Jeremaia 14:16 - Nobonob Baibel

¹⁶ Ag anam mauhkkulag, amu danab ah laa, propet amu ag ag amelagppa nai ahilag maditteb amu, danab ah amu ele ag anamib mauhkkulag. Ag mauhppeg, laa ag ag gaɗalag agappeg gona, lag dimittim aab Jerusalemnu ibppa hamu anam niiglag. Huanak mauhkkulag amunu, laa ag, ag waalkad, ag bekkalkad, ag aɗelkad ele boumadkkunu ii daama. Danab ah amu ag nai hambuppuak amu doon, dim lamidnana, hipunin huanak hetteb amunu, ag bu nau aoglagnu daanna, da heppi, ag bu anam aakku aoglag.

Jeremaia 14:16 ပူးပေါင်းရင်းမြစ်များ

Prowerb 1:31

Ag amu heppig amunu, ag ahilag oiyaknu meu heeg beum, am meu nau ninig ele amu, ag aakku lakkulag. Ao, ag keeke laala hekkulagnu lokkumakppa dabmena, maittak eheɗ aoppig amu, maittak amunu meu nau, ninig ele, ag lappeg, oolag didikku.

Aisaia 51:20

Ahilkad nid danab ag gai-iitta daatteb. Ag ib oɗatleppa doɗ pelemppa teum daatte bia niitteb. Yawe Nug oppoɗi bak doyeye, ag eheɗ aotteb. Ao, ag Israel, ahilag Kayaknu oppoɗi bak ahilkad nid dilagppa ambak daatte.

Aisaia 9:16

Ikki danab ag ib ena, ib tutukku, amu kobol ena ele danab ah ii ippuanatteb, amuppa danab ah ag ib ena apiɗidna ⌊ag padal metteb⌋.

Jeremaia 16:4

“Ag oɗe naunabppa mauhkkulag. Ag mauhppeg, laa ag ii mahimna, ii boumadmana ele. Ag gaɗalag hamu kinipan bia wanppa niiglag. Ele amu, kekeɗ ag qep elabppa ag aqappeg mauhppeppeg, ag enugppa ele mauhkkulag. Ag mauhna, ag gaɗalag am ai hab waappa hagagaɗna oitteb, doɗ dakkuɗ wanppa oitteb ele dilag ee daaglag,” awa atte.

Jeremaia 18:21

amunu, na heppe, nid naunau ahilkad ag enugppa, o qep elabppa mauhppeg, danab amu ag laa eppelagppa guittak aon mauhppeppeg, ahilkad ah ag ah qab, nid iitta daappeg, ag bekkalkad nid bau, ag ele banppa mauhkkulagnu oɗ medattem.

Jeremaia 20:6

Nug amu hekku, amge Pasur, nahipnu amu, na, amu na lautppa daatteb oh ele, Babilon dilag king nug ag diia ukka, Babilon wanppa maatteb, ag appa diia ukka laih me dayak danab ah daaglag. Na appa daanna mauhppe, ag na appa boumidkkulag. Na, amu na laipad na ag amelagppa propet nai hambuppuak ame amu, na ag ele oh anamib ahilagppa daakku,’ ” awa atte.

Jeremaia 27:15

Yawe Nug propet amu dilagnu inam atte. ‘Da ii maatti goppig. Ag da onil aon, ag dimppa aɗi bekkunu nai hambuppuak maditteb amunu, ⌊na ahilag nai dim lamidkkut dayeb amu⌋ da heppi, kekeɗ ag na omaidna, wan laappa gona meidppeg, na appa mauhkkut. Na, amu propet ag dimppa aɗi bekkunu nai hambuppuak maditteb ele, da heppi, ag oh anamib laih daan mauhkkulag,’ awa atte.” Da Sedekaia amegppa anam ami.

Jeremaia 4:18

O Juda danab ah, ag eheɗ henan daappig amunu, ag beɗulagppa uug imu ahilagppa bekku. Imuam ahilag bu awak aakku. O gadonnab gadon, am mua naunab ele. Bu amuam ag meulagnab guittak medakku.” Yawe Nug anam awa atte.

Jeremaia 5:31

Kobol naunab nau ag hetteb am inam. Propet danab ag doonna, propet nai hambuppuak maditteb. Mana mettak danab ag akka, ahilag dabmak dim lamidna, danab ah gumadtteb. Propet, mana mettak danab ele ag anam aakku hetteb, amge dahilad danab ah ag kobol amunu oolag mauhtte. Anam, amge ib amu batakppa ag attem anidkkulag?” awa atte.

Jeremaia 7:33

Amu haen amuppa danab ah gaɗalkad hamu wan qaɗeppa niippeg, ai hab waappa hagagaɗna oitteb, doɗ dakkuɗ ag wanppa oitteb ele, ahilag ee daaglag. Ag anam daappeg, laa ai o doɗ amu lamadkkunu ii daama.

Jeremaia 8:1

Amu Yawe Nug inam ele atte. “Haen amuppa laa ag Juda dilag king, Juda dilag ehanittak anuqak danab, mana mettak danab, propet danab, Jerusalemnu danab ah ele ag anukka mauheg boumadppig ele, laa ag amu ebehilkad boumadppig abenppanu akkan,

Jeremaia 8:2

ag wanppa hamu maadppeg daaglag. Juda danab ah amu ag anukka bau daanna, ag aam kalam hoɗoppai ele dilagnu, ‘Ihinig kayak,’ anana, ag keeke amu noolagppa dup nona binalag mena, ag amu dilag oolag mauhak doon, ag amu dilag mana mettak danab dilag nai doon dim lamidna, ahilagppanu aɗi aɗi hekkulagnu nai ele aoppig. Juda danab ah ag amu heppig amu, haen amuppa ag ebehilkad am wan qaɗeppa kinipan bia daappeg, laa ag qagmena, moɗppa ii memana.

Jeremaia 9:20

Aria gemu, ag Juda ah, ag Yawenu nai imu doyeg! Ag daulag human, nuhig nai doon autna aweg! Ag ag aɗelkad qanaknu kobol ippunadppeppeg doyeg! Ao ag akka akka ag nai oo doyak ele mattiak laa nug ippunidnana doyeg!

Jeremaia 9:22

Yawe Nug da nai imu appi dooglagnu da amelppa aum. “Yawe Nug inam awa atte. ‘Qinob, haen amuppa, danab mauhppig ele, ag gaɗalag am dad okkaippa kinipan bia niiglag. Ag danab ee aeg awewe, gumu kuɗum wanppa nena qetteb, ag gaɗalag am amubia daaglag. Ag anam daappeg, laa diin boumadkkulagnu laa ii daama. Iitta,’ ” awa atte.

Esekiel 39:14

Amu Naɗi Yawe Nug atte. “Israel wan eɗua oppiak daakkunu, danab ah oh ag kalam eblaih aɗit ele boumattak uɗat amu heppeg ukkeb, haen amu maleb, danab epeɗiadkkulag ag digmena, boumak uɗat amu tuɗidna gumaglag. Danab amu oolagppan laa ag ahan, wan ohppa oinna, ebehilkad anidppeg, laa ag uɗin boumadkkulag. Ag uɗat amu hekkulagnu diig am, wan dubuttid ele daamanu boumak uɗat amu hekkulag.

Amos 7:17

Na da baula amunu ii madipanu attem amunu, Yawe Nug inam atte. ‘Uug naunab nahip-ppa bekku. Beeb, ah nahip nug aab okkai imuppa ib baag ah daakku. Nid danab nahipad, nid ahin nahipad ele amu, kekeɗ ag qep elabppa aqappeg mauhkkulag. Wan nahip amu, laa ag oppatppeg neeb, panin aoglag. Na amu, na wan laappa, wan imuppa iitta, laappa mauhkkut. Wan amuppa ag Kayak ii dimlamidtteb; ag kayak laa dim lamidtteb. Nahip-ppa anam beeb amu, kekeɗ ag heppeg, Israel ag genabnab genab ahilag wan imuppanu ahan gona, diia ukka laih me dayak danab ah wan laappa daaglag.’ Yawe Nug anam awa atte,” awa aum.

Matyu 15:14

Amubia amu ɗo gumak danab-Parasia, ahilag ippunittak am iitta mekku amunu, ag ahilagnu aib uug aqom. Ɗo gumak danab-Parasia ag danab ah omaladtteb, amge ag amelag gaɗuom. Am ameg gaɗuak laa, nug laa, nug ele ameg gaɗuak ele, nug ib ippunitteb amu, aa oh moɗppa neya qekkulah,” awa aum.

Revelesen 16:1

Anam dayeye, da baag laa Kayaknu mettid lag ooppanu engel eblaih aɗit amelagppa aawo doomi. Nug inam aum. “Ag tappiɗ eblaih aɗit ele, oppoɗi bak Kayak Nug danab dilag hipuninnu dootte, amuam tappiɗ amuppa daatte amu, ag tappiɗ amu aon gona, wanppa gokkaɗeg!” awa aum.