Jeremaia 15:10 - Nobonob Baibel

¹⁰ O anai, na da ii menuiɗlom am ena. Wan imu ohppan danab ah ag dahilnu ena ii doon, ag dahilnu nai hetteb. Da aɗi keeke, ag amu anidna, dahilnu eheɗ dooglag, da amu laa ii hemi, amge danab ah oh ag da eheɗ laa awaknu anak waappa daakkulnu atteb.

Jeremaia 15:10 ပူးပေါင်းရင်းမြစ်များ

1 King 21:20

Elaiya nug Yawe nai aum amu awa, nug Ahap gumitta ukkom. Ukka te amu, haen Ahap nug Elaiya antta, nug inam amegppa aum. “Kekeɗ dahil na, na eɗun dahilppa bemete?” awa aum. Awa a amu, Elaiya nug aum. “Ao, da na maditte uɗimi. Aɗinu? Na kobol eheɗib nahip ɠagattag ohppa hekkutnu dabmenan oittem. Yawe Nug nuhig neekkakppa kobol amunu am nauib dootte.

1 King 22:8

Jehosapat nug Ahap anam oɗ mette, Israel dilag king Ahap nug aum. “Laippu laa ig hepput, nug Yawe oɗ metteb, aɗi ab doya, nug ab doognignu elele. Nug am Imla bekka Mikaia, amge da danab amunu nau ninig ele doottem. Aɗinu? Haen oh nug dimppa aɗi bekkunu nai dahilnu da amelppa maditte amu, keeke ena laa bekkunu ii maditte. Iitta. Nug nauib bekkunu atte,” awa aum. Ahap nug anam a, Jehosapat nug aum. “O king, na anam madikkutnu am ena iitta,” awa aum.

Sam 109:28

Ag da eheɗ laa awaknu anak waappa daakkulnu atteb, amge na da itiɗkkut. Ag deɗ laala da banel uɗiglag, amge ag uɗa nak aoglag. Anam amunu, da nahip maɗi nid, da gamal ahakku.

Sam 15:5

ag men doɗo lon hetteb, amge ag eɗua awaknu tuɗidna okkai awak kobol uutteb, ag hettoɗiakppa, o adekkuppa laa beɗulagppa aab iitta ele eheɗ aoglagnu, ag lokkumakppa eheɗ hekkulagnu ehanittak ii aotteb. ⌊Danab ah ag amu hetteb ele amu, ag na lautppa, nahip qaukoppa wakkulagnu elele.⌋ Am danab ah ag kobol ena amu hetteb, ag kobol nau amu ii hetteb ele amu, ag hanhan ɠagattag daaglag.

Sam 69:4

Danab ah kuɗum, ahilag ebqak amu da ikkil uɗug ikkilppanu eɗittak daatteb, ag oolagppa dahilnu diig iittappa nau ninig ele dootteb. Genab, da eheɗ heminu ag atteb ele amu, da ii hemi, amge kekeɗ dahilad ag hambuppuna, da eheɗ heminu atteb. Ag ɠagattag daana, da iuppeg mauhkkulnu hetteb. Da ahilag keeke laa yab ii aomi, amge ag da yab aomi anana, duttuniɗna, da keeke amu yab aolom bia nob mekkulnu hetteb.

Eksodas 22:25

Danab o ah dahil laa ag oolagppan nug keekenu tutu mak dayaya, ahilagppanu lon aweb amu, ag danab nug bisnis uɗat ha, lonnu intres aotte amu, ag nug hette bia aib heppig. Iitta. Ag intres laa aib aoppig.

Prowerb 26:2

Danab laa nug eheɗ laa ii heum, me danab ag nug eheɗ laa awaknu anak waappa daakkunu akkulag dayeb, nai amuam meu ii oma; nai amuam ai naunau ag hagagaɗna laih laih gona, aben laippuppa ii daatteb, am amubia, nai amu danab amu, nuhigppa ii daama.

Jeremaia 15:20

Geha da aab okkainu aɗ ɠagattag, amubia da na meidkkul. Ao, da aɗ ɠagattag, brasppa hak bia meidkkul. Da na anam aakku meidppi, Israel danab ah ag nahip-ppa ban hekkulag, amge ag na ii eɗidmana. Aɗinu? Da na ele daaɗa, ehanitten heppi, laa heeb nauhmananu aakku daattem.

Lewitikas 25:36

Na laa lon mettana, na lonnu intres aib aome. Iitta! Na Kayaknu ebehin oh bodoetta le maɗ! Na anam heppe, na layap, Israel ted, nug na, amu nahipad danab ah ele oolagppa daakkunu elele dayeb daaglag.

Lewitikas 25:37

Na layap laa nahip-ppanu lon aokku dayeb amu, na lonnu intres ii aokkutoitte. Nug nahip-ppan ee daden meeb amu, na aib men doɗo daden meme ele, amu etta tak, eɗua ele medakkunu heme.

Habakuk 1:3

O Yawe, laa ag nai doya mala hettoɗia epeɗia elele mettak kobol ii dim lamidna, laa eheɗ hattegeg, na ag amu ii hemananu ib oo ii nettem amunu, ag heegeg, da ag anadttem. Da amu antten, diig aɗinu na hee, ag amu ii hemananu ib oo ii nettem amu, da ool ii maidtte. Laa ag laa dilag keeke heeg nauhtte anidttem. Laa ag laa dilagppa guittak nau mauhnoak mettak kobol dim lamidna hetteb anidttem. Nug aittak, nug qak ele huanak daatteb anidttem.

Matyu 24:9

Anam amu haen amuppa laala ag ag aɗualadna, eheɗ hattanna, ag aqappeg mauhkkulag. Am geha danab ah oh ag ahilagnu nau ninig ele dooglag. Aɗinu? Da onil ahilagppa daatte.

Matyu 5:44

Amge da ag amelagppa attem. Ag ahilkad kekeɗnu ag oolag mauhaɗ! Amu aun laala ag ahilagppa eheɗ hadatteb amu, ag Kayak ahilagnu unuqitteg!

Luk 2:34

Simeon anam ana, nug itittak ena matowa, nid anig Maria amegppa aum. “Doye, nid imu heeb, Israel danab ah kuɗum ag nena qekkulag, amge Nug heeb, kuɗum ag eɗun ahaglag. Nug am Kayak anidkkunignu epponak keeke daakku, amge danab kuɗum nuhignu nai nau akkulag.

Luk 6:22

Ag Danab Bekkalag da, ag da dim lamiɗtteb ele amu, ag da dim lamiɗtteb amunu, haen danab ag amu dabmetteb, ag ahilagnu oolagppa nau ninig ele doon, ag geɗadna, nai nau ahilagnu anana, ag am danab nau ele atteb amu, ag dahilad amu ag itittak ena aoppig daatteb.

Aposel 28:22

Amge ig na nakka nahip dabmak aɗa ameg ma dayak amunu attem daatte oɗenppa madippe doognignu oonig daatte. Ig doottem, aabaab ohppa danab ah ag Kristen dilag huunu nai eheɗ maditteb.” Ag anam aon Pol amegppa appig.