ahilag nai ɠagattag qedappeg, ⌊da ag itittak ena madappi, wan ohppa danab ah ag amu anidna, unuqiɗppeg,⌋ da ag itadppi, ag dahilppa gamag ahak doon, ag da binal meɗaglag,” awa atte.

Jeremaia 6:29

Danab aen, o gol keeke, nug keeke amu babaitta epeɗia awak uɗat hette, amu amubia uug laala danab ah dahilad dilagppa beppeg, hipunin hak uuglagnu hemi, amge ag hipunin ii uuppig. Ag kobol nau hekkulagnu ii uuppig.” Yawe Nug anam aum.

Gayak Nai 1:11

Juda danab ah oh ag ee mattinna, ag aiqagatteb. Ag en okkai laa aon, ee huppu nakok, ag bau daaglagnu en okkai amuppa daden mekkulagnu hetteb. Juda ag atteb. “O Yawe, laa ag ig Juda, ag ihinignu ena iinab dootteb amunu, na ig neekkigna, ihinignu dabmekkutnu oɗ medattem,” oɗ mettan maditteb.

Esekiel 2:7

Israel danab ah ag nai tappe nak danab ah daatteb amunu, na dahil nai ag amelagppa abeppe, ag dooglagtai, o iittatai am nahip keeke iitta, ahilagppa daatte. Amuam ahilagppa daatte, amge na dahil nai ag amelagppa akkutoitte.

Esekiel 22:26

Okkai danab ag anam heeg, mana mettak danab ag ɗo dabmena, ii dim lamidtteb. Ag amu hena, ag keeke dahilnu tituanak daatteb heeg, dahil neekkakppa dahil keeke amu ag dubuttid tak daatteb. Ag keeke dahilnu tituanak daatteb, ag keeke amu, keeke dahilnu tituanak ii daatteb ele amu, ag keeke aɗit amunu keeke laippu bia dootteb. Keeke laala, amuam keeke dahil neekkakppa dubuttid ele daatteb, amu keeke laala dahil neekkakppa dubuttid iitta ele daatteb amu, ag keeke amunu laippu bia doon, ag amunu danab ah ippunadtteb. Ag dahil Sabat, da Sabat dahilnu ag ɗo mattami amu, ag doonna, ɗo amu ii dim lamidna, dahil Sabatnu am hamu dootteb amunu, aabppan danab ah ag dahilnu hamu dootteb, ag da ii dim lamiɗtteb.

Esekiel 44:23

Mana mettak danab ag danab ah keeke dahilnu tituanak daatte, keeke hamu daatte ele, ag keeke aɗit amu danab ah ippunadna, ag danab ah ag aɗi keeke am dubuttid iitta, aɗi keeke am dubuttid ele ippunadppeppeg doyeg!

Lewitikas 10:10

Ag keeke Kayaknu tituanak daatte, amu deɗ ohppan keeke hamunu ele anidna epeɗina dooglagoitte. Amuam, ag aɗi keeke am Kayaknu neekkakppa dubuttid ele, amu aɗi keeke Kayaknu neekkakppa am dubuttid iitta ele amu, ag amu anidna, epeɗina dooglagoitte.

Lewitikas 14:57

Nai dim lamitta haknu imu, am Kayak ele ouqa dayaknu, o iitta Kayak ele ouqa dayaknu elele iitta amu ippunikkak daatte. Ɗo imu, gaɗa oɗe nau ele digdig, haen ag danab ah gaɗalagppa betteb, amu gi keeke qaɗeppa bette ele oh tonadtte.

Jona 3:2

“Na gona, aab okkainab Niniwe, appa tena, da na amenppa nai appi amu, na danab amu amelagppa appe dooglag,” awa aum.

Sekaraia 3:7

“Yawe Nukka Ɠagattag Oh Ele Nug inam atte. Na dahil ib, ɗo dahil ele dim lamidkkut dayeb, da Yawe, da heppi, na dahil lag, dahil lagnu haɗap ele gumakkut. Amu da heppi, na ⌊engel⌋ imu hippaidna daatteb oolagppa uɗin daakkut.

Luk 1:19

A amu engel nug oɗeppa awa aum. “Da am Gabriel. Da Kayak noobppa daattem, amu Nug he, da amenppa nai ena imu appi dookkutnu uɗimi.

Luk 10:16

Jesus Nug anam ana, Nug ippunittak awak danab amelagppa aum. “Danab nug ahilag nai dootte amu, nug dahil nai dootte. Am danab nug ag dimadatte amu, nug da dimeɗatte. Danab nug da dimeɗatte, nug laa Nug he da uɗimi ele amu, Nug dimedatte,” awa aum.

Luk 12:12

Aɗinu? Am aua amuppaib geha Kayak Ouɗi Nug ag aɗi akkulagnu ag ippuanatteb, ag amelagppa mattiglag,” awa aum.

Luk 21:15

Aɗinu? Da geha da dakka ag nai akkulagnu oɗelagppa mein, dabmak ena ele madakkul. Geha kekeɗ ahilkad ag da nai madakkul amu otaɗna tabappeg nokkunu ele iitta.

Luk 21:36

Amunu ag hanhan tutukku dabmena daanna, keeke amu oh anidmananu amu, ag Danab Bekkalag da, da noolppa hippaidkkulagnu elele daaglagnu ele unuqitteg!” awa aum.

Aposel 20:27

Aɗinu? Da Kayaknu dabmak oh ag amelagppa mehuqkkulnu dayom amu da ii bodoettami. Iitta. Da mattimi.

2 Korint 5:16

Anam amunu gemu amu, ig oo alagppan kobolppa baula danab laa ib amuppa ii epeɗittem. Genab, anukka ig oo alagppan kobolppa Kristus epeɗimut, amge gemu ig anam ii hettem.

Galesia 1:10

Nai da gemu attem imu amu danab ag dahilnu oolagppa ena dooglagnute attem? Iitta! Da Kayak Nug dahilnu oo ena dookkunu hettem. Da am danab ag oolag ittag qekkunuib hettemte? Am da danab ittag qekkunu hettem dayeblob amu, aria da Kristusnu maɗi nid iitta daalom.

Galesia 2:5

Amge ig Nai Ena ag iitta aɗi, ahilagppa hanhan daakkunu oonig dayom amunu, ig gaɗalag Kristen dilag nai amu nakoknab laa ii dabmemut.

Hibru 5:14

Amge ee ɠagattag am danab kalulag ele, ahilagnu daatte. Danab anam amu, ahilag dabmak am okkai meum, ag dabmak elele aon oitteb amunu, ag kobol ena, nau ele epeɗin dooglagnu elele.

Jut 1:24

Aria Kayak Nug ag dabmatta auta aweb, ag ii nena qemananu elele daatte, Nug nukka ag diia, Nug noobppa, aben amuam binag amahlak oppiaawak ele, appa nuhig neekkakppa ag oolagppa kaliak laa iitta ele, maɗoɗppan gamag ahak naɗi eleppa maatteb daaglagnu ele elele daatte.