Jeremaia 15:15 - Nobonob Baibel

¹⁵ Yawe Nug anam a, da ami. “O Yawe, laa ag guittak meɗatteb na doottem amunu, na dahilnu dabmena, atognoiɗkkutnu oɗ medattem. Ao, na heppe, laa guittak meɗatteb, ag nob nau aoglagnu unuqidttem. O Yawe, laa guittak meɗatteb amu, ag amu hebeppeg, na oo maɗoɗ ele dayak kobol dim lamidppeppe ukkeb, ag da iuppeg mauhpanu oɗ medattem. Na da nahipnu anuqak doyen oiiyi, laa guittak meɗatteb amu, na amu dabmekkutnu oɗ medattem.

Jeremaia 15:15 ပူးပေါင်းရင်းမြစ်များ

Nehemaia 13:22

Da amu hewoya, da Lewi buɗubppan mana mettak danab iitta, ag Kayak ele ouqa dayaknu elele daaglagnu beɗulag, oolag ele bappaidna gona, od gumak uɗat hekkulagnunab ag amelagppa ami. Ag amu heppeg, Sabat deɗ, deɗ amuam Kayaknu tituanak daatte, deɗ amu anam daakkunu anam hemi. O Kayak dahil, uɗat dahil amunu ele na dahilnu dabmekkutnu oɗ medattem. Na oo mauhaknab kobol nahip dim lamidna, dahilnu oot gai-iitta doon oot meɗan ehaniɗkkutnu oɗ medattem.

Nehemaia 13:31

Laa ele amu, da danab ah ag deɗ deɗppa aab aon meppeg, mana mettak danab ag aab amuppa qaɗabppa doɗ manadna, Kayak mettaglagnu ib bappaidmi. Laa amu, da danab ah ag dattanu ee tatam oɗutte ele aon uɗin, Kayaknu mettid lakka mekkulagnu ele ib bappaidmi. O Kayak dahil, na dahilnu dabmena, ehaniɗkkutnu oɗ medattem.

Nehemaia 5:19

O Kayak dahil, da danab ah imu ib anamppa ehanadkkulnu aakku hemi amunu, na dahilnu dabmenana, ena aniɗkkutnu oɗ medattem.

Nehemaia 6:14

Da anam doomi amunu, da Kayak inam unuqidmi. “O Kayak dahil, Tobia, Sanbalat ele dilah eheɗ hak, amu propet ah Noadiah, propet laala ele ag heppeg, da baɗak dookkulnu henan daappig amu, da na ahilag hak nau amu ele dabmenana, nob madakkutnu unuqidttem,” unuqidmi.

Job 10:7

Na da beɗulppa aab laa ii daatte doottem. Ao, na ele auntai laa nug da ehaniɗa, na eppenppanu awiɗkkunu elele iitta doottem.

Sam 102:24

Anam amu, da Yawe unuqitte ami. “O dahil Kayak, na hanhan bauklel daattem, na oot meɗan, da danabnab daappi, dahil bauklel ii aomnanu oɗ medattem.

Sam 106:4

O Yawe, na nahipad danab ah dilagnu na ii helom bia me, na ehanadnana, dahilnu dabmekkutnu oɗ medattem. Na ag padal ii memananu ehanadnana, da ele ehaniɗppe padal ii mepanu unuqidttem.

Sam 119:84

Da, da am nahip maɗi nid, da na amen mein daattem; amu haen gane laa ele ukkeb, da anamib na amen mein daakkul? Haen gane laa ukkeb, na laa, ag da eheɗ heiɗkkulagnu hetteb, na ag bu madakkut.

Sam 17:3

Na dahil dabmak attemu amu anidna malame. Ao, na da ool attemu daatte amu, tuqanppa na anidna malame. Na da pehettananab aniɗna doottem, da eheɗ laa ii hein oimi. Da nai mattiak dahilppa eheɗ laa ii hein oimi.

Sam 39:13

Da mauhen, wanppa ii daapa, amge da ii mauhmi, haen gamag imuppa amu, da eɗue, ool gamag ahak ele daakkulnu amu, na da baula bu ii iumnanu oɗ medattem.”

Sam 44:22

O Kayak, danab ah ag ihinignu nau ninig ele doottebnu diig am, ig na dim lamidttem amunu, ag ig deɗ oh amun tuqan ele iqaglagnu hetteb. Ao, danab ag sipsip lanaknu baalag otaɗadtteb, amubia danab ah ag ig iqaglagnu dabmak aotteb.

Aisaia 38:3

“O Yawe, na dahil hak imu dabmekkutnu oɗ medattem. Da na noomppa oo metta ii uuak kobol dim lamitte oiyeye, da meul ohppa na dim lamidkkulnu heine oiyeye, da amenppa kobol aɗi aɗi am ena, da amu dim lamidmi.” Hesekaia nug anam unuqittowa, nug huana gayom.

Jeremaia 12:3

Anam, amge O Yawe, na da dooiɗttem. Da nahipnu attem attem dabmettem amu, na doon, epeɗidttem. Anam amu, na eheɗ hak danab amu, danab nug sipsip aqadkkunu mauhnoaknab diiadtte, amubia na amu eheɗ hadakkutnu ool daatte. Ge, na tituanadna heppe, danab ah huanak aqe mauhak deɗppa laa ag danab eheɗ hetteb ele huanak aqappeg mauhkkulagnu oɗ medattem.

Jeremaia 15:10

O anai, na da ii menuiɗlom am ena. Wan imu ohppan danab ah ag dahilnu ena ii doon, ag dahilnu nai hetteb. Da aɗi keeke, ag amu anidna, dahilnu eheɗ dooglag, da amu laa ii hemi, amge danab ah oh ag da eheɗ laa awaknu anak waappa daakkulnu atteb.

Jeremaia 15:20

Geha da aab okkainu aɗ ɠagattag, amubia da na meidkkul. Ao, da aɗ ɠagattag, brasppa hak bia meidkkul. Da na anam aakku meidppi, Israel danab ah ag nahip-ppa ban hekkulag, amge ag na ii eɗidmana. Aɗinu? Da na ele daaɗa, ehanitten heppi, laa heeb nauhmananu aakku daattem.

Jeremaia 17:16

O Yawe, na nahipad danab ah gumattak uɗat imu da meɗame amu, da uuen oole, uɗat laa ii hemi. Na doottem, da deɗ laa na heppe, Juda danab ah imu ag nauhkkulagnu ool ii dayom. Da aɗi nai madittem amu, da na amenppanab madittem; da na doomnanu lokkumen madikkulnu ii hettem.

Jeremaia 18:23

O Yawe, na ahilag maittak, ag heppeg mauhkkulnu dabmetteb ele amu, na amu doottem. Na doottem amunu, na ahilag hipunin ii uhuqna mattamnanu, na ahilag hipunin na noomppa daan, ii iitta memananu da na oɗ medattem. Na ahilag haknu oo nauhak doonna, na heppe, ag nena qena, padal mena autna aoglagnu oɗ medattem,” awa unuqittom.

Jeremaia 20:11

Ag anam atteb, amge Yawe Nug da gukkuiɗak daatte. Nug ban danab ɠagattagnab laa bia daatte. Nug amubia daatte amunu, danab ah ag da heiɗppeg nauhkkulnu hetteb, ag geha nena qeppeg, ahilag dabmak am iitta mekku. Geha ag aɗi keeke hekkulagnu dabmetteb amu, ag ii hemana amunu, geha ag uɗa nak nau guittak ele dooglag. Geha danab ah ag uɗa nak ahilagnu iinab daulag atima.

Jeremaia 20:12

O Yawe Nakka Ɠagattag Oh Ele, na danab ah ag tutukkute, o iittate, na amu epeɗiadnana, na ag oolag, amu dabmak ahilag oh ele doottem. Na anam aakku henana daattem amunu, da eheɗ haknu nob tutukku mattaknu uɗat amu na eppenppa mettem. Uɗat amu na eppenppa mettem amunu, danab ag da eheɗ heiɗkkulagnu hetteb amu, na eheɗ hak ahilag, na amunu nob tutukku madakkutnu oɗ medattem.

Jeremaia 20:8

Aɗinu? Haen da nai attem amu, da nai qale, danab ag laa guittak nau mauhnoak madatteb, amu danab ag laa dilag keeke heeg nauhtteb, da amu dilagnu ai, nai amu ag yaaladtte. Yawe na da nai akkulnu, na amu ippuniɗme amunu, nahipnu nai, nai amu he, danab ah ag hanhan awa awa qettak nai naunab dahilnu anana, da nai madittemnu ele ag dahilnu nau dootteb,” awa aum.

Gayak Nai 3:64

O Yawe, laa ag amu hetteb amunu, na ag dahilppa eheɗ hettebnu nob elele ag madakkutnu oɗ madattem.

Gayak Nai 3:66

O Yawe, na ahilagnu oot nauheb, eheɗ hadappe, padal mena; ag wanppa baula ii daamnanu oɗ medattem.

Matyu 10:22

Da onil ahilagppa daatte amunu, danab oh ag oolagppa ahilagnu nau ninig ele dooglag, amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

Matyu 19:29

Aria, danab aun nug da onilnu ha, nug anig, mameg, awakkud, amakkud, apakkud, appinkkud, nug wau, bekkod, aɗekkud, nug laug amu nuhig dad okkai ele uuatta, da dim lamiɗtte amu, nug hamu ii daama. Iitta. Nug amu bia amge laippuib iitta, nug 100 awa, nug bauklel hanhannu ele aokku.

Luk 21:17

Am geha danab ah oh ag ahilagnu nau ninig ele dooglag. Aɗinu? Da onil ahilagppa daatte.

Rom 12:19

O lailadnab, laa ag ahilagppa eheɗ heppeg amu, ag nob nau aib meppig. Uuppeg, Kayak nukka heeb, nuhig oppoɗi bak amu, ag amu aoglag. Amuam Kayak naippa, nai daatte amubia. “Eheɗ haknu nob tutukku eɗua mettak uɗat am dahil. Da geha aun aɗi ag eheɗ hetteb amu, da nob nau madakkul.” Naɗi Nug anam atte.

Rom 8:35

Ig Kristusnu oo mauhak ooppa daattem, amu aun nug amuppanu matakkikka aokku? Uug laate; o iitta oiyak ihinigppa keeke ig mawaknu uug doottem, amute; o iitta eheɗ heikkak, amute; o iitta enug haen, amute; o iitta keekenu tutu mak, amute; o iitta qagaiettak haen, amute; o iitta mauhak, amute, o amu oolagppan laa am Kristusnu oo mauhak ooppanu matakkikka aokkute? Iittanab!

2 Korint 5:11

Amu ig Naɗinu ebehi oh bodoetta le mak doottem amunu, ig danab ag nuhignu oolagppa genab dooglagnu uɗat okkai hettem. Kayak Nug ig dooikka malom; Nug noobppa am ig miag bemut daattem. Amu ag ele ig anam dooikkulagnu ool naɗi daatte.

2 Timoti 4:14

Aleksander, nug am keeke brasppa hak doyak danab amu, nug da eheɗnab heiɗom. Dimppa Naɗi Nug kobol nug heum ele, amunu eleleppa nob medakku.

Revelesen 18:20

O hab aab, na nuhigppa beum amu, na maɗoɗppan gamag ahak doye! Amu ag Kayaknu danab ah oppiaawak ele, Kristusnu totol danab, amu Kayaknu propet ele amu, ag ele anam heig! Kayak Nug aab okkai amu nug ahilagppa eheɗ heum, Nug amunu nug nob nau aakku mettom,” awa aum.

Revelesen 6:10

Anattitti, ag baalag okkaippa enana appig. “O Naɗi Nakka Ɠagattag Oh Ele, na am oppiaawak, kobol genabib dim lamidttem. Na haen ganeb danab wanppa daatteb, ag ig na ii uuittut, iqaeg mauhmut ele amu, na haen ganeb ag heppig amunu epeɗiadna, ig tiinignu nob ahilagppa eɗukkut?” aon appig.

Ikki Danab 16:28

Amu ⌊laa nug eppeg aɗeɗe oipiɗ ele amu eppekuɗ diiata, biidod aɗalatkkunu maate, amu⌋ Samson nug Yawe unuqittom. Nug unuqitta aum. “O Naɗi Yawe, na dahilnu dabmekkutnu oɗ medattem. O Kayak, na da haen laippu laa ele ɠagattag meɗappe, Pilistia ag da amel doɗo kehalatppig imunu nob mekkulnu unuqidttem,” awa aum. Samson nug anam anana unuqittom.