Jeremaia 14:22 - Nobonob Baibel

²² Wan laalappan kayak hambuppuak dottolkad ag heeg, gu nettete? Ge, hab nug nukka he, gu nakok laa nettete? Iitta! Na, Yawe, ihinig Kayak, na hee, gu nette amunu, ig naib neekkidttem. Aɗinu? Naib keeke amu oh hettem amunu, ig naib dabmedattem.

Jeremaia 14:22 ပူးပေါင်းရင်းမြစ်များ

1 King 17:1

Elaiya nug am propet laa. Nug appag diig am aab onig Tisbe. Aab amuam Gileat wanppa dayom. Haen laappa Elaiya nug King Ahap gumitta ukka, amegppa inam aum. “Yawe, ig Israel, ihinig Kayak, da nuhig maɗi nid daattem, amu Nug genab bau daatte, genab amubia amu, geha gu, baito ele maɗ laala wanppa baula ii nema. Anam dayebeb ukkeb, geha da appi, amu nekku,” awa aum.

1 King 17:14

Aɗinu? Yawe, Israel dilag Kayak, Nug atte. ‘Waa ooppa plaua daatte, amu ii iitta mema, goɗen hinaippa daatte amu, amu ele ii iitta mema. Anam dayebeb ukkeb, deɗ da Yawe, da heppi, gu eɗua wanppa neeb, ⌊ee baula dayebeb⌋ batakku,’ awa atte.” Elaiya nug anam aum.

1 King 18:1

Amu haen elab gu Israel wanppa ii neum. Anam daye, maɗ ewam ukke, maɗ ewam amu ooppa Yawe Nug nuhig nai imu Elaiya mettom. “Na Ahap gumidna goppe, Ahap na anitteb, da heppi, gu wanppa nekku,” awa aum.

1 King 8:36

Yawe na hab aabppa daana, danab ah nahipad, ig Israel, ig nahipad maɗi nid maɗi ah ele, na ihinig unuqittak amu doon, ihinig hipunin amu uhuqna mekkan, na ig kobol tutukku dim lamidkkunignu ihuhuigkkutnu oɗ medattem. Amu na heppe, gu nug wan imuppa nekkunu ool daatte. Wan imu anukka nahipad danab ah ig mekkame, wan imuam ihinig, ig aunig.

Job 28:26

Nug gunu ɗo ma; nug lombig hinqak ele ippu mettom.

Job 5:10

Kayak Nug he, gu wan ehanidkkunu nette. Ao, Nug he, wan le elele daatte.

Sam 130:5

Da Yawenu ehanittak aokkulnu ool dayeye, da Nug amu hekkunu ameg mettem. Da Nug oɗeppa nai mattiom, da nai amunu oolppa genab doottem.

Sam 135:7

Nug he, lombig wan tona daatte. Nug gu, amemɗi ele maate uɗittep. Nug he, ulah uɗitte.

Sam 147:8

Yawe Nug he, bud huanak habppa daatteb. Ao, Nug he, gu neene, wan le aotte. Nug hette, amuppa Nug he, gikkiɗah qauko nakokppa betteb.

Sam 25:21

Am da na amen mein daattem amunu, dabmak oiyak ele tutukkuib dim lamittak kobol, am genab tutukku hak kobol ele, aa hepeɗ, da ena daakkulnu oɗ medattem.

Sam 25:3

Danab ag nahipnu oolagppa genab dootteb amu, kekeɗ ag ii eɗadtteb, amge danab ag doonna, laa naunab hambuppuidtteb amu, ag uɗa nak aotteb.

Sam 27:14

⌊O danab ah,⌋ ag Yawe Nug ehanadkkunu ameg meig! Ao, ag oolag ɠagattag qena daanna, ag dabmak nau aib aoppig. Ge, ag Yawe ameg meig!

Aisaia 30:18

Diig amunu amu, ⌊Ag oolag eɗueb,⌋ Yawe Nug oo bodoette enanag maɗoɗ ele hak kobol dim lamittatta, amuppa ag ehanadkkunu oo huan daatte. Ao, Nug ⌊ag oolag eɗueb,⌋ Nug ahilagnu oo bodoetta le mekkunu babaittak daatte. Aɗinu? Yawe Nug am Kayak haen oh nai doya mala hettoɗia epeɗia elele mettak kobol dim lamidtte. Amu aun aɗi ag Yawe ameg metteb ele amu, ag am itittak ena aoppig daatteb.

Aisaia 30:23

⌊Ag amu heppeg,⌋ Yawe Nug heeb, gu nug keeke ag ebappig ele le medakkunu neebeb, ee meu huanak, ittag ele wanppanu aoglag. Haen amuppa ahilag makau ag gikkiɗah dad okkai okkaippa gikkiɗah lanan daaglag.

Aisaia 41:29

Antteg! Kayak hambuppuak ag oh am keeke genab iitta. Ahilag hak laa ii daatte. Ag dottolkad ele am keeke genab iitta, ag am ulah bia,” awa atte.

Jeremaia 10:12

Amge Kayak Nug nuhig ɠagattagppa wan heum. Nug doyak dabmak ena ele nuhigppa wan ha, abenppa meum. Ao, Nug diignu doyak tutukku nuhigppa ele ha, hab nuhig abenppa meum.

Jeremaia 10:13

Kayak Nug a, lombig hinqaknab ahaeg, hakkaɗ qette. Nug he, lombig amu wan atu ohppa ahatteb. Nug he, amemɗi awewe, gu ele ne, ulah ele Kayak meumppanu uɗitte.

Jeremaia 10:15

Ag am keeke diig iitta, keeke hamu. Danab aon aon aqaglagnu keeke. Ahilag bu awak haenppa, Yawe Nug kayak hambuppuak dottolkad amu hettoɗiatteb, ag oh padal mekkulag.

Jeremaia 10:3

Aɗinu? Wanppan danab ag ahilag kobol am meu iitta; ii ehanadtte. Ag atuppan ad laa oeg qiie, ag aon gona, danab uɗat amu haknu doyak okkai ele laa mettan heeg, nug ad amu awa, kayak hambuppuak dottog hoitte.

Jeremaia 16:19

Amu da, Jeremaia, da Yawe amegppa unuqidmi. “O Yawe, na dahil ɠagattag, aab aɗ ɠagattagnab ele dahil bia ele daattem. Ao, uug nau baknu deɗppa na dahil padal mak eɗitteb ena dayaknu ehanittak daattem. Qinob wan atu ohppan danab ah ag na noomppa uɗin, ag akkulag. ‘Ig mamenkad aɗi ag kayak hambuppuak aakkuib dabmeppig. Ao, ag kayak hambuppuak dottolkad ii ehanadppig ele, ag ahilagnuib dabmeppig,’ aon akkulag.

Jeremaia 5:12

Juda danab ah ag Yawe, nuhignu hambuppun atteb. “Ig eheɗ hettemnu amu, Nug keeke aɗitai laa ii hema. Uug laa ihinigppa ii bema. Kekeɗ ag uɗin, ii iqamna. Enug haen ihinigppa ele ii bema. Iitta.

Jeremaia 5:24

Ag dabmak tutukku aolob, ag inam alob. ‘Yawe, ihinig Kayak, Nug gu nekkunu daatte haenppa gu he nette amunu, ig ee ele daattem. Nug anam hette amunu, ig nuhignu ebehinig oh bodoetta le maɗ!’ Ag anam mattilob, amge ag dabmak tutukku amu ii aotteb amunu, ag anam ii atteb.” Yawe Nug anam awa atte.

Jeremaia 51:16

Nug a, lombig hinqaknab ahaeg, hakkaɗ qette. Nug he, lombig amu wan atu ohppa ahatteb. Nug he, amemɗi awewe, gu ele ne, ulah ele Kayak meumppanu uɗitte.

Hosea 2:7

Geha da anam heppi, ag anilag nug danab nug ag ele niippig, nug ag ele baula niiglagnu dim dim lamadkku, amge nug ag aɗalatta diikkunu elele iitta daakku. Ao, nug danab nug ag ele niippig, nug ag ele baula niiglagnu mattialadkku, amge nug ag anadkkunu elele iitta. Da anam heppi, nug, ‘Da danab dahilnab ele amu, i gemu da daattem imu eɗittak enanag daamuɗ amunu, da eɗue, nuhigppa gokkul,’ akku.

Joel 2:23

Yawe Nug hanhan genab tutukku hak kobol dim lamidtte amunu, Nug he, oug haen digmetteppa gu neum. Ao, Nug he, gu elelenab, oug haen digmetteppa, gakkaɗak haen digmetteppa ele, anukka neum bia, nette. Anam amunu, Sion danab ah ag gamalag ahaɗ! Ao, ag Yawe, ahilag Kayak, ag nuhignu gamag ahak okkai doyeg!

Amos 4:7

Yawe Nug anam ana amu, Nug ele atte. “Wit, bali keeke meu awak haen nakok miag doob, kalam ewam uueb, meu oɗueb aolob amu, haen amuppa da hei, gu pehettak ii neum. Da hei, gu aab laappaib ne, aab laappa ii neum. Ao, gu dad okkai laappa ne, dad okkai laappa ii neum amunu, dad okkai laa gu ii neum ele amu, keeke qaɗaiettom.

Maika 5:6

Ig otiadpput, danab okkai amu ag Asiria wan qep elabppa heppeg nauha auta aokku. Ao, ag Nimrot appag diig, am Asiria, ag ahilag qep elab ag eppelagppa daappeg, wan amu heppeg nauha auta aokku. Laa Nug ig Israel gumigkku, Nug danab okkai eblaih ewam ele amu eppelagppa heeb, ig Asiria eppelagppa ii daamta. Aɗinu? Asiria ag ig Israel eɗigkkulagnu uɗiglag. Ao, ag ihinig wan tom ooppa laippu tappa ukkakppa uɗiglag.

Maika 7:7

Amge da amu, da Yawe Nug da ehaniɗkkunu dabmak aɗe oittem. Da Kayak, Nug padal mepanu ehanittak dahil daatte, da Nug ameg mettem. Dahil Kayak Nug dahil unuqittak dookku.

Matyu 5:45

Amuppa ag Mamelag, hab attan daatte ele amu, ag Nug bekkod daaglag. Nug he, aam danab nau amu danab ena ele oh qaɗelagppa nette. Nug ele he, gu genab tutukku hak danab, amu genab tutukku hak danab iitta ele oh dilagppa nette.

Duteronomi 28:12

⌊Gu am Yawe eppegppa daatte, Nug aakku he nette.⌋ Ag Nug oɗe dim lamidppeg amu, Nug gu hanebppa heeb nekku. Keeke ena ena oh, am Yawe eppegppa daatte. Ag Nug oɗe dooglag amu, Nug geha ag uɗat oh ag eppelagppa hetteb amu, Nug amunu itadkku. Ag wan laappan danab lon mattaglag, amge ag ahilagppan lon ii aomna.

Duteronomi 32:21

Ag kayak hambuppuak dottolkad noolagppa dup noa binag mak kobol heeg, da ahilagnu dahil doya laa aomanu doyak aɗe daami. Dottolkad amu ag kayak genab iitta. Ao, ag kayak hambuppuak dottolkad, keeke amuam ag ehanadkkunu elele iitta, ag amu noolagppa dup noa binag mak kobol heeg, da ool nauhom. Gemu amu, da danab ah ag dahilad iitta ehanadppi, Israel danab ah ag amu anidna, ag ehanittak amunu ittag aqeeb, ag ele aoglagnu dabmak aona, ag dahilppa eɗun uɗiglag. Ao, danab ah dahilad iitta, ag diignu doyak tutukku iitta, da ag ehanadppi, Israel danab ah ag amunu oolag nauhkku.