Jeremaia 14:19 - Nobonob Baibel

¹⁹ O Yawe, na Juda danab ah geɗadna malamete? Na Sion danab ah dilagnu ena iinab doottemte? Na guittak nau mekke, ig eɗut ena daagnignu ib laa iittanu diig dookkulnu oɗ medattem. Ig maɗoɗ ele daagnignu oonig dayom, amge ena laa ihinigppa ii beum. Ao, ig eɗut ena daagnignu haen daakkunu oonig dayom, amge baɗak eheɗ nau ele aakkuib beum daatte.

Jeremaia 14:19 ပူးပေါင်းရင်းမြစ်များ

2 Stori 36:16

Anam maatte goppig, amge Juda danab ag Kayaknu nai awa ukkak danab nai aon goppig ele, ag nai amunu ena iinab doon, ag Yawenu danab amu aon aon aqanna, ag Yawenu propet ele aon aon aqaegeg, Yawe Nug amunu oppoɗi bak doya, bu madakkunu dabmak awe, laa heeb bu ii aomnanu ib laa ii dayom.

Job 30:26

Da laa uugppa daappig am anam hemi amunu, da dahilppa ena anambia bekkunu dabmak aɗe oimi, amge kobol eheɗ dahilppa beum; da amahlak anidkkulnu dabmemi, amge gatatu toniɗom.

Sam 78:59

Kayak Nug ag amu heegeg anatta, Nug oo huana nauhe, Nug Israel dimatta, auta awom.

Sam 89:38

⌊O Kayak, na Dawitnu anam ame, amge gemu⌋ na laa nug king daakkunu goɗen gokkaɗakppa tituanak daatte amu, ⌊nug hipunin he,⌋ na nug uume. Na nug dimettame. Na nuhignu oot nauhom.

Prowerb 29:1

Danab nug oo eɗukkunu daug batak kuɗum awawa, hamu bia doyaya, nug oo eɗumanu dabmak nuhig ɠagattag eppe oitte, nug guittak okkai awa nauhkku; nauhaknu aɗi keeke bette amu, baoliaknu ib laa iitta.

Jeremaia 12:7

Gadon, da dahilad danab ah, ag da eppel ooppa daatteb amu, da ag dimatten uuadkkul. Da ahilagnu ool mauhtte, amge da uuadppi, ag kekeɗ eppelagppa daaglag.

Jeremaia 12:8

Dahilad danab ah ag laion atuppa oitte bia bena daan, dahilnu kekeɗ dootteb. Laion kekeɗ antta, eheɗ gaatte, ag amubia dahilnu hetteb amunu, da ag uuadkkul.

Jeremaia 15:1

Amu dimppa amu Yawe Nug da, Jeremaia, Nug da amelppa aum. “Moses, Samuel ele aa am dahilaɗ danabnab daapiɗ, amge aanab da noolppa daaya, danab ah imu dilag unuqiɗlop amu, da ag ena daaglagnu ii ehanadlom. Heppe, ag da noolppanu ukkeg! Da noolppa daaglagnu aib heme!

Jeremaia 15:18

Da anam aakku daami amunu, da tuɗid eleib guittak doyeye oittem, da amunu diig amu, da ool ii maidtte. Ao, laa ag da ihil meɗaeg ii qaɗaiedatteb amu, da amunu diig ele, da ool ii maidtte. Le okkai laala ag qaɗaiettaeg, danab ah appa le ii aotteb. Ao, le qeppuɗia bak laala ag qaɗaiettaeg, danab ah ag le appanu ii aotteb. Am amubia na dahilnu hekkutte?” Da anam ami.

Jeremaia 30:12

Amu Yawe Nug inam awa atte. “Ag Jakop buɗub, ag danab nug layag guittak okkainab mette, ihi nau awe, dokta babaitteb ena daakkunu ib laa iitta bia daatteb. Ao, ag Jakop buɗub ag am danab nug guittak okkainab awe, ihi nau daye, dokta babaitteb, eɗua ena bekkunu ib laa iitta bia daatteb.

Jeremaia 30:13

Laa hettoɗiakppa ehanatta, nai laa ii maditte. Ag danab nug ihi nau awe, eɗua ena daakkunu ehanittak laa iitta, ag amubia daatteb. Ao, ag danab oɗe nau awe, eɗua ena daakkunu ehanittak laa iitta, ag amubia daatteb.

Jeremaia 51:5

Aɗinu Babilon anam nena qena nauhkkulag? Kayak, Nug Yawe Nukka Ɠagattag Oh Ele, Israel dilag Kayak, Nug Israel, Juda ele uuata auta autanab ii awom. Laa amu, Babilon danab ah ag hipunin heegeg, Kayak, Nug Israel dilag Kayak Oppiaawak Ele, Nug nuhig neekkakppa ag beɗulagppa aab ambak daatte.

Jeremaia 6:30

Gadon, Yawe Nug Juda danab ah geɗadkku amunu, laa ag ahilagnu, “Silwa laa dubuttid ele, danab silwa amuppa uɗat laa hekkunu elele iitta amunu nug geɗidkku amu, Juda danab ah ag amubia daatteb,” akkulag.

Jeremaia 7:29

Amu Yawe Nug atte. “Ag Juda, ag ikkilag uɗug otaɗna, buɗippeg ukkaɗ! Ag qauko attannab, igippa keeke laa ii daatte, ag amuppa tena, appa ag nai oo doyak ele mattieg! Aɗinu? Da Yawe, da ag gemu daatteb, ag dahil oppoɗi bak waappa daatteb, da ag dimatte, ag geɗadmi,” awa atte.

Jeremaia 8:15

Ig maɗoɗ daagnignu oonig dayom, amge iitta, keeke ena laa ii uɗitte. Ig eɗut ena daagnignu haen anidkkunignu oonig dayom, amge iitta, baɗak eheɗ nau aakkuib beum daatte.

Jeremaia 8:22

Gileat appa marasin oɗe danab ehanadkkunu daatte. Appa dokta danab ah ehanadkkulagnu daatteb. Juda danab ah ag eɗun ena daaglagnu ib ele daatte amunu, aɗinu ag uun, eɗun ena ii daatteb?

Gayak Nai 2:13

O Jerusalem danab ah, da ehanadkkulnu aɗi akkul? Laa guittak ag aoppig bia aoppigte? Ge, O Sion danab ah, ag oolag mekkunu amu; da aun laa ag guittak okkai, ag aoppig bia aoppig ippunadppi, ag ɠagattag aoglag? Amu oh iitta; da am elele iitta. Ag guittak aoppig daatteb am okkainab, yu unuqagnab noa ukkak amubia amunu, aun nug ehanatteb, ag eɗun ena daaglag?

Gayak Nai 2:22

O Yawe, anukka na danab ah ag uɗin, hobul dayaknu haen na epeɗiadna maadme laa anidkkulagnu onilagppa eme; amubia na baɗak eheɗ nau taliligna daaglagnu onilagppa eme. Yawenu oo nauhe, bu mettaknu deɗppa laa nug hamu ii oolom. Laa nug bau ii dayom. Ao, laa ig ag atognoadmut ele amu, kekeɗ ag oh aqaeg mauhadppig.

Gayak Nai 4:17

Haen amuppa ig huu laa ag uɗin ehanigppeg, ig ii mauhmatanu dabmak okkainab aot, neegta daamut, amge ag ii uɗippig. Ge, ihinkad aɗi uɗitte anittak danab ag lag attan ta ukkak menppa hak, ag amuppa daanna, neekkeg ukke, huu laa ig ii nauhmatanu uɗin ehanigppeg anidkkulagnu daappig, amge huu amu ii uɗippig. Amu huu amu uɗilob, ag ehanigkkulagnu elele iitta.

Gayak Nai 5:22

Aɗinu? Antte! Na ig uuigna aut autnanab aome. Ge, na oo nauhak huanaknab ihinignu doome.

Maika 1:12

Danab ah Marot daatteb, ag uug naunab nau Yawe eppegppanu Jerusalem aɗnu odppanab uɗiom daatte anidtteb amunu, ehanittak aoglagnu dabmenana, tappaɗidnan daanna, ii anidna, ag guittak okkainab doon, beɗulag itoɗitte.

1 Tesalonaika 5:3

Danab ah ag, “Haen ena aakku beum, ig maɗoɗ ena daagnig,” abeppeg, haen amuppanab keeke eheɗ, ag heeb nauhkkulagnu, ahilagppa bekku. Keeke eheɗ amuam ah nug nid aokkunu guittak paha bette, amubia beeb dooglag. Danab ah ag keeke eheɗ amu ii qe-eɗidmana.