Jeremaia 14:21 - Nobonob Baibel

²¹ ⌊Amge⌋ da na oninnu dabmak anuqak aonna, na ig ii geɗigmananu oɗ medattem. Ao, na ag uuadppe, laa ag uɗin, nahip lag enanagnab, na aguppa daattem amu, ag amu heppeg nauhmanu unuqidttem. Na hee, ig ele nug tituanta nai qakkamut amu, na nai amu dabmenana, ii okkulmananu oɗ medattem.

Jeremaia 14:21 ပူးပေါင်းရင်းမြစ်များ

Sam 106:40

Ag anam heppig, diig amunu Yawe Nug danab ah nuhikkudnu oo huana nauhom. Ag nuhikkudnab, amge ag hipunin anam aakku heeg, Nug ahilagnu ooppa uuaknab doyom.

Sam 106:45

Nug ahilagnu dabmak anuqak doyaya, Nug he, ag Nug ele nug tituana nai qakkak heppig, Nug amu dabmetta ehanattom. Nug ag dabmadatta, Nug nuhig oo mauhaknab kobol dim lamittatta, ag tuɗid, uugppa daamnanu uua ehanattom.

Sam 145:11

Nahipad danab ah ele ag nahip ɗo maɗoɗ am binag amahlak oppiaawak ele mattiglag. Ao, ag nahip ɠagattagnu ele mattiglag.

Sam 25:11

Da hipunin kuɗumnab hemi amunu, O Yawe, na oninnu dabmak anuqak awaknu amu, na hipunin dahil uhuqadna meɗakkutnu oɗ medattem.

Sam 51:11

O Yawe, na oot da meɗan, na heppe, da na uuitten ii gopanu oɗ medattem. Ao, na oot da meɗan, nahip Ouɗi oppiaawak ele, na Nug dahilppanu aɗilna ii aomnanu unuqidttem.

Eksodas 32:13

Na nahipad maɗi nid, am Abraham, Aisak, Jakop ele, na amu dilag dabmenana, na amu dilagnu keeke hekkutnu na oninppa, nahip nai ɠagattag qena ame amu, na nai amu dabmekkutnu oɗ medattem. Na nai ɠagattagnab qakkan, ag amelagppa ame am inam. ‘Da dakka da onilppa nai imu ɠagattag qetten, inam attem. Da geha heppi, ag buɗulkad ag kuɗumnab, hoɗopai daatteb bia bekkulag. Anam amu, da geha ag wan imuppa daatteb ele amu, da wan imu oh ag buɗulkadppa madappi, ag aulag hanhan daakku.’ Na anam ag amelagppa ame,” awa aum.

Aisaia 62:6

Juda danab ah, aɗi uɗitte anittak danab ag aab okkai Jerusalem ena daakkunu aab amunu aɗppa daan, ehanidnana, maɗi ahilag hetteb amu, amubia da ag ena daaglagnu ahilag ehanittak danab maatti daatteb. Ahilag ehanittak amu ag amunppa, tuqanppa ele toettan ii daamna. Ag Yawe unuqidkkulagnu ii uumna. O danab ah ag Yawe unuqidtteb ele amu, ag hik aon daaglagnu aib heppig!

Jeremaia 14:19

O Yawe, na Juda danab ah geɗadna malamete? Na Sion danab ah dilagnu ena iinab doottemte? Na guittak nau mekke, ig eɗut ena daagnignu ib laa iittanu diig dookkulnu oɗ medattem. Ig maɗoɗ ele daagnignu oonig dayom, amge ena laa ihinigppa ii beum. Ao, ig eɗut ena daagnignu haen daakkunu oonig dayom, amge baɗak eheɗ nau ele aakkuib beum daatte.

Jeremaia 14:7

⌊Yawe Nug gu ii nekkunu anam mattie, da unuqitte ami.⌋ “O Yawe, ig hipunin hemut, amge na, na oninnu dabmak anuqak aon, na ehanigkkutnu unuqidttem. Ig haen kuɗum na dimedata autta aomut. Ao, ig nahip-ppa hipunin hemut.

Jeremaia 17:12

Jeremaia nug inam unuqittom. “O Yawe, na digmak haenppa uɗie uɗie, gemu ele na nahip sia king enanagnab, na amuppa dayeye daattem. Na am ihinig padal mak eɗitteb ena dayaknu ehanittak daattem.

Jeremaia 3:17

Haen amuppa danab ah ag Jerusalemnu, ‘Yawenu sia king,’ akkulag. Ag anam appeg, wanppan wan ohnu danab ah ag Jerusalem appa da onil binag mekkulagnu qagmekkulag. Danab ah oh ag haen amuppa baula da oɗel dim lamidmananu dabmak ahilag ɠagattag ii eppeb, aɗi eheɗ hekkulagnu oolag daatte amu, ag amu hekkulagnu dabmenana ii hemana.

Gayak Nai 1:10

Kekeɗ ag uɗin, Juda dilag en aon goppig; wanppan wan laala, amuppan danab ag Kayak ii dim lamidtteb ele, ag Yawenu mettid lag ooppa ukkaegeg, Juda danab ah ag amelagppa anadppig. O Kayak, na danab amunu ag na lautppa wana nokkulagnu aib ame; amge ag wana noppig.

Gayak Nai 2:20

O Yawe, na imu anidna dabmekkutnu oɗ medattem; na Juda danab ah uug naunab mattame amu, na laa dilagppa anambia hemete? Ah ag ahilkad nid, ag nid amu atognoattegeg, ena metteb ele amu, ag ag battiadna latteb am kobol tutukkute? Ge, kekeɗ ag mana mettak danab, propet ele Naɗinu mettid lakka aqaeg mauhtteb am enate?

Esekiel 20:22

Amge da ii hemi. Da amu dabmein ami, amge da onilnu dabmak anuqak doyen, da onil wanppan wan ohppan danab ah ag da Israel Isipnu diien, omalatti uɗieg anidppig amu, danab ah amu ag da onilnu, am keeke hamu bia doomnanu, da amu ii hemi.

Esekiel 24:21

⌊Esekiel⌋ na Israel danab ah ⌊na ele Babilon ippa diia ukka laih me dayak danab ah daatteb amu⌋ na ag amelagppa inam appe doyeg! Naɗi Yawe Nug inam atte. ‘Da heppi, hipunin hak danab, Israel buɗubppan iitta, ag dahil mettid lag heppeg nauhkku. Ag Israel, ag dahil lag ag oolagppa daattenu enanag doon, “Lag amu ig oonigppa daatte amunu, aɗitai laa heeb, ig ii nauhmata,” aon atteb. Ag lag amunu enanagnab doon, lag amunu ag oo mauhak bia dootteb. Ag anam dootteb, amge gadon, ag bekkalkad aɗelkad Jerusalem appa daatteb, bekkalkad aɗelkad amu ag banppa mauhkkulag.

Esekiel 39:25

Anam amunu, Naɗi Yawe Nug inam atte. “Da hei, Jakop buɗub ag gona, wan laalappa diia ukka laih me dayak danab ah daatteb amu, da heppi, ag eɗun, ahilag wanppa daaglag. Da ahilagnu oo bodoetta le mak dookkul. Laa ag da onil oppiaawaknu, ‘Keeke hamu bia,’ doomnanu, da yag-nab-bak doye hekkul.

Esekiel 43:7

Nug aum. “Danab bekka, aben imuam dahil sia kingnu aben, da daakkulnu aben iikku. Aben imuppa da Israel oolagppa hanhan daakkul. Israel ag, ahilag king ele ag baula kayak hambuppuak noolagppa dup nona binalag ii memana; ag ele ahilag king dottog aon qappan, amuppa ag da onil oppiaawak ele heeg, danab ah laa dilag neekkakppa nau dayom amu, ag amu baula ii hemana.

Daniel 9:7

O Naɗi, keeke oh na hettem am genab tutukkuib, amge ig Juda danab ah, ig Jerusalem danab ah, ig Israel danab ah oh amu, ig eheɗ hemut amunu, gemu ig uɗa nak naunab doottem. Ig na ippunigmenu oo metta ii uuak kobol ii dim lamidmut amunu, na he, ig wan atu piɗe piɗe matatuta gota daattem. Ig laa ig miag daattem, ig laa ig umanab daattem, amge ig oh am uɗa nak nau doottem.

Lewitikas 26:11

Da geha ag oolagppa dayeye, ahilagnu nau ii doopa.

Amos 6:8

Naɗi Yawe Nug nukka Nug onig awa, nuhig nai ɠagattag qetta, Nug, Nug Yawe Kayak Nukka Ɠagattag Oh Ele, Nug inam atte. “Jakop buɗub, ag dada danab dilag kobol dim lamidtteb amu, da amunu oolppa uuaknab doottem. Ao, ag aab aɗ ɠagattagnab ele bappaladppig amu, da keeke amunu ele oolppa uuaknab doottem. Da anam doottem amunu, da kekeɗ paɗadppi, ag aab okkai ahilag imu eɗidppeg, aab amu, danab ah, keeke oh aab amuppa daatte ele am kekeɗ eppelagppa daaglag,” awa atte.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Epesus 2:7

Nug anam heumnu diig am, Nug nuhig ehanittak okkai hamu mettak laa oh eɗattak kobol, Nug amu dim lamittatta, ig Kristus Jesusnu daattem amu, Nug ihinignu oo bodoettak kobol dim lamidtte, Nug danab oh butti aɗi haen amu daaglag amu ippunadkkunu heum.

Duteronomi 32:19

Israel danab ah, ag Yawe bekkod, aɗekkud ele amu, ag kobol nau heegeg, Nug amu antta, Nug oo nauhom. Nug oo nauhe, nug Israel danab ah guhuɗattom.

Revelesen 11:2

Amge na Kayaknu mettid lagnu haɗap, iitta aɗi ag aguppa oitteb amu, na haɗap amuppa melemel aib meme. Haɗap amuam melemel maknu dimittim dayaɗ! Aɗinu? Kayak Nug haɗap amu iitta aɗi ag amuppa daaglagnu otiom. Amu iitta aɗi ag Jerusalem, aab okkai amuam Kayaknu amu, ag aab amu kalam 42 eheɗ naunab hettaglag.

1 Samuel 12:22

Ag Yawe aib dimedappig. Iitta. Ag Nug dim lamidkkulag. Aɗinu? Yawe Nug amunu ena doya, Nug ag danab ah nuhikkud daaglagnu tituanattom amunu, Nug onignu dabmak anuqak awa, Nug ag, ag am nuhikkud danab ah amu, Nug ag uuatta, di-ii-mattama.