Jeremaia 14:3 - Nobonob Baibel

³ Anuqak danab ag heppeg, ahilkad maɗi nid ag le moɗ buuppigppa le itaglagnu gokkulag, amge ag le laa ii anidmana. Ag le ii anidna, ag eɗun, le iitta hamu gonana, ag oolagppa uug nau qak doon, dabmak huanaknab aonna, ikkilag hautkkulag.

Jeremaia 14:3 ပူးပေါင်းရင်းမြစ်များ

2 Samuel 15:30

Aa eɗuya goya daapiɗ, amge Dawit nug ugakka, Olipnu Qauko taata gayom. Nug ikki hauta, baeg gaɗa ele ii meum. Danab ah oh nug ele goppig amu, ag ele ikkilag hautna, gonana gaappig.

2 Samuel 19:4

Ag anam heppig, amge Dawit nug iɗu hauta, Apsalom mahitta, huana qanana aum. “O da bekkal Apsalom! O da bekkal, da bekkal Apsalom!” awa aum.

1 King 17:7

Am Israel wanppa gu ii neene, haen laala ukkom amunu, le amu ele qaɗaiettom.

2 King 18:31

Ag Hesekaianu nai aib dooppig; aib dabmeppig. Iitta!’ Anam amu ag Asiria dilag kingnu nai dabmekkulag am ena. Nug atte. ‘Ag dahil nai doon, ag da waalppa daaglagnu anana, ag dahilppa uɗippeg, ag oh ippa daanna, ag ee ahilag wanppa bette ele, amuam grep meu, ad fig meu ele amu, ag amu, le oug ahilag ele lanana daaglag.

Esta 6:12

Haman nug anam ha male amu, Mordekai nug eɗua, king laugnu odppa ukkom, amge Haman nug laippun laugppa ukka, nuhigppa kobol beumnu mahiak okkainab heum.

Job 6:20

Ag, ‘Ig genab aben amuppa le anidkkunig,’ oolagppa genab doon gotteb, amge ag appa tena, le ii anidtteb amunu, ag oolagppa uug nau dootteb. Ao, ag appa tetteb, amge ag le iitta anidna, ag oolag uug ele daatteb.

Sam 109:29

Danab nug lamen tagatte, amubia uɗa nak nau guittak ele am dahilad kekeɗ tonatteb daaglag. Ao, danab nug ulahnu lamen mette, amubia dahilad kekeɗ ag uɗa nak aoglag.”

Sam 40:14

Na heppe, laa ag heppeg, da padal mekkulnu hetteb ele, ag uɗa nak, ge, ag uɗa nak nau guittak ele dooglagnu oɗ medattem. Ao, laa ag da uug iwe aniɗna, gamag ahak dootteb ele amu, ag bittumttum gonana, uɗa nak nau guittak ele aoglagnu unuqidttem.

Jeremaia 14:4

Gu nakok laa ii nema amunu, wan qaɗaietta auta autanab awa, wan aoɗa makkuleb, oɗe elab daaglag. Anam daakku amunu, ee eppak danab oolagppa uug qak doon, ag ikkilag hautkkulag.

Jeremaia 15:18

Da anam aakku daami amunu, da tuɗid eleib guittak doyeye oittem, da amunu diig amu, da ool ii maidtte. Ao, laa ag da ihil meɗaeg ii qaɗaiedatteb amu, da amunu diig ele, da ool ii maidtte. Le okkai laala ag qaɗaiettaeg, danab ah appa le ii aotteb. Ao, le qeppuɗia bak laala ag qaɗaiettaeg, danab ah ag le appanu ii aotteb. Am amubia na dahilnu hekkutte?” Da anam ami.

Jeremaia 2:13

Aɗinu? Danab ah dahilad, ag hipunin ib aɗit iikku heppig. Laa ag da, da am le bauklel diig amu, ag da uuiɗna, piɗe wana oitteb. Aria, laa amu, ag akka ag le aoglagnu wan moɗ buuppig. Ag amuppa le aoglagnu simen aɗappig, amge simen am aoɗom, le moɗ amuppa le daakkunu elele iitta.

Jeremaia 2:37

Da laa ag Israel, ag ahilagnu ehanittak aoglagnu oolagppa genab dootteb, da laa amu geɗadmi; ag Israel, ag ahilagppa ehanittak ii aomna amunu, ag Isip dilagppa ele oo uugnab, uɗa nak ele doon, ahan Isip uuglag.” Yawe Nug anam atte.

Jeremaia 20:11

Ag anam atteb, amge Yawe Nug da gukkuiɗak daatte. Nug ban danab ɠagattagnab laa bia daatte. Nug amubia daatte amunu, danab ah ag da heiɗppeg nauhkkulnu hetteb, ag geha nena qeppeg, ahilag dabmak am iitta mekku. Geha ag aɗi keeke hekkulagnu dabmetteb amu, ag ii hemana amunu, geha ag uɗa nak nau guittak ele dooglag. Geha danab ah ag uɗa nak ahilagnu iinab daulag atima.

Jeremaia 3:3

Ag amu heegeg uɗie, gemu ele hetteb amunu, da hei, gu ii nette. Ge, ag amu heegeg uɗie, gemu ele hetteb amunu, da hei, aam haenppanu gu laa ii nette. Ag eheɗ hetteb, amge ag hamu bia dootteb. Ag ib baag ah nug kobol nau hette, amge nug amunu hamu bia doya, uɗa nak nakok laa ii dootte, ag amubia hetteb.

Gayak Nai 4:4

⌊Juda dilag⌋ nid yuɗ ag le baalag eheɗnab diia, baalag qaɗaiettom. Nid naunau ag laa ee nakok mattaglagnu gadonppa oɗmak henan daatteb, amge laa ii madatteb.

Hosea 2:3

Am nug nau hak amu ii uukku dayeb amu, da geha nug bu naunab medakkul. Da heppi, nug bam iitta daakku. Ao, da heppi, nug anig ooppanu bam iitta doum bia daakku. Da heppi, nug atu taɗak bia daakku. Ge, da heppi, nug atu, le iitta, qaɗaietta auta autanab aotte, nug amubia daakku. Da heppi, nug le baag eheɗ diieb mauhkku.

Joel 1:20

Doɗ manan agib uug ii dootteb. Iitta. Doɗ dakkuɗ ele ag uug doon, nahip ehanittaknu gaatteb. Aɗinu? Le oh qaɗaiettom, gikkiɗahnu dad okkai ooppa, gikkiɗah amu ele aam he bunaɗom.

Amos 4:7

Yawe Nug anam ana amu, Nug ele atte. “Wit, bali keeke meu awak haen nakok miag doob, kalam ewam uueb, meu oɗueb aolob amu, haen amuppa da hei, gu pehettak ii neum. Da hei, gu aab laappaib ne, aab laappa ii neum. Ao, gu dad okkai laappa ne, dad okkai laappa ii neum amunu, dad okkai laa gu ii neum ele amu, keeke qaɗaiettom.

Amos 4:8

Gu ii nedeppa amu, appa le iitta daye, danab ah ag beɗulag gai-iitta daye, ag ahan qiin ona, qiin donana, aab laappa le mattin goppig; amge ag le lakkulagnu elele ii aoppig. Da hei, ag Israel, ag ahilagppa anam beum, amge ag eɗun dim lamiɗkkulagnu da gumiɗna ii uɗippig,” awa atte.

Sekaraia 14:17

Aria, wan atten laanu danab ah ag Yawe Nukka Ɠagattag Oh Ele, Nug am king, ag Nug noobppa dup nona binag mekkulagnu Jerusalem tekkulagnu uuglag amu, gu ahilag wanppa ii nema.