Jeremaia 13:23 - Nobonob Baibel

²³ Kus danab nug nukka nug heeb, nug gaɗa eɗua, laa daakkunu elelete? Doɗ lepad, gaɗa otultul ele, nug nukka nug heeb, otultul amu eɗua, laa daakkute? Amubia ag eheɗ tuɗidib hetteb ele, ag akka ag hena, ag ena hekkulagte?

Jeremaia 13:23 ပူးပေါင်းရင်းမြစ်များ

2 King 17:40

Yawe Nug anam aum, amge Israel ag nai dooglagnu uun, ag kobol anukka heppig ele, amuib ag henan dim lamidppig, ⌊amu wan laappan danab uɗippig daatteb, ag ele Yawenu nai ii dim lamidtteb⌋.

Prowerb 27:22

Danab nug ee aeg awa, ganuɗaknu masinppa me ukke, kalu daatte. Anam amge, na danab nug Kayak dab-ii-maama ii dim lamidtte ele, na nug anam bia eheɗ hedakkut dayeb amu; nug nuhig Kayak dab-ii-maama hak kobol ii uuma.

Eklisiastis 1:15

Keeke laa kaliak daatte amu, danab laa nug heeb, eɗua tutukku, daalobianab daakkunu elele iitta. Ao, keeke laa ii daatte dayeb, laa nug ebqekkunu elele iitta.

Aisaia 1:5

⌊O Israel danab ah,⌋ aɗinu ag nai tappe nak kobol tuɗidna henana oitteb? Aɗinu ag bu baula aoglagnu hetteb? Israel ag nid laa, hibguitta haaha, bu awe, mukki gaɗa laɗue ukke, beɗu laa oh ele ihi mettom, ag amubia nauhppig daatteb. Ao, Israel ag nid laa beɗu oh oɗe ele, amubia ag nauhna autna aoppig daatteb.

Jeremaia 17:9

O gadon, danab ah oolag unuqagppa hambuppuak aakkuib daatte. Danab aun laa danab oolagppanu nug amu heeb, babaittak daakkunu laa iitta. Aun nug amu tutukku dookkunu elele iitta.

Jeremaia 2:22

Anam amu, da, Naɗi Yawe, da inam iikku attem. ‘Ag Israel ag beɗulagppa aab ele. Danabnu lamen gau laittak daatte, nug sop, blis eleppa huana ihatte, amge gau amu iitta ii mette, amubia ahilag aab iitta ii mette. Da noolppa aakku daatte.

Jeremaia 2:30

Da ag Israel ag oolag eɗukkunu bu mattami, amge ag oolag eɗukkunu uuppig. Ag laion doɗ laa aqe mauhtteb, amubia ag qep elabppa dahil propet aqaeg mauhppig.

Jeremaia 4:22

Amu Yawe Nug atte. “⌊Imu bekkunu diig am,⌋ dahilad danab ah ag da dab-ii-meɗan ii dim lamiɗtteb ele. Ag da ii dooiɗtteb. Ag nid naunau, kaaka hetteb bia hetteb. Ag diignu doyak tutukku laa iitta. Ag eheɗ hekkulagnu doon autna aotteb. Ag ena hekkulagnu ib ii dootteb,” awa atte.

Jeremaia 5:3

Yawe Nug anam a amu, da Nug amegppa ami. “O Yawe, na danab aun aɗi ag doyak diig genabib dim lamidkkulagnu hetteb ele, na danab ah amubia mattiadttem, ⌊amge nahip danab ah ag amubia ii hetteb⌋. Na bu mattame, amge ag eheɗ heppignu oolagppa guittak ii dooppig. Na oɗoɗadme, amge ag bu mattak nahip amu ii dabmena, oolag eɗukkunu uuppig. Ag heeg, ag na oɗen dim lamidmananu dabmak ahilag ɠagattag eppom. Ag oolag eɗukkunu uun, iinab heppig,” awe ami.

Jeremaia 9:5

Juda ooppa layag nug layag hambuppuidtte. Laa nug doyak diig genabib ii dim lamidtte. Ag akka ag heeg, ag lemaɗulag nai hambuppuak maditte. Ag danab uɗat huana he, beɗu bahi yaatte, ag amubia hipunin huana hetteb.

1 Samuel 19:21

Ag anam heeg, laa aeg, Saul doyom amu, nug danab ameg laa maatte goppig, amge ag ele anamib gona, propet nai mehuqppig. Ag anam heeg, Saul nug danab ameg laa maatte goppig, amge ag ele gona, anamib heppig.