Jeremaia 14:18 - Nobonob Baibel

¹⁸ Da aab okkai uuen, aab dimittim oiyeye amu, da laa ag qep elabppa mauhppig anadttem. Da aab okkai ooppa oiyeye amu, laa enugppa mauhppig, mauhkkulagnu oitteb ele anadttem. Aɗinu? Propet danab, mana mettak danab ele ag daanna, maɗi ahilag hetteb, amge ag diig doon ii hetteb. Iitta. Ag hamu hetteb,’ ” ⌊awe akkul.⌋

Jeremaia 14:18 ပူးပေါင်းရင်းမြစ်များ

Aisaia 22:2

Ag Jerusalem danab ah, ag muttub qenana hetteb. Ao, ag amu henana, ag gamag ahak nau huanaknab hetteb. ⌊Amge aɗinu ag anam hetteb? Ag ahilkad daup, ahilkad okkai ele ag pehettak atognoadppigte? Iitta!⌋ Ahilkad danab mauhppig amu, ag ban henan qep elabppa ii mauhppig. Ge, ag ban henana, kekeɗ eppelagppa ii mauhppig.

Aisaia 28:7

⌊Amu anam aakku bekku, amge gemu⌋ Israel danab le lanak kobolppa daatteb amu, ag Israel danab ah gumadtteb. Propet danab, mana mettak danab ele oh le ɠagattag lana, spak menan, taataɗ qeegeg, hak ahilag am nauhom. Ag amubia oitteb amunu, dabmak ahilag eɗatte, maɗi ahilag amu, ag tutukku ii hetteb. Propet ag Kayak Nug tulppa keeke ippunatte, ag pehettak ii anidtteb. Mana mettak danab ele ag danab ah dilag keeke tutukku ii epeɗitteb.

Jeremaia 2:8

Mana mettak danab ag da Yawe, ag dahilnu ii dabmeppig. Ao, danab ag danab ah laa dahil ɗo ippunadtteb ele, ag da ii dooiɗppig. Ikki danab ag da dimeɗan, dahil nai tappaeg neum. Propet danab ag Bal dabmenan, nug onigppa ahilag nai mehuqppig. Ag Bal, kayak hambuppuak laa ele, amu dottolkad dabmenana, dim lamadppig.

Jeremaia 23:21

Da ii propet amu maatti ahappig, amge ag ahilag nai huanak madippig. Da ag amelagppa nai laa ii mattimi, amge ag ahan, dimppa aɗi bekkunu nai hambuppuak madippig.

Jeremaia 5:31

Kobol naunab nau ag hetteb am inam. Propet danab ag doonna, propet nai hambuppuak maditteb. Mana mettak danab ag akka, ahilag dabmak dim lamidna, danab ah gumadtteb. Propet, mana mettak danab ele ag anam aakku hetteb, amge dahilad danab ah ag kobol amunu oolag mauhtte. Anam, amge ib amu batakppa ag attem anidkkulag?” awa atte.

Jeremaia 6:13

Amu Yawe Nug atte. “Juda danab ah oh, danab onig iitta, danab onig okkai ele, ag oh baubau awaknu hik aqeeqe oitteb. Propet danab, mana mettak danab ele ag hambuppuak kobol dim lamidtteb.

Jeremaia 6:25

⌊Kekeɗ amu uɗippeg, nau aomnanu nai inam daakku.⌋ Kekeɗ ag qep elab ele, ag heeg, baɗak nau, guittak ele aben ohppa daatte amunu, ag aab dimittim aib goppig! Ag ib aon, laih aib goppig.

Jeremaia 8:10

Ag dahil nai geɗidna, ii dim lamidtteb amunu, da heppi, kekeɗ ag uɗin eɗadna, danab laa ag ahilag wan, ah ele diippeg, ahilkad daaglag. Aɗinu da anam hekkul? Juda danab ah oh, danab onig iitta, danab onig okkai ele, ag oh baubau awaknu hik aqeeqe oitteb. Ao, propet danab, mana mettak danab ele ag hambuppuak kobol dim lamidtteb.

Gayak Nai 1:20

O Yawe, ig Juda, ig oonigppa uug nau doottem anidkkutnu oɗ medattem. Ig oonigppa guittak nau doottem, ig oonigppa maɗoɗ nakok laa ii daatte. Aɗinu ig anam daattem? Ig nahip nai tappaut na auta awom. Lag dimittim appa ig qep elabppa mauhttem, lag ooppa ig mauhak anidtata oittem.

Gayak Nai 2:19

Juda danab ah ag tuqan, aɗi uɗitte anttak danab ag ahilag uɗat digmetteb haenppa ag ahan, Kayak huana unuqitteg! Le gokkaɗa gotte, amubia ag Naɗi noobppa Nug unuqitteg! Ag ahilkad nid naunau enugnu aabnu ib ukkak ohppa nena qena, mauhkkulagnu hetteb ele amu; ag ahilagnu ag eppelag human, Nug unuqitteg!

Gayak Nai 4:9

Laa ag kekeɗ daan ban heegeg, qep elabppa mauhppig amu, ahilagnu am ena; laa enugnu mauhtteb, amuam ena iitta. Gemu laa daatteb, ag dattanu ee awaknu ib iitta amunu, ag enug eheɗnab aqeeqe, ag ebehilkad teete, ag mauhtteb. Ahilagnu am gadonnab gadon.

Esekiel 7:15

Yawe Nug anam ana, Nug nai tuɗitta aum. “O gadon, aab okkai dimittim ban daup ag, ag Israel danab aqaglagnu daatteb. Aab okkai ooppa amu, oɗe nau danab kuɗum aqe mauhtteb ele, enug nau ele daattep. Danab ah aab dimittim daatteb ele, kekeɗ ag aqappeg mauhkkulag. Aab ooppa amu, danab ah ag oɗe nau danab kuɗum aqe mauhtteb ele, enugnu ele mauhkkulag.

Amos 4:6

Amu Yawe Nug atte. “Da hei, ag aab okkai ohppa ee iitta daappig. Ao, aab naunau ohppa ag bret iitta daappig, amge ag eɗun, da dim lamiɗkkulagnu da gumiɗna ii uɗippig,” awa atte.

Maika 3:11

Jerusalemnu danab okkai ag epeɗiak henana, ag lokkumakppa eheɗ haknu ehanittak aon hetteb. Danab ah ag Jerusalemnu mana mettak danab men doɗo mattaeg, ag ippunittak madatteb. Amu danab ag Jerusalemnu propet men doɗo mattaeg, ag propet nai ahilag maditteb. Ag nau amu oh hetteb, amge ag atteb. “Ig Yawe waappa daat, ehanittak aottem,” atteb. Ag anam anana, ag inam ele atteb. “Yawe Nug ig oonigppa iite daatte? Uug nau laa ihinigppa ii bema,” aon atteb.

Duteronomi 28:36

Yawe Nug heeb, ahilkad kekeɗ ag eɗadna heppeg, king ag nug gumadkkunu meppig ele nug, ag ele, ag oh wan ag ii dootteb ele amuppa gokkulag. Am ag mamelkad aɗi ag wan amu, ag ele ii dooppig ele. Anam daanna, ag am diia ukka laih me dayak danab ah daan, ag kayak adppa, menppa ele hattak, ag amu noolagppa dup noa binag mak kobol hekkulag.

Duteronomi 28:64

Yawe Nug ag wan imuppanu maatteb gona, tamtam wanppan wan ohppa daaglag amunu, ag baula wan imuppa ii daamna. Appa ag danab laihnu dilag kayak menppa, adppa ele hadappig amu; ag amu, ag mamelkad aɗi ele ii dooppig ele amu, ag amu noolagppa dup noa binag mak kobol hekkulag.

2 Pita 2:3

Ippunittak danab hambuppuak amu ag men doɗo baubau awaknu hik aqebeb, ag geha ippunittak kobol genab iitta, ahilag dabmakppanu aakkuib ag ippunadnana, men doɗo aoglagnu hekkulag, amge Kayak Nug ameg ii amuhe niitte. Iitta. Nug ag nob nau madakkunu meum daatte; ag ii eɗidmana.